Jueces 5:2 - Kashibo-Kakataibo Biblia

² Kamaxunbi ka Nukën ꞌIbu rabikan, Israel unibunu ka axa ꞌakanani kuainsa unikama ꞌikën; usa ꞌaish ka Israel unibunu ꞌakanani kuanti ka kixuan aín ꞌapun kakëx kuantishi ꞌikën.

Jueces 5:2 Iomraidhean Croise

Salmos 103:2

ꞌËn kana Nukën ꞌIbu Dios ꞌën kushibëtanbi rabiti ꞌain; usakin ꞌakin kana kamabi ñu ꞌë ꞌakinkë a manukinma sinánti ꞌain.

Salmos 110:3

Min unikamax ka a nëtënmi ꞌakanankin kupitanuma ꞌakë a nëtën minu rikuatsinti ꞌikën. Diosan bashi upí kakë anu ka atuxi kuanti ꞌikën, usa ꞌain kamina nëtë upíira urukian barin nibí ëskakë, usaribi mix kamabi nëtën ꞌiti ꞌain.

1 Corintios 9:17

Nucën Papa Diosan ca Jesucristo cupía unicama ainan ꞌinun ië́miti ꞌicë quicë bana, a ꞌëxbi cuëënquin ñuixuncë ꞌixun cana cupí biti sinántsian. ꞌIxunbi cana ꞌënbi sináncëma, an ꞌë a bana ñuixunun ꞌë cacë cupí, an cacësabi oquinshi ꞌati ꞌain.

2 Corintios 8:12

Curíquiñu ꞌixun unin ꞌinántisa tanquin ꞌinánti ax ca Nucën Papa Diosan iscëx asábi ꞌicën. Usaribiti ca curíquiñuma ꞌixun unin ꞌinántisa tanquinbi ꞌináncëma, axribi Nucën Papa Diosan iscëx asábi ꞌicën.

2 Corintios 9:7

Usa ꞌain camina mitsúnbi mitsun nuitu mëu upí oquin sinántancëxun ꞌinánti ꞌain. Sinánquinbi ꞌinántisama tanquin camina ꞌinántima ꞌain. Usaribi oquin camina uni itsían mi cacëxuinshi ꞌinántima ꞌain. Nucën Papa Diosan ca an asérabi cuëënquin uni ñu ꞌináncë uni a nuibatia.

Deuteronomio 32:43

Usa ꞌain ka Moisés Nukën ꞌIbu rabi kantatankëx sënënishi ësai ki kantakëxa: ¡Kamabi menu ꞌikë unikamaxribi ka Diosan kaískë ꞌaíshmabi aín unikamabë a rabi kantai kuëënti ꞌikën! ¡Usa ꞌain ka Diosan aín unikama an ꞌakë uni a ꞌanan, ain ëmanubi tsókë aín uni Israelkama nuibakin ꞌakinti ꞌikën usakin ꞌakin ka axa aín unikamami nishkë unikamaribi ꞌati ꞌikën!

Deuteronomio 33:21

Usa ꞌain ka ainanbi ꞌinun bëtsi ñaká Israelkama me ꞌinánkin aín kushibunën, Gadnën rëbúnkikama ꞌapunan ꞌiisa me ꞌinánti ꞌikën. Anuxun ka aín ꞌapun kakësokin ꞌanan; Nukën ꞌIbun bana kikësokin Israel unikama ꞌakinti ꞌikë kixun ka Moisésnën kakëxa.

Filipenses 2:13

Nucën Papa Diosanbi ca ñu upí ꞌaími ax cuëëncësabi oi ꞌinun mitsu sinánmia. Sinánmianan ca a ꞌatimi sináncë ñu a ꞌanun mitsu aín cushi ꞌinania.

Filemón 1:14

Usa ꞌixunbi cana mi ñucácëma pain ꞌixun a bërúncëma ꞌain. ꞌËx cuëënquinbi, ꞌën mi ñucácëxunmabimi mix cuëënquin a ꞌë ñu ꞌamixunti cana sinanin.

Apocalipsis 18:20

Usai quianan ca ësairibi quiaxa: —Aín unicama paë tanmiquin tëmëramicë, a cupíquin ca Nucën Papa Diosan Babilonianu ꞌicë unicama cëñuaxa. Usaquin ꞌan ca naínu ꞌicëcama, ꞌimainun an aín bana ñuixunun Jesusan caíscë unicama, ꞌimainun an Nucën Papa Diosan bana uni ñuixuncë unicama, ꞌimainun axa ami catamëcë aín unicama, camáxbi cuëënti ꞌicën.

Apocalipsis 19:2

Ax aín sinan upíira ꞌixun ca uisa cara oti ꞌicë usoquin ꞌaia. Ñu ꞌatima cuëënquinma ca usoquin ꞌaia. Usa ꞌixun ca Babilonia ëmanu ꞌicë unicama, an camabi menu ꞌicë unicama ꞌatima ñu ꞌanun ꞌunánmianan ami sinánxma ꞌinun ꞌunánmicë cupí acama ꞌuchoquin castícanxa. Usaquin ꞌaquin ca an aín unicama ꞌacë unicama cupiaxa.

Jueces 5:9

¡ꞌËn kana Israelkaman ꞌapukama asábi ka kain, atux ka ꞌën ꞌakánanti unun kamikëx uax ꞌakananxa! ¡Usa ꞌain ka kamaxunbi Nukën ꞌIbu rabikanti ꞌikën!