Jueces 5:12 - Kashibo-Kakataibo Biblia

¹² ¡Kamina bësuti ꞌain Débora kamina bësuti ꞌain, bësui kamina achúshi kanta Dios rabi kantati ꞌain! ¡ꞌImainun Barac Abinóamnën bakë bëchikë minribi kamina ami ñatankë unikama aribi buánti ꞌain!

Jueces 5:12 Iomraidhean Croise

Isaías 33:1

¡Mitsun bëtsi unikama masókin ꞌatimokë ꞌikëbi ka mitsu bëtsi unikaman masókin ꞌatimokëma ꞌikën; Mitsun kamina bëtsi unikama ꞌatimo ꞌaínbi ka bëtsi unikamanribi mitsu ꞌatima okëma ꞌikën! Uínsaran kaina bëtsi uni masókin ꞌakin këñuin, anun ka bëtsi unikamanribi mitsu masókin ꞌati ꞌikën; uínsaran kaina bëtsi unikama mi ꞌakësabi okin ꞌati sinánxun ꞌaima, anun ka bëtsi unikaman mi ꞌati ꞌikën.

Isaías 60:1

Ësai ka Isaías kiakëxa: Jerusalén ꞌimainun Judánu tsókë unikama mitsun kamina kuati ꞌain, Nukën ꞌIbu kamabi kushiñuira ax ka achúshi ñu pëkikësa mitsubë ꞌikën, usa ꞌain kamina mitsux ichu ichukikë anun rabumëkësa ꞌikanin.

Jeremías 31:26

Ësokin namati kana ꞌëx bësuakën. Bësukin kana ꞌën namákë anunbi upí tankën.

1 Corintios 15:34

Micama raírinën uisai ꞌiti cara Nucën Papa Dios cuëënia quixun sináncëma ꞌixun camina ñu ꞌatima ꞌain. Ñu ꞌatima ꞌacë ꞌaíshmi rabínun quixun cana ësaquin mitsu cain. Usa ꞌain camina ami sinanati ax cuëëncësabi oi ꞌiquin ñu ꞌatima ꞌatima ꞌain.

Efesios 4:8

Usai ca ꞌiti ꞌicë quiax ca Nucën Papa Diosan bana cuënëo ësai quia: Capitanëan abë ꞌacánanquin axa ami nishcë unicama ñusmoxun cuëënquin aín unicama an bicë ñu ꞌináncësabi oquin ca Cristonën bamax baísquitancëx naínu cuantëcëntancëxun cuëënquin aín unicama an ꞌati ñu ꞌinánquin bëtsi bëtsi ñu ꞌanun ꞌimiaxa.

Efesios 5:14

Usa ꞌain ca ësai Nucën Papa Diosan bana cuënëo quia: ꞌUxcësa ꞌaíshbi bësucësa ꞌinux ca Cristomi catamët. Ainanma ꞌaish min ꞌucha cupí bamacësa ꞌaíshbi ca Cristomi catamëti ië́t. Usa ꞌicë ca min ñu ꞌaisama ꞌacëcama ëmianan mix asaribi upí ꞌinun ꞌimiti ꞌicën.

2 Timoteo 2:26

Usaquian ꞌaquincëxa sinanacëbëtan ca ñunshin ꞌatimanën ꞌapun ax cuëëncësabi oquian ñu ꞌatima ꞌanun ꞌimicë ꞌixunbi a uni ënti ꞌicën.

Jueces 5:13

Usa ꞌain ka Israel unibunëx abë ꞌakanania ukë kushiira suntárukamabë ꞌakanani kuabuakëxa; kuanx ka ꞌën kuënkë́xa ukë Nukën ꞌIbun suntárukama ax ka ꞌakánanti ꞌunan unikamabë ꞌakananxa.