Jueces 4:22 - Kashibo-Kakataibo Biblia

²² Usakin ꞌanbi ka abákë Sísara baribiani kuanx ami bëbaruia iskin ka, Jaelnën Barac kakëxa: —Ënu ka ami barikë uni a ꞌikë mi isminun kamina uti ꞌain. Kakëx xubusokin chupa ꞌakë anu atsínkibi ka Sísara aín maxkánu manë xëtokën pëánkabianxun memi takáshkakin ꞌakëxa ñukë rakákë mërakëxa.

Jueces 4:22 Iomraidhean Croise

2 Samuel 17:3

usokin ꞌaxun kananuna kamabi Israel unikamaxa abë kuankë akamabi uisabi okima mi bëxúnti ꞌain, min kamina achúshi unishi ꞌanuxun barin, usokin nun ꞌakëbë ka kamabi unikamax nubë upitax tsóti ꞌikën.

Jueces 4:21

Usakin katankëx ka Sísara nibaiti atsanx tënëtisamaira tani ꞌaímai napëkëti ꞌuxakëxa. Usai ꞌuxan ka Jaelnën martillo achúshi ꞌimainun ami xubusokin chupa këxtú ꞌakë tëkërëkati nitsínti ꞌakë manë xëtokë a bibiani ñuitsima anua Sísara ꞌuxkë anu kuankëxa, kuanx nirakëkinshi ka manë xëtokë anun aín bëmánan pëánkabianxun memi takáshkakin ꞌakëxa. Usakin ꞌakëx ka Sísara ñuakëxa.

Jueces 4:23

Usa ꞌain ka Nukën ꞌIbun cananeo unikaman ꞌapu Jabín axa Israel unibu kikësa ꞌoíshi ꞌinun ꞌimiakëxa.