Jueces 7:2 - Kashibo-Kakataibo Biblia

² Anuxun ka Nukën ꞌIbun Gedeón kakëxa: “Uisati kaina ꞌaisamaira israelnën suntárukama min bëan, abë ꞌakanankin madianita unikama ꞌatankëx ka nubi kananuna ꞌa kiax anun rabiti ꞌëmi manukanti ꞌikën.

Jueces 7:2 Iomraidhean Croise

Génesis 46:2

A imë́bi ka Diosan abë banakin Jacob ꞌikëbia Israel kakin anëkë a kuënkin namámikësokin kakëxa. Kakëxun ka an: —Ënu kana ꞌain kixun ka kakëxa.

Jeremías 9:23

Ësai ka Nukën ꞌIbu kiaxa: Uixi ka rabiakati an ñu ꞌunairakë anun ꞌëx kana ñu ꞌunánkë ꞌai kiax rabiakatima ꞌikën, ꞌimainun ka kushiira uni axi ꞌëx kana kushiira ꞌai kiax rabiakatima ꞌikën, uix kara ñuñuira ꞌikë axi ka ꞌëx kana ñuñuira ꞌai kiax anun rabiakatima ꞌikën.

Daniel 4:30

nitsax ësai kiakëxa: ¡Ka kuat, chaiira cha ka Babilonia ëma ꞌikën! ꞌËx kushiira ꞌixun kana anu ꞌëx ꞌapu ꞌia ꞌikëa unin ax kushiira ꞌixun ka usakin ꞌamiakëxa kixuan unin ꞌunánun kana ꞌamia kiakëxa.

Habacuc 1:16

Usa ꞌain ka an tsatsa bikë unikaman atun rika rabianan, atun mishkitikama aribi ñuina xaroxunkin, asábi ka kakin a kupí kananuna upí pitiñu ꞌianan, ꞌitsaira pitiñu ꞌai kiax kia.

Romanos 11:18

Usa ꞌaíshbi camina rabiti —ꞌëx cana judíos unicamasamaira ꞌai —qui cërútima ꞌain. Camina sinánti ꞌain, aín tapúnmi cushicë cupí ca in pëñan cania. Usaribiti cana ꞌëx judíosma ꞌaíshbi, judíos unibu cupí, Cristomi catamëti Nucën Papa Diosnan ꞌain.

Romanos 3:27

An usai ca uni ꞌiti ꞌicë quicë bana quicësabi oquin ꞌacë uni, ax sapi ca rabíti ꞌicën, —ꞌën nuitu ca Nucën Papa Diosan upí isia —quixun sinani. Usa ꞌaínbi ca axa Jesucristomi catamëcë unin ꞌunania, —Jesucristo cupíshi ca Nucën Papa Diosan ꞌë upí isia —quixun. Usaquin ꞌunani ca rabitíma.

2 Corintios 4:7

Nun cushínbi ꞌatsínxunmabi cananuna an ꞌamicëxuinshi ax cuëëncësabi oquin ꞌati ꞌai quixuan unicaman ꞌunánun ca Jesucristo cupí Nucën Papa Diosan nux abë upí ꞌixúnu aín cushínbi ñu ꞌanun nu ꞌimia.

Efesios 2:9

An ca an ñu upí ꞌacë cupí ainan ꞌinun uni ië́mima. Usa ꞌain ca uinu ꞌicë unínbi —ꞌën upí ñu ꞌacë cupí cana ië́a —quixun rabíquin sinántima ꞌicën.

Deuteronomio 32:27

ꞌaínbi kana atumi nishkë unikamaxa ꞌëmi kuai kiti ꞌikë kixun sinánkin ꞌakëma ꞌain; ꞌakinma kana atúxa ꞌëmi kuai kánani: Nukën ꞌIbun ka atu ësokin ꞌakëma ꞌikën; nun kushínbi kananuna ësokin ꞌa kiax kiti ꞌikën.

Deuteronomio 8:17

Usa ꞌain kamina mitsun ësokin sinántima ꞌain: Nun kananuna ënë ñukama nun kushínbi bia kixun.

Deuteronomio 8:18

Usa ꞌain kamina mitsun Diosmishi sinánti ꞌain, an ka kushi okin mitsux mi kamabi ñu binux kushinun mitsu ꞌimiaxa, ꞌimikin ka ax kikësabiokin achúshiñu nukën chaitiokë kamabëtan ꞌasaribiokin ꞌaxa.

Santiago 4:6

An nu sinánmicë ñuishi nun ꞌanun ca Nucën Papa Diosan nu ꞌaquintancëxun nuibaquin nua ꞌaquincë usamaira oquin ꞌaquintëcënia. Usa ꞌain ca aín bana ësai quia: “Nucën Papa Diosan ca axa rabícë unicama a timanan axa —ꞌëx cana usa ꞌai —quiax rabícëma unicama nuibaquin ꞌaquinia”.

1 Samuel 14:6

Anuxun ka Jonatánnën abëa kuankë aín uni kakëxa: —ꞌUkëmanan kananuna kuanti ꞌain, uinua karanuna uni ꞌaisama kamanuaxa ukë suntárukama a mërai anuishi kananuna bërúti ꞌain. Nux anun ꞌakamati ñu ka ꞌaíma ꞌikën, usa ꞌain ka Nukën ꞌIbun ꞌitsa unibëtanmabi, ꞌitsamara ꞌixunbi ꞌanun nu ꞌamiti ꞌikën.