Jueces 5:6 - Kashibo-Kakataibo Biblia

⁶ Anúan Samgar Anatnën bëchikë tsóa a bari ꞌimainun, Jael tsóa a barikaman ka israel unikamax anúan nikë bai a ꞌimainun amo pátsinkiani nitsi me ꞌaisama anunbi nikiani kuankëxa;

Jueces 5:6 Iomraidhean Croise

Isaías 33:8

Bai kama axribi anun nikima ënkë ꞌikën, uixi anun nitima ꞌikën. Ñu ꞌakatsikiax bëtsibë bërí kanankë a ꞌaíma ꞌinun ënkë ꞌikën; usa ꞌain ka timë́ax kananxuan ñu mëëkë akamaribi ꞌaíma ꞌikën, ꞌianan ka bëtsibë nuibanani kanankë abi ꞌaíma ꞌikën.

Jeremías 6:25

¡Usa ꞌain ka uixi nitsima ꞌimainun bainubi nikantima ꞌikën! ¡Axa numi nishkë unikama ka mëníoka kuatsini aín manë xëtokë tuíanx uti ꞌikën; usa ꞌain ka unikama amanu amanua tsókë atúxribi rakuë́kania!

Miqueas 3:12

Usa ꞌain kana mitsun ꞌuchakë kupí Jerusalén ëma Sión kakë bashinua ꞌikë a ꞌën bërí ꞌakintima ꞌain, achúshi me anu ñu ꞌapátisama ꞌikë ꞌakësokin, usakin ꞌakëx ka maxax ꞌaisamaira bukunrukësa usaribi ꞌiti ꞌikën ꞌimainun ka anuxun Dios rabiti xubunua ꞌikë me anu ꞌaisamaira xubi muxañu uniti ꞌikën, mitsun mi ñunshinakëkin ꞌatima ñuira ꞌai ꞌuchakë ꞌain.

Jueces 5:7

usai ꞌikëbë ka anua Israel unikama ꞌikë aín ëma chukúmakama ax uniñuma ñankáishi ꞌinun bërúakëxa. Usai ꞌikëbëtan kana ꞌën Israelkama ꞌakinti sinánkën. ¡Usa ꞌain kana Débora ꞌën aín titasa ꞌixun Israel unikama ꞌakinti sinánkën!