Jueces 2:12 - Kashibo-Kakataibo Biblia

¹² Usokin bëtsi ñukama ꞌai ka atun chaitiokëkama Egipto menua an chikínbëtsinkin bëa Dios ami manúakëxa, manukian atu rapasu bukukë unikaman rabikë dios ashi rabikëbë ka Nukën ꞌIbu ꞌitsaira xuamati atumi nishakëxa.

Jueces 2:12 Iomraidhean Croise

Éxodo 20:5

Usakin ꞌatankënxun ka a ñukamaribi ami ñanákin rabitima ꞌikën, ꞌëx kana atun Dios ꞌain, ꞌianan kana ꞌëx nishi kian an ñu ꞌatima ꞌatishi kuëënkë aín, bëchikëkama ꞌimainun aín baba aín bëchikënën bëchikë akama ꞌatimokin tëmëranun ꞌimiti ꞌain,

Deuteronomio 13:5

ꞌImainun kamina an bana ñuixunkë uni ꞌimainun an namákin isun usaika ꞌiti ꞌikë kixun bana ñuikë uni a mitsunu mëratia ꞌati ꞌain, a unin ka Dios an Egipto menuxun tëmërakin ñu mëëiabi mitsu chikían ax kikësa okin ꞌanun ꞌën kakë usakin ꞌaxuma ꞌanun kixun mitsu ꞌunánmiti ꞌikën. Usakinmi ꞌakëx ka mitsunuax uni ꞌatima sinánñukama ꞌaíma ꞌiti ꞌikën.

Deuteronomio 32:15

ꞌAínbi ka Jacobnën rëbúnki, an pitishi sinánkëkama, ꞌaisamaira pi xuati ñuina rërakati aín rani nibánibákikë usai ꞌikinbi, ñuinanëa aín ꞌibu aín taën ꞌakësokin, an unio ꞌixunbi Diosan kakëxun kuaisama tankëxa; usai ꞌikin ka an kakëxunbi kuaisamatankin Dios ënkankëxa.

Deuteronomio 33:17

Ax ka a paian aín titan tuákë vaca bënë upíira bërí ꞌikën, usa ꞌaish ka vaca bënë raëkëma kushiira ꞌixuan, aín manchanën uni ꞌakësaribi okin abë ꞌakanankin kamabi menua unikama abë ꞌakanankin ꞌati ꞌikën. Usaribi ka Efraínën aintsikama ꞌaisamaira ꞌiti ꞌikën; ꞌimainun ka Manasésnën aintsikamaribi ꞌaisamaira ꞌaish tupuntisamaira ꞌiti ꞌikën.

Deuteronomio 4:25

ꞌItsa baritia a menu tsókin mitsun bakë bëchikënën bëchikë mitsun baba atúnribi Dios rabiti ënkin bëtsi ñubi uniotankëxun a rabitima ꞌikën, usokin ꞌai ami ꞌuchaia isi ka Dios mitsun ꞌakë ñu kuëënima nishti ꞌikën,

Deuteronomio 6:12

Usakin ꞌaínbi kamina mitsun ꞌIbu ami manútima ꞌain, an ka Egipto menuxun, ñu mëëi ꞌaisamaira tëmëraiabi mitsu chikíankëxa.

Jueces 5:8

“Usa ꞌain ka raíri unikama an bëtsi dios rabiti kuëënkë anu ꞌain, atux xëkuënua ꞌakanantishi ꞌiakëxa. Usa ꞌixun ka uínbi aín manë pará ꞌimainun aín paka pia xëtokë achúshirabi cuarenta mil uni ꞌixunbi Israel unibunën ami katamënuxun biama ꞌikën.

Jueces 8:33

Usai Gedeón ñukë ꞌain ka Israel unikama amiribishi amabi dios isakixun bëtsi bëtsi ñu Baal ꞌaxunkë a rabi Diosmi manúkankëxa, manukin ka amabi Baal-berit kakë ax isa Dios ꞌikë kixun sinánkin rabikankëxa.