Jueces 6:3 - Kashibo-Kakataibo Biblia

³ Israel unibunën ñu ꞌapákë tibi uxun ka madianita unikama ꞌianan amalecita ꞌimainun amiaxa bari urukë amiax uxun bëtsi unikamanribi atun ñu ꞌapákë binuxun abámiakëxa.

Jueces 6:3 Iomraidhean Croise

Génesis 25:6

Usakin ꞌanan ka bëtsi xanumia ꞌakë, aín bëchikëkama Abrahamnën aín ñu ꞌitsamashi ꞌinánkëxa, usokin ꞌinántankëxun ka ñukëmapain ꞌixun aín bëchikë raíri amanu kuantanun kixun xuakëxa, xuanan ka Isaac axëshia anua ꞌikë me anu ꞌinun kixun kakëxa.

Génesis 29:1

Usa ꞌain ka Jacob Betel kakë me anuax kuani amiaxa bari urukë me ami kikiani kuankëxa.

1 Reyes 5:10

Usa ꞌain ka Hiramnën an ñukákësabi okin Salomón kunxan, pino kakë i akamabi aín unikama ꞌamixun ꞌinánkëxa,

Job 1:3

ꞌimainun ka ax siete mil ovejakama ꞌianan tres mil camello, ꞌimainun a ñu mëëmikë vaca bënë rabë́, rabë́ ax quinientas ꞌiakëxa, ꞌimainun ka burro aín xanu kamañuribi ꞌiakëxa. ꞌIanan ka an ñu mëëxunkë unikama ꞌimainun xanukama an ñu ꞌaxunkë kamañuribi ꞌiakëxa. Usa ꞌaish ka ax ñuñuira uni a menu ꞌiakëxa.

Job 31:8

usakin ꞌën ꞌakë ꞌikë ka bëtsi unikaman ꞌën ꞌapákë ñukama bixun piínun Diosan ꞌamiti ꞌikën, ꞌimainun ka ꞌën ꞌapá ñukamaribi aín tapun këñunbia bëtsi unikaman ëchinun ꞌamiti ꞌikën.

Éxodo 17:8

Usaxa Refidim kakë menu israel unibu buküanbi ka amalecita unikamax atubë ꞌakanani uakëxa.

Jueces 6:2

Usokin ënkëa madianitakaman israel unikama ꞌatimaira okin ubíokëx ka aín bashinua ꞌikë kini baritankëx anua barikinbi mëratisamanu unëkankëxa.

Jueces 6:33

Usakian ꞌan ka madianita unikama ꞌimainun amalecita unikama ꞌianan amiaxa bari urukëmiaxa ukë unikama, timëtankëx Jordán kakë baka sikarakëkianx Jezreel kakë me sapan anu ꞌikankëxa.

Jueces 6:4

Abámitankëxun ka Israelkama anu ꞌikë me anu ꞌixun atún ñu ꞌapákë masókin, Gaza kakë me anu kuainakëkë anubi sënë́onkin israel unibunën piti ꞌaíma ꞌitánun ꞌanan atun oveja, asno, ꞌimainun vaca ain bënëkama abi mëkamakëxa.

Jueces 7:12

Usai ꞌimainun ka, madianita unikama ꞌimainun amalecita unikama ꞌianan amiaxa bari urukëmiaxa ukë unikama atux me tsitsibiani champu ꞌitsa iskësaira kiani kuankëxa. ꞌImainun ka atun camellokamax ꞌaisamaira ꞌaish parúmpapa kuëbínua masi bëru iskësaira ꞌiakëxa.

Jueces 8:10

Usaia ꞌimainun ka Zébah ꞌimainun Salmuná Carcol kakë ëmanu mapai rabë́ ꞌimainun mapai achúshi mil aín suntárukamabë ꞌiakëxa, akamax ka amiaxa bari urukë amiaxa kuankë suntárukamaishi ꞌiakëxa. Atux bërúmainun ka ciento veinte mil suntárukama ꞌakanani këñukë ꞌiakëxa.