Jueces 4:5 - Kashibo-Kakataibo Biblia

⁵ Usa ꞌaish ka anubi tsókë ꞌaish Débora ax kuanx kuanx xëbin nikë tëmú tsókë xanu ꞌiakëxa (usa unánxun ka “Déboranën xëbin kakin anëakëxa”) ax ka Efraín unikaman me Ramá ꞌimainun Betel an nëbë́tsiorakë ëma anu ꞌiakëxa, anu ꞌain ka Israelkamax uix kara nishanani ꞌatima onanxa ax an mëníoxunun anu kuankëxa.

Jueces 4:5 Iomraidhean Croise

Génesis 35:8

Anu atux bëbakë ꞌaínbi ka an Rebeca bërúankë xanu Débora kakë ax ñuakëxa; ñukë ka encina kakë i ꞌani tanain maíankëxa ax ka Betel ꞌurama ꞌiakëxa, usai anuax ꞌikë ka Jacobnën a me ¡anuax inkë kakin anëakëxa!

Jeremías 31:15

Ësai ka Nukën ꞌIbu kiaxa: “Ramá kakë ëma anua ka ꞌitsaira rarumati masá nuituti inia uni kuakanxa. Ax ka Raquel axa aín tuákama rabanan inkë ꞌiaxa, usai ꞌika uínbi kuëënmisamai aín tuákama bamakë ꞌain ianxa.” (Usai ka kiaxa.)

Jueces 4:4

A nëtëkaman ka Débora Lapidotnën xanu an Israelkaman ñu ꞌatima ꞌaia aín ꞌapu ꞌixun mëníoxuankëxa.

1 Samuel 1:1

Anua Efraínën me aín, bashi ꞌikë Ramá kakë anu ka achúshi uni Suf kakë aín aintsi tsóa ax ka Elcaná kakë ꞌiakëxa. Ax ka Jeroham aín bëchikë ꞌianan Elihú ain xuta ꞌiakëxa. ꞌImainun ka ain xuta itsi Tohu kakë, Sufnën bëchikë ax Efraínën aintsi ꞌiakëxa.

1 Samuel 1:19

Usaia ꞌión pëkarakëma ꞌaínshi nirutankëxun Nukën ꞌIbu rabibiani ka anuaxa ukë Ramá kakë ëmanu ꞌikë aín xubu anubi kuantëkëankëxa. Kuanx ka anuax Elcaná aín xanu Anabë ꞌiakëxa, ꞌikë ꞌunánxun ka Nukën ꞌIbuan an ñukákin kakësabiokin ꞌaxuankëxa.

1 Samuel 25:1

Usa ꞌain ka Samuel ñukë ꞌain kamabi israel unikama timëkamë ꞌëox masá nuituti inkankëxa. Usai pain ꞌitankëxun ka anua aín xubu ꞌikë Ramá kakë me anubi maínkankëxa. Usokin ꞌan ka anu uni ꞌikëma me Parán kakë anu David kuankëxa.

1 Samuel 7:17

Usai akama oi nikin atu istánkëx ka anua aín xubu ꞌikë Ramá kakë anubi utëkëankëxa, anuxun ka Israel kama atun ꞌapu ꞌixun ꞌakiankëxa. ꞌAnan ka anuxun ñuina xaroti achúshi maxax bukunrukin Nukën ꞌIbu ꞌaxuankëxa.