Jueces 6:10 - Kashibo-Kakataibo Biblia

¹⁰ ꞌImainun kana ꞌëx mitsun ꞌIbu Dios ꞌai kixun kana mitsu kakën, usa ꞌain kamina amorreo unikaman rabikë aín dios ami rakuë́kantima ꞌain, kamina bërí atun menu tsótan; ꞌaínbi kamina ꞌën mitsu kakësabiokin ꞌakëma ꞌain.

Jueces 6:10 Iomraidhean Croise

Nehemías 9:29

Usokin ꞌanan kamina a tanti bana amiribishi ax kikësabi okían ꞌanun atu kakën; ꞌaínbi ka a banakama isa ꞌunánxa kikin atun min banakama kikësokinbi ꞌama ꞌikën; uin kara min bana kikësabiokin ꞌaia ax ka upitax tsóti ꞌiakëxa, usa ꞌaínbi ka min bana kikësabiokin ꞌakinma ꞌatimakin ꞌakëxa usakin ꞌaika atux a bana kuaisamatani ax kuëënkësa ꞌoíshi ꞌiakëxa.

Éxodo 34:12

A menu atsínxun kamina a unikaman mitsubëtan ñu ꞌakatsikixun ubíokin kakëxunbi ꞌatima ꞌain, atun ꞌakë ñu ꞌatima ꞌaimi atux ꞌikësaribiti ꞌuchatima kupín.

Éxodo 34:14

Usa ꞌain kamina bëtsi dios rabitima ꞌain, ꞌëx kana mitsun ꞌIbu an ñu ꞌatima ꞌaisama okin mitsu bërúankë a ꞌain. ꞌËn anëx ka Dios an ñu ꞌatima ꞌaisama okin bërúankë a ꞌikën.

Jeremías 9:13

Usa ꞌain ka Dios ësakin kakëxa: Kamabi ñua Israel unikama ꞌinua ax ka ꞌën ꞌinánkë banakama kikësoibi ꞌikinma rakankë ꞌaían ꞌikë ꞌiakëxa, usai ꞌikin ka ꞌëx kikësoi ꞌikinma a banakama ꞌunánxunbi abi ꞌakima manukankëxa.

Romanos 10:16

A bana cuënëo ꞌaínbi ca camabi uníinra a bana sináncëma ꞌicën. Ësai ca Isaíasnën cuënëo bana quia: “Camabi uniínrama, ꞌitsama unínshi ca nun ñuixuncë bana cuaquin —ca asérabi ꞌicë —quixun sinania”.

Hebreos 5:9

Ax tëmëraibi aín Papa Dios cuëëncësabi oi ꞌiá ꞌixun ca an aín bana cuaquin ax quicësabi oquin ꞌacë unicama a aín ꞌucha tërë́nquin Nucën Papa Diosnan ꞌaish xënibua ꞌaínbi abë ꞌinun ië́mia.

Josué 24:15

Usa ꞌain kamina mitsun Nukën ꞌIbu rabitisama tani, bëríbi uisa dios kaina mitsun rabitisatani kiax kiti ꞌain: Kaina mitsun chaitiokëkaman Éufrates kakë baka kuëbí pain tsókë ꞌixun rabia dios, a rabiti ꞌain ꞌakima karamina anumi bërí tsókë amorreo unibunën me anu ꞌikë dios akama rabiti ꞌai kiax kamina kiti ꞌain. ꞌAínbi kana ꞌën, xanu ꞌën bakë bëchikëkamabëbi Nukën ꞌIbu kuëënkësa oíshi ꞌiti ꞌain.

Jueces 2:2

usa ꞌain kamina mitsun ënë menu ꞌikë unikamabëtan achúshi ñubi ꞌakatsi atubë kanantima ꞌain, usai ꞌikinma kamina kamabi atun anuxun ñuina xarokëkama a rurupati ꞌain. ꞌAínbi kamina ꞌën kakëxunbi kuaisama tankën, ¡Usa ꞌain kamina añu kaina mitsun ꞌa kixun sinánti ꞌain!

Jueces 6:9

ꞌimainun kana mitsuishi egipcio unibunua chikinkima, an mitsu ꞌatima oisatankë unikama aribi chikiankën. Atu mitsun ismainunbi chikíkin kana anua tsókë unikama ain me mikama ꞌinánkën.