Jueces 2:22 - Kashibo-Kakataibo Biblia

²² Ësokin ꞌakin ka Nukën ꞌIbun israel unibunëx kara aín chaitiokëkama ꞌiásai ami sinania kara ami sinanima kixun istisatankëxa.

Jueces 2:22 Iomraidhean Croise

Génesis 22:1

Usa ꞌain ka Nukën ꞌIbu Diosan ꞌitsa baritia ami panatankëxun, Abraham karaisa ënima ami manutima asérabi sinania kixun tankin. Aín anën kuëankëxa, usakin kuënkëxun ka Abrahamnën kakëxa: —Ënu kana ꞌain ꞌën ꞌIbu.

Salmos 66:10

Mix nun Dios ꞌixun kamina, nukama uisai karanuna ꞌi isnuxun nu tankën, ¡usakin ꞌakin kamina manë uxua charokëxa upíira ꞌikësa usaribi ꞌinun ꞌimikin nu mëníokën!

Éxodo 15:25

Usai ami ꞌatimai banakania kuakin ka Moisésnën Nukën ꞌIbu isa ꞌakinun kixun ñukákëxa, ñukákëxun ka Diosan Moisés i pëñanakëkë men menkikë a ismiakëxa. Ismikëxun aín pëñan tsasikin bixun ka Moisésnën ꞌumpax nu niakëxa, nikëbëshi ka muka ꞌumpax ax xëatisabi ꞌinun aín muka nëtë́akëxa. Anuxun ka Nukën ꞌIbun israelita unibu tankëxa, tankin ka uisai kara ꞌia isnuxun achúshi bana usaía atux ꞌiti ꞌinánkëxa.

Deuteronomio 13:3

kixuan kakëxunbi kamina mitsun aín bana kuatima ꞌain. Nukën ꞌIbu Diosan ka asérabi karamina mitsun a nuibati ax kikësabiokin ꞌai ami sinani isnuxun mitsu tankin usakin ꞌati ꞌikën.

Deuteronomio 8:16

ꞌimianan ka anu uni ꞌikëma menuxun maná kakë piti nun chaitiokë kaman ꞌunánma piti a nu pimiakëxa, usakin ꞌakëx karanuna ami sinani ꞌisnuxun, ka nu tankin usakin ꞌakëxa.

Deuteronomio 8:2

Usa ꞌain kamina sinánkanti ꞌain, Diosan ka anu uni ꞌikëma menu cuarenta baritia ꞌimi tëmërai ninun nu ꞌimiakëxa akamina manukinma sinánkanti ꞌain, usakin ka mitsu tankin ꞌanan ami karamina asérabi sinanatëkëni isti ꞌanan ax kikësabiokin aín bana ꞌai ꞌisnuxun mitsu ꞌakëxa.

Jueces 2:23

Usa ꞌain ka Nukën ꞌIbun atu rapasu ꞌikë bëtsi menu ꞌikë unikama a kamaira Josuénën chikínun ꞌamiama ꞌikën, ꞌamikinma ka raíri ëmakama chikinxuma ꞌanun ꞌimiakëxa.