Jueces 6:2 - Kashibo-Kakataibo Biblia

² Usokin ënkëa madianitakaman israel unikama ꞌatimaira okin ubíokëx ka aín bashinua ꞌikë kini baritankëx anua barikinbi mëratisamanu unëkankëxa.

Jueces 6:2 Iomraidhean Croise

Hebreos 11:38

A unicama aín nuitu upíira ꞌaish ënë nëtënu ꞌima Nucën Papa Diosan nëtënuira ꞌiisa ꞌaíshbi ca anu uni ꞌicëma menu nitsi aín bashinuribi cuaínbëquini xubuñuma ꞌaish bashi quininu ꞌiacëxa.

Apocalipsis 6:15

Usai ꞌicëbë ca axa Nucën Papa Diosmi sináncëma unicama, ꞌapucama ꞌimainun uni cushibubë ñuñu unicama, ꞌimainun capitáncama, ꞌimainun uni chacama, ꞌimainun an uni itsi ñu mëëxuncë unicama, ꞌimainun an uni itsi ñu mëëxuncëma unicama, a camáxbi racuëti matá me shimú ꞌicë quinicamanu ꞌianan aín bashinu ꞌicë xaxu chacama nëbë́tsi unë́axa.

Jueces 6:3

Israel unibunën ñu ꞌapákë tibi uxun ka madianita unikama ꞌianan amalecita ꞌimainun amiaxa bari urukë amiax uxun bëtsi unikamanribi atun ñu ꞌapákë binuxun abámiakëxa.

1 Samuel 13:6

Usa ꞌain ka Israelnën suntárukama ꞌaisamaira filisteo suntáru ꞌain, atun ꞌatimi rakuë́ti abátankëx aín bashi kininu unëmainun me nankë́kënu ꞌianan bëtsi bëtsi maparanu ꞌimainun bëtsi bëtsi xëxanu ꞌikë me rënankëkënu ꞌimainun me kininuribi unëkankëxa.

1 Samuel 14:11

Usa ꞌain ka a rabëtax, anua ꞌikë anuxubia filisteo unikaman iskanun usai ꞌiakëxa. ꞌImainun ka usai ꞌia isi filisteo unikama kánani kikankëxa: Ka kuat, hebreos unikama ka numi kuai anua unëkë bashi kini tëmúnuax chikirabatia kiax kiakëxa.