Jueces 6:11 - Kashibo-Kakataibo Biblia

¹¹ Usa ꞌain ka Nukën ꞌIbun ángel achúshi uax Ofrá kakë ëma anua ꞌikë in papa tëmú tsóakëxa, ax ka Joás kakë uni Abiézer ain rëbúnki ainan ꞌiakëxa. Anuxun ka Gedeón kakë uni Joásnën bëchikë an aín trigo unëxun tákakëxa, anuxun ka uvas aín baka xëati biti chakakë anuxun ka madianita unikaman isma mëraia kiax rakuë́ti unëxun ka usakin ꞌakëxa.

Jueces 6:11 Iomraidhean Croise

Génesis 16:7

Abákë ka Nukën ꞌIbun ángel achúshinën anu uni ꞌikëma menuxun mërakëxa, ax ka aín rëbumi kakin anëkë me anu kuanti bai rapasu ꞌumpax upíira ꞌikë anu ꞌiakëxa,

Génesis 48:16

usa ꞌixun ka Dios an uisai kara ꞌiti ꞌikëbi an ꞌë bërúankë anribi ënë tuákamaribi bëruánti ꞌikën. Usa ꞌain ka ënë tuákama kupín ꞌën anë sinanan ꞌën xuta Abraham ꞌimainun Isaac aín anë sinánti ꞌikën. Usa ꞌain ka atux ꞌaisamaira bakë bëchipati ꞌuakamë ꞌëoanan kamabi menu kuani aín ëmaitsi ëmaitsi ꞌai tsókanti ꞌikën.”

1 Reyes 19:19

Usa ꞌain ka Elías anu uni ꞌikëma me anuax kuantankëx anua Safatnën bakë bëchikë Eliseo an aín vaca bënëkama mapai rabë́ ꞌimainun rabë́ a manë paránën me tukamikë anu bëbakëxa, anuxun iskëxunbi ka aín unikaman ꞌamainun Eliseonënribi atu kaxú tsiánkiankin rabë́ vaca bënë me tukamiakëxa. Usakian ꞌakëbë a ꞌurama okinshi ka Elíasnën aín tarin Eliseo mapuakëxa.

Isaías 63:9

kamabi atun tëmërakë anuabi. Usa ꞌixun ka bëtsi uni an ië́minun xukinma, Nukën ꞌIbunbi ka ië́miakëxa. An ka bitëkëánkëxa nuibanairakë ꞌixun; aín pëñanën birukësa ꞌinun ꞌakiankëxa. Usakin ka bërámabi ꞌa ꞌixun ꞌakiankëxa.

Hebreos 11:32

¿Uisaquinribi carana mitsu cati ꞌain? Gideón, Barac, Sansón, Jefté, David, Samuel, acama ꞌiá ꞌimainun an Nucën Papa Dios quicë bana uni ñuixuncë unicamaribi mitsu ñuixunquinbi cana sënë́ontima ꞌain.

Jueces 13:3

ꞌAínbi ka achúshi nëtën Nukën ꞌIbun ángelnën ami mërakin kakëxa: Mix kamina uínsaranbi tuakëma xanu ꞌain, usa ꞌaínbi kamina bërí tutankëx achúshi bëbu tuá bakënti ꞌain.

Jueces 13:6

Usokin kakëx kuanxun ka xanun aín bënë ñuixunkin kakëxa: Achúshi Diosan uni ka anu ꞌëx ꞌikënu uaxa, anuxun ka ënkinma ꞌë kaxa, kakëxun iskëxbi ka Nukën ꞌIbun ángel iskësa ꞌiaxa. Usa ꞌikë kana uikara ax ꞌikë kixun ñukákëma ꞌain, anbi ka ui uni kara ax ꞌikë kixun ꞌë kakëma ꞌikën.

Jueces 5:23

Usai ꞌikëbë ka Nukën ꞌIbun ángel ësai kiaxa: ¡ꞌËx kana Meroz kakë ëma ꞌimainun anu ꞌikë unikama ꞌatimokë ꞌiti kuëënin! Atux ka axa ꞌakanani kuankë unikamasaribi ꞌixun ꞌakanania Nukën ꞌIbun unikama ꞌakini kuankëma ꞌikën.

Jueces 6:12

ꞌAkëbë ami mërakin ka Nukën ꞌIbun ángelnën kakëxa: ¡Nukën ꞌIbu ka mibë ꞌikën, usa ꞌain kamina uni rakuëma ꞌianan kushi sinánñu ꞌiti ꞌain!

Jueces 8:2

Usai ꞌiabi ka Gedeónën kakëxa: —¿Mitsunmi ꞌën ꞌakësamaira okin ꞌakë a kaina sinaniman? Mitsúnmi ꞌitsamashi ꞌakë ax ka nun nu ꞌitsaira ꞌakë usamaira ꞌinunmi ꞌakankë ꞌikën.

Jueces 9:5

anua ain papa Jerubaal tsóa Ofrá kakë ëma anu kuankëxa, kuanxun ka anuxun achúshi mapara chaiira anu unëxun setenta ain xukë́nkamaishi Abimélecnën ꞌamiakëxa. ꞌAmikëbë ka aín xukë́n ꞌanáka Jerubaalnën bëchikë Jotam kakë axëshi istirabanan unëakëxa.