Jueces 4:6 - Kashibo-Kakataibo Biblia

⁶ Achúshi nëtën ka Déboranën Barac kakë uni Abinóamnën, Quedes kakë ëma achúshi anua Neftalí ñaká unikama bukukë anua katánun xukin ësokin kakëxa: Israelkaman ꞌIbu ꞌimainun ain Dios ax ka ësokinmi ꞌanun kiaxa: Aín bashi Tabor kakë anu kamina diez mil Neftalí ꞌimainun Zabulón unikaman suntáru anu timëti ꞌain.

Jueces 4:6 Iomraidhean Croise

Salmos 89:12

ꞌAnan kamina aín tsipumi ꞌimainun aín rëbumi ꞌiti akamaribi unionan, kamina aín bashikama Tabor ꞌimainun Hermón aribi ꞌakën, usa ꞌikë ka anu tsókë unikaman mi rabi kuëënti ꞌikën.

Salmos 89:13

Min kushi ax ka chaiira ꞌikën; min mëkën mëkeu ꞌikë ax ka kushiira ꞌikën, usa ꞌain kamina axa mimi nishkë unikama kupitanuma ꞌati ꞌain.

Oseas 5:1

Sacerdotekama mitsun kamina ënë bana kuati ꞌain; ꞌimainun ka Israel kamanribi bëmë́kin kuati ꞌikën; ꞌimainun ka ꞌapun aintsikama upíokin kuati ꞌikën: ꞌËn kana mitsu tëmëramiti ꞌain, mitsun kamina ami ñu ꞌiti nankë usa ꞌixun Mispá anuxun unikama ꞌuchamiakën, ꞌanan kamina achúshi rika sarakaxun satëonkin tëkërëkakësa ꞌixun aín bashi Tabor anuxun ꞌakën,

Hechos 13:47

Usaquinu ꞌati ca Nucën ꞌIbu Dios cuëënia quixun cananuna ꞌunanin, Jesucristo ñuiquian ësoquin aín bana cuënëo isquin: Israel unicamaishima bëtsi unicamaribi aín sinan upí ꞌinun ꞌiminun cana mi ꞌimian. ꞌImianan cana aín ꞌuchacama tërë́ncë ꞌaísha ꞌënan ꞌinunmi camabi menu ꞌicë unicama ië́minun mi ꞌimian.

Hebreos 11:32

¿Uisaquinribi carana mitsu cati ꞌain? Gideón, Barac, Sansón, Jefté, David, Samuel, acama ꞌiá ꞌimainun an Nucën Papa Dios quicë bana uni ñuixuncë unicamaribi mitsu ñuixunquinbi cana sënë́ontima ꞌain.

Josué 1:9

ꞌËn kana mi kain usa ꞌain kamina kushi sinani rakuë́tima ꞌain. Usa ꞌain kamina rakuë́kin kana ꞌaíma kixun sinántima ꞌain, min ꞌIbu Dios ꞌëx kana mibë uinu karamina kuani anubi ꞌiti ꞌain.

Jueces 4:10

Anuxun ka Baracnën Zabulón ꞌimainun Neftalínën unikama anua ax ꞌikë anu kuanun kixun kamiakëxa, kamikëx aia ka Baracnën aín kushi ꞌixun diez mil suntáru timëakëxa. Timëbiani kuankëbë ka Débora abë kuankëxa.

Jueces 5:1

A nëtë kaman ka Débora ꞌimainun Barac Abinóamnën bakë bëchikë ax ësaiki kantakëxa:

Jueces 6:35

timëmainun ka aín ñakánuaxa Manasésnën aintsikamaribi timë́ti unun kamiakëxa. Kamianan ka aín ñakánuaxa Aser, Zabulón, Neftalínën rëbúnkikamax abë timëti unun kixun kamiakëxa, kamikëx utankëx ka abë timë́kankëxa.

Jueces 8:18

ꞌAtankëxun ka Zébah ꞌimainun Salmuná ñukákëxa: —¿Uisa unibu kara mitsunmi Tabor kakë aín bashinua ꞌakë atux ꞌiakëx? Kixun ñukákëxun ka atun kakëxa: —Mi iskësabu ꞌianan ka atu achúshi achúshinëx ꞌapu iskëtinbu ꞌiaxa kixun ka atun kakëxa.

1 Samuel 10:3

Ënuax kuanxmi anua Tabor kakë menu i pëñanakëkë nikë anu bëbakëbë ka Betelnuxua Dios rabi kuankë uni rabë́ ꞌimainun achúshi uni mibë mërananti ꞌikën. Atun ka achúshinëan rabë́ ꞌimainun achúshi chibu uamainun bëtsínribi rabë́ ꞌimainun pán achúshi uamainun ka bëtsin achúshi ñuina xakánu ꞌarukë uvas baka xëati ꞌakë a uanti ꞌikën.

1 Samuel 12:11

Usakin ñukákëxun ka Nukën ꞌIbun Jerubaal, Barac, Jefté ꞌimainun ka Samuel mitsu ꞌakinun kixun xuakëxa, xukëxun kananuna axa mitsumi nishkë unikaman ꞌibuakë ꞌikëbi mitsu ꞌakiankën upitaxmi bukukanun.