Jueces 2:16 - Kashibo-Kakataibo Biblia

¹⁶ ꞌaínbi ka ꞌaisamaira okían an ñu mëkamakë unikaman tëmëramikëbëtanbi an ꞌapu ꞌixun ꞌakinti uni ꞌaíma ꞌaían tëmërakëbëbi atu mi Dios mërakëxa.

Jueces 2:16 Iomraidhean Croise

2 Samuel 7:11

axa ꞌën uni Israel unikaman ꞌapu ꞌinun uni ꞌimikin kana. ꞌËn amia nishkë unikamabë ꞌakanantëkënima nuibananishi tsónun atu ꞌimiakën. ꞌImainun kana aín rëbúnkikama kana uínbi ubiotima oia tsónun ꞌiminuxun ꞌai kixun ꞌunámikin kakën,

Nehemías 9:27

Usakin ꞌaia kamina axa ami nishkë unikama tëmëraminun ꞌinánkën. Usakin ꞌakian tëmëramikëxun tankin ka atun min ꞌakinun kixun mi ñukákëxa, ñukákëxun nuibakin kamina naínuxunbi atun bana kuakin; an ꞌatimokë unikamanua an chikínti unikama bariakën.

Hechos 13:20

Usaquin ꞌatancëxun ca cuatrocientos cincuenta barin Nucën Papa Diosan bëtsix paían ꞌiá ꞌain, ꞌaían ꞌinun achúshi achúshi uni atun cushi ꞌimiacëxa, Samuelnëan anun axa quicë bana unicama ñuixunti nëtëa ꞌitámainun.

Jueces 4:5

Usa ꞌaish ka anubi tsókë ꞌaish Débora ax kuanx kuanx xëbin nikë tëmú tsókë xanu ꞌiakëxa (usa unánxun ka “Déboranën xëbin kakin anëakëxa”) ax ka Efraín unikaman me Ramá ꞌimainun Betel an nëbë́tsiorakë ëma anu ꞌiakëxa, anu ꞌain ka Israelkamax uix kara nishanani ꞌatima onanxa ax an mëníoxunun anu kuankëxa.

Jueces 6:14

Ësokian kakëxun ka Nukën ꞌIbun ángelnën bëískin kakëxa: —Mix kamina ꞌaisamaira kushiñu ꞌain, usa ꞌain kamina madianita unikaman Israelkama ꞌaisamaira okë a isti ꞌain. ꞌËn kana mi kuantanun xuti ꞌain.

Rut 1:1

A baritian Israelkama atun ꞌapuñuma ꞌain ka bëtsi uni raírinëx atun ꞌapu ꞌiakëxa, a baritiakaman ka a menu a piti ñu ꞌaíma ꞌain numi ꞌiakëxa. Usa ꞌain ka achúshi uni Judá kakë menua ꞌikë Belén kakë ëma anuax Elimélec ax Moab kakë me anu ꞌitsama baritia tsóti kuankëxa. Kuankin ka ain xanu Noimí ꞌimainun aín bakë bëchikë bëbu rabë́ Mahlón kakë a ꞌimainun Quilión a buánkëxa. A unikamax ka efrateo ꞌaíshbi Belén menu tsókë unibi ꞌiakëxa. Usa ꞌain ka anuax kuantankëx Moab kakë me anu tsóti bërúakëxa.

1 Samuel 12:11

Usakin ñukákëxun ka Nukën ꞌIbun Jerubaal, Barac, Jefté ꞌimainun ka Samuel mitsu ꞌakinun kixun xuakëxa, xukëxun kananuna axa mitsumi nishkë unikaman ꞌibuakë ꞌikëbi mitsu ꞌakiankën upitaxmi bukukanun.

1 Samuel 14:48

Usa ꞌixun ka aín suntárukama timëxun atubëtan Amalec unibu kupitanuma ꞌakëxa, usakin ꞌaxun ka Israel kaman ñu an mëkamakë unikama abámiakëxa.