Jueces 4:16 - Kashibo-Kakataibo Biblia

¹⁶ Usaia ꞌimainun ka Baracnën aín suntáru ꞌimainun axa caballonën nirinkë anuax ꞌakanankë anun kuaniabi nuibiankin Haróset-goím kakë anubi bëbarukin ꞌakëxa. Usakin ka a nëtën Sísaranën suntáru achúshibi kuaintanuma kamabi këñukin ꞌakëxa.

Jueces 4:16 Iomraidhean Croise

Salmos 104:35

¡ꞌUchañu unikama ax ka ënë menuax nëtë́ti këñuti ꞌikën! ¡Usaia atux ꞌimainun ka an ꞌatima ñu ꞌakë unikama atúxribi ꞌaíma ꞌinun këñuti ꞌikën! ¡Usa ꞌain kana Nukën ꞌIbumi upíokin sinani ꞌën kushibëbi kantati ꞌain! ¡Ësokin kananuna Dios rabiti ꞌain! ¡Usa ka ꞌiti ꞌikën!

Éxodo 14:28

Usai amiribishi anuaxa panárabëti ëskikë anubi rakarakëtëkënkin ka ꞌumpaxan, aín caballonën nikinkë a ꞌimainun aín caballokama këñunbi israel unibu nuibiani parúmpapa nëbëtsin kikianiabi, achúshira faraónën suntárubi ië́tanuma nanë́mikin këñumiakëxa.

Isaías 43:17

an ka suntáru kushiirabu anuax, ꞌakanankë caballonën nirinkë a ꞌimainun ain caballokama anuxun këñukin atu ꞌati buania kuanun chikíankëxa. Usakin buani kuanxi ka a suntárukama bakami ki amiribishi nirutëkëni baiskima ꞌinun këñuakëxa, usai ꞌika tirí këñuti bënakë usai ꞌikankëxa.

Romanos 2:12

An Nucën Papa Diosan bana Moisésnën cuënëo, a ꞌunáncëma ꞌixun ñu ꞌatima ꞌacë unicamax ca atun ꞌucha cupíbi ainanma ꞌaish Nucën Papa Diosbë ꞌitima ꞌicën. ꞌImainun ca an Nucën Papa Diosan bana Moisésnën cuënëo ꞌunánquinbi a bana quicësabi oquin ꞌaquinma ñu ꞌatima ꞌacë unicama atux ca aín ꞌucha cupí, a bana quiásabi oquin Nucën Papa Diosan ꞌuchocë ꞌiti ꞌicën.

Santiago 2:13

Anúan an camabi unin ñu ꞌacë isti nëtë anun ca Nucën Papa Diosan, an bëtsi uni nuibaquin ꞌaquincëma unicama a aín ꞌucha cupí uisa cara oti ꞌicë usoquin ꞌati ꞌicën. Usonan ca an bëtsi uni nuibaquin ꞌaquincë unicama ashi uisabi otima ꞌicën.

Josué 10:10

ꞌAia ka Nukën ꞌIbun israel unibunën ꞌakëxa ꞌitsaira atumi rakuënun ꞌimiakëxa, usaía ꞌia ka Josuénën suntárukaman anuaxa ꞌakanankë Gabaón anuxun ꞌaisamaira amorreo unibunën suntárukama ꞌakëxa. Usokin ꞌakëxa anun Bet-horónnu, kuanti bai a bibiani abatiabi ka nuibiankin amorreo suntárukama Azecá ꞌimainun Maquedá kakë ëma rabë́ ami kikiania Israel suntárukaman kuania mërakin ꞌakëxa.

Jueces 4:17

Jabín kakë ꞌapu Hasor ëmanu ꞌikë ax ka Héber quenita aín aintsikamabë upí ꞌiakëxa, usa ꞌain ka Sísara ax abati kuanx Hébernën xanu Jael kakë aín xubunu bëbakëxa,

Jueces 4:2

usokin ꞌaia iskin ka Nukën ꞌIbun achúshi cananeo uni Jabín kakë ꞌapu ax ka Hasor kakë ëmanu ꞌain, abë ꞌakanankin ꞌanun ꞌamiakëxa. A unin suntárunën kushi ka Sísara kakë uni ꞌiakëxa, ax ka Haróset-goím kakë ëma anu tsókë ꞌiakëxa.