Jueces 4:4 - Kashibo-Kakataibo Biblia

⁴ A nëtëkaman ka Débora Lapidotnën xanu an Israelkaman ñu ꞌatima ꞌaia aín ꞌapu ꞌixun mëníoxuankëxa.

Jueces 4:4 Iomraidhean Croise

2 Reyes 22:14

Usakia kakëx ka ꞌain kushibu Hilquías, Ahicam, Acbor, Safán ꞌimainun Asaías, an bana ñuikë Hulda kakë xanu Salum kakë uni aín xanu abë banai rikiankëxa, Salum ain bakë bëchikë Ticvá, Harhás aín xuta ꞌiakëxa, ax ka anuxun Dios rabiti xubunu ꞌikë chupakama anu nankë a bërúankë ꞌiakëxa. Hulda ax ka Jerusalén ëmanuira ꞌima a ꞌuria ꞌikë ëma itsinu tsókë ꞌikë ka anu kuanxun kakankëxa,

Éxodo 15:20

Usai ꞌikëbëtan ka an bana ñuikë María, Aarónën chirabakën, aín manë sharíkati bitsi sharíkai ransakëxa, ransakëbë a kamabi xanukamaxribi atun manë sharíkati bitsi a nuibiani abë ransakëxa,

Miqueas 6:4

ꞌËn kana mitsun chaitiokëma Egipto menuxun tëmërakin ñu mëëiabi chikiankën; usokin ꞌanan kana Moisés këñun, Aarón ꞌimainun María, an atu ꞌakinun xuakën.

Lucas 2:36

Anuribi ca achúshi xanu xëniira, Ana cacë, ꞌiacëxa. Ana ax ca an Nucën Papa Dios quicë bana unicama ñuixuncë xanu ꞌiacëxa. Ax ca Asernën rëbúnqui achúshi, Fanuel cacë, aín bëchicë ꞌiacëxa. Xuntacu ꞌicëa bicëx ca aín bënëbë mëcën achúshi ꞌimainun rabë́ baritia ꞌiacëxa.

Hechos 21:9

Aín bëchicë ca rabë́ ꞌimainun rabë́ xanu bënëñuma ꞌiacëxa. A xanucaman ca Nucën Papa Diosan sinánmicëxun bana uni ñuixuancëxa.

1 Corintios 11:5

Usa ꞌaínbi ca xanux abë bananan Nucën Papa Diosan sinánmicë bana ñuixuni mapúcë ꞌiti ꞌicën. Usaía ꞌicëxma ca ꞌaisama ꞌaish maxcúcë xanusa ꞌia.

Gálatas 3:28

Judíos unicama ꞌimainun axa griego banan banacë judíosma unicama, an uni ñu mëëxuncë unicama ꞌimainun an uni ñu mëëxuncëma unicama, bëbu ꞌimainun xanu, acamáxbi camina Jesucristonan ꞌaish Nucën Papa Diosan iscëx bëtsisaribi ꞌaish achúshisa ꞌain. Jesucristonan ꞌixun camina camaxunbi bëtsin sináncësaribi oquin sinanin.

Jueces 4:3

Jabín kakë ꞌapu ax ka novecientos caballonën nirinkë manë ꞌakë ñu ꞌiakëxa, usa ꞌixun ka a ꞌapun Israel unibu veinte baritia ꞌimikin tëmëramikin ꞌatimokëxa, ꞌatimokëx tëmërakin tankin ka Nukën ꞌIbu an ꞌakinun kixun ñukákankëxa.

Jueces 4:5

Usa ꞌaish ka anubi tsókë ꞌaish Débora ax kuanx kuanx xëbin nikë tëmú tsókë xanu ꞌiakëxa (usa unánxun ka “Déboranën xëbin kakin anëakëxa”) ax ka Efraín unikaman me Ramá ꞌimainun Betel an nëbë́tsiorakë ëma anu ꞌiakëxa, anu ꞌain ka Israelkamax uix kara nishanani ꞌatima onanxa ax an mëníoxunun anu kuankëxa.

Jueces 5:1

A nëtë kaman ka Débora ꞌimainun Barac Abinóamnën bakë bëchikë ax ësaiki kantakëxa: