Jueces 4:11 - Kashibo-Kakataibo Biblia

¹¹ Quedes kakë ꞌurama anua in papa chaiira nikë Saanaim kakë me anu ka Héber kakë quenita uni ax tsóakëxa, ax ka aín aintsi quenita kamabë ënanan ꞌaish axi tsókë uni ꞌiakëxa, ax ka Moisésnën kukun bakë bëchikënën rëbúkinkama ꞌiakëxa.

Jueces 4:11 Iomraidhean Croise

Éxodo 2:18

Usakian atun ñuinakama ꞌumpax xëamikëbë ka usai ꞌikëxmabi bënëtishi anua aín papa ꞌikë anu kuankëxa, kuania ka aín papan atu ñukákëxa: —¿Uisa kupín kaina usai ꞌikëxmabi bënëtishi rikuatsinin?

Éxodo 3:1

Moisésnën ka aín kuku Jetró ꞌikëbi Reuel kakinribi anëkë uni an ꞌarakakë ovejakama bërúanxuankëxa, a unix ka sacerdote Madián kakë me anu ꞌikë ꞌiakëxa, achúshi nëtën ka anu uni ꞌikëma menu aín kukun ñuina ꞌarakakëkama buani kuankëxa, kuanx ka Diosan bashi kakë chairukë anu bëbakëxa ax ka Horeb kakë ꞌiakëxa.

Números 24:21

Kitankëxun quenita unikamaribi isi ka ësairibi banai kiakëxa: Caínan rëbúnkikama ax ka: amia katamëti upíokin ꞌakin, maparanu ꞌisakan aín na unëkin ꞌakësa atun xubu ꞌikën, ꞌaínbi ka ain na ax tsin rëkirukin këñúkë usa ꞌitánun Asiria unibunën ꞌakin atu biti ꞌikën.

Jueces 4:12

Usaia aín bashi Tabor kakë anu kuankë a ñui kia ka Sísaranën Barac kuakëxa,

Jueces 4:6

Achúshi nëtën ka Déboranën Barac kakë uni Abinóamnën, Quedes kakë ëma achúshi anua Neftalí ñaká unikama bukukë anua katánun xukin ësokin kakëxa: Israelkaman ꞌIbu ꞌimainun ain Dios ax ka ësokinmi ꞌanun kiaxa: Aín bashi Tabor kakë anu kamina diez mil Neftalí ꞌimainun Zabulón unikaman suntáru anu timëti ꞌain.

1 Samuel 15:6

usokin ꞌatankëxun ka Saúlnën quenita unikama ësokin kamiakëxa: —¡Kamikëx kuanxun ka ësokin kakëxa! ¡Anumi Amalecita unikamabë tsókë ënuax kamina chikínkanti ꞌain ënë unikama ꞌakin kananuna atukëñunbi mitsuribi ꞌati ꞌain; mitsun kamina Egipto menuaxa chikíküatsini aia israel unikama uisabi okinma nuibakën! Usokian kakëx ka quenita unikamax amalecita unikamanuax chikikankëxa.