Jueces 6:12 - Kashibo-Kakataibo Biblia

¹² ꞌAkëbë ami mërakin ka Nukën ꞌIbun ángelnën kakëxa: ¡Nukën ꞌIbu ka mibë ꞌikën, usa ꞌain kamina uni rakuëma ꞌianan kushi sinánñu ꞌiti ꞌain!

Jueces 6:12 Iomraidhean Croise

Éxodo 3:12

Ësai kia ka Diosan kakëxa: —ꞌËx kana mibë ꞌiti ꞌain, ënëx ka ami unántiokin ꞌënbi mi xukë ꞌiti ꞌikën: Egipto menua ꞌën unikama chikínkë ꞌain kamina kamaxunbi mikaman ënë menuxun ꞌë rabiti ꞌain.

Mateo 1:23

Xanu achúshi unibë ꞌicëma pain ꞌaish ca tuñu ꞌitancëx bacë́nti ꞌicën. Aín tuá ax ca Emanuel caquin anëcë ꞌiti ꞌicën. Emanuel quicë ax ca “Nucën Papa Dios ca nubë ꞌicë” qui quicë ꞌicen.

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.

Lucas 1:11

Tsëpasa ñu xaroquinbi ca Zacaríasnën anuxun tsëpasa ñu xaroti a mëqueucüa an Nucën Papa Dios ꞌaquincë aín ángelcama achúshi ami chiquiracëtia mëracëxa.

Lucas 1:28

Usa ꞌain ca xucëx cuanx anua ꞌicënu atsínquin María cacëxa: —Chuámashi ca ꞌit. Mi ca Nucën ꞌIbu Diosan upí oquin sinánxunia, xanu raíri ꞌacësamaira oquin. Ax ca mibë ꞌicën.

Josué 1:5

Uínbi ka uisaxunbi mibë ꞌakanankin mitsu kanantima ꞌikën, ꞌën kana Moisés ꞌasaribiokin, ꞌën kushínbi ꞌakianan uínsarabi ënkinma mi ꞌakinti ꞌain.

Josué 1:9

ꞌËn kana mi kain usa ꞌain kamina kushi sinani rakuë́tima ꞌain. Usa ꞌain kamina rakuë́kin kana ꞌaíma kixun sinántima ꞌain, min ꞌIbu Dios ꞌëx kana mibë uinu karamina kuani anubi ꞌiti ꞌain.

Jueces 13:3

ꞌAínbi ka achúshi nëtën Nukën ꞌIbun ángelnën ami mërakin kakëxa: Mix kamina uínsaranbi tuakëma xanu ꞌain, usa ꞌaínbi kamina bërí tutankëx achúshi bëbu tuá bakënti ꞌain.

Jueces 2:18

Uínsaran kara Nukën ꞌIbu an atu ꞌakinun uni achúshi ꞌapu ꞌimia, anun ka anbi ꞌakiankëxa, ꞌakinia ka Diosan Israel an ꞌakinti kaískë unikaman ami nishkë unikaman ꞌaia nuibakin, ꞌakiankëxa, ꞌakinkin ka a unikama atunua chikínun ꞌamiakëxa.

Jueces 6:11

Usa ꞌain ka Nukën ꞌIbun ángel achúshi uax Ofrá kakë ëma anua ꞌikë in papa tëmú tsóakëxa, ax ka Joás kakë uni Abiézer ain rëbúnki ainan ꞌiakëxa. Anuxun ka Gedeón kakë uni Joásnën bëchikë an aín trigo unëxun tákakëxa, anuxun ka uvas aín baka xëati biti chakakë anuxun ka madianita unikaman isma mëraia kiax rakuë́ti unëxun ka usakin ꞌakëxa.

Jueces 6:13

Kakëxun ka Gedeónënribi kakëxa: —ꞌËn ꞌIbu ësokin kana mi kain Nukën ꞌIbu ka nubë ꞌikën, ¿Uisa kupín karanuna nux ënë ñukama ësai inutin? ¿Uinu kara an nun chaitiokëkama Egipto menua chikínkin bëtsi bëtsi ñu ꞌaxuan ꞌikëa nu ñuixunkë Nukën ꞌIbu Dios ax ꞌik? Nukën ꞌIbun ka madianita unikaman ꞌatimonun nu ëankëxa.

Rut 2:4

Usai anu tëmainun ka naë ꞌibu Booz ax Belénnuax aín unikaman kara an ñu ꞌapákë bitsia kixun isi uakëxa ukin ka an ñu bimi bikë unikama uisa kaina ꞌain, kixun atu kakëxa: —¡Nukën ꞌIbun ka mitsu ꞌakinkin bërúanti ꞌikë kixun kakëxa! Kakëxun ka atúnribi kakëxa: —Miribi ka Nukën ꞌIbun upíokin sinánxukin ꞌakinti ꞌikë kixun kakankëxa.

1 Samuel 10:7

Uínsaran kara Diosan ꞌimikëx minu usai ñu ꞌia anun kamina Diosanbi mi ꞌakinkëxun sinánti ꞌain.