Jueces 2:1 - Kashibo-Kakataibo Biblia

¹ Nukën ꞌIbu ángelnën ka Guilgal kakë anuax kuanxun Boquim kakë me anua Israel unibu ësokin kakëxa: ꞌËn kana mitsu Egipto menua chikínbëtsinkin a ꞌinánuxun mitsun chaitiokëkama ka me ënu bëakën, bëxun kana ësokin kakën: Uinsaranbi kana ꞌën mitsubëtan achúshi ñu ꞌakë a manutima ꞌain,

Jueces 2:1 Iomraidhean Croise

Génesis 12:7

A menuax ami mërakin ka Nukën ꞌIbun Abram kakëxa: Ënë me kana min rëbúnkikama ꞌinánti ꞌain. Usakian kakëxun ka Abramnën achúshi anuxun Nukën ꞌIbu asábi ka kixun kati maxax bukunrukin ꞌakëxa, anuaxa ami mërakë kupí.

Génesis 16:13

Usa ꞌain ka Agar Nukën ꞌIbubë banatankëx abi kiakëxa, kikin anëkin ka Diosan ka ꞌë isia kikin anëakëxa, usa ꞌain kana bëríbi Diosan ꞌë iskëxbi ñukëma pain tsoti ꞌain.

Génesis 48:16

usa ꞌixun ka Dios an uisai kara ꞌiti ꞌikëbi an ꞌë bërúankë anribi ënë tuákamaribi bëruánti ꞌikën. Usa ꞌain ka ënë tuákama kupín ꞌën anë sinanan ꞌën xuta Abraham ꞌimainun Isaac aín anë sinánti ꞌikën. Usa ꞌain ka atux ꞌaisamaira bakë bëchipati ꞌuakamë ꞌëoanan kamabi menu kuani aín ëmaitsi ëmaitsi ꞌai tsókanti ꞌikën.”

Salmos 89:3

Min kamina achúshi ñu min uni Davidbëtan ꞌakën; ꞌakin kamina ñu ꞌaxunuxun min kaískë uni kakën:

Salmos 89:34

ꞌImainun kana uínsaranbi abëtan achúshi ñu ꞌakë, kana ꞌaima kikínma ꞌëx kikësabiokin asérabi ꞌakinti ꞌain.

Éxodo 14:14

Mitsux kamina ꞌatimakin sinani bënëtima ꞌain, Nukën ꞌIbun ka ënë ñukama mitsu mëníoxunti ꞌikën.

Éxodo 14:19

Usai israel unibu kuani parúmpapa abu kikiani kuankëbë ka Diosan ángel rëkuë́nkiankë ax atu kaxú tsianakëxa, tsianakëbë ka usaribiti nëtë kuin rëkuë́nkiankë axribi suntárukama a bëarati Israelkama kaxú tsianakëxa.

Éxodo 20:2

ꞌËx kana min ꞌIbu Dios an, Egipto menuxun tëmërakin ñu mëëiabi mitsu chikían a ꞌain.

Éxodo 33:14

Ësokian kakëxun ka Nukën ꞌIbun kakëxa: —ꞌËnbi kana mitsu kuania buani usa ꞌain kamina ꞌaisamaira okin sinani bënëtima ꞌain.

Isaías 63:9

kamabi atun tëmërakë anuabi. Usa ꞌixun ka bëtsi uni an ië́minun xukinma, Nukën ꞌIbunbi ka ië́miakëxa. An ka bitëkëánkëxa nuibanairakë ꞌixun; aín pëñanën birukësa ꞌinun ꞌakiankëxa. Usakin ka bërámabi ꞌa ꞌixun ꞌakiankëxa.

Jeremías 14:21

¡Min anë axa rabikë ꞌinun kamina nu timakësa otima ꞌain, ꞌianan kamina anua min kushi ꞌikë xubu ꞌupiokin ꞌakë anuxun ꞌapun bana ñuia kuakë a timakësa otima ꞌain! ¡ꞌIanan kamina nubëtan mi nëtë́timokin ñu ꞌa a sinánkin, ñankáishisa ꞌinun ꞌimitima ꞌain!

Malaquías 3:1

Nukën ꞌIbu kamabi kushiñu ax ka ësai kia: “ꞌËn kana an ꞌën bana ñuiti uni xutin, usa ꞌixun ka unikama ꞌën bana ñuixunkëx bai mëniokësa ꞌitánun sinanamikin ñuixunti ꞌikën. Nukën ꞌIbu Dios ami mitsun kainkë ax ka ënuax basimashi anuxun a rabiti xubunu bëbati ꞌikën. ¡A mitsun kainkë uni ax ka uisai kikë kara achúshi ñu ꞌakë kikë bana ax ꞌikë kixun, anbi mitsu ñuixuni aia!”

Números 14:34

Mitsun kamina cuarenta nëtë ꞌimikin Canaán kakë me ñachai nian; usaribiti ka cuarenta baritia ꞌimi mitsun bakë bëchikëkama mikaman ꞌucha kupinshi tëmërai niti ꞌikën, achúshi baritia nikë ax ka: achúshi nëtë nikësa ꞌiti ꞌikën. Usai tëmërakin kamina uix kara ꞌë ñui ꞌatimati banaxa ax kara uisai ꞌia kixun ꞌunánti ꞌain.

Deuteronomio 1:8

ꞌËn kana a mekama mitsu ꞌinánuxun sinánkën; usa ꞌain kamina kuantankëxun a mekama biti ꞌain bikëkana ꞌën mitsun bikë kuati ꞌain, ax ka mitsun chaitiokëkama sinanatëkëntima okin ꞌinánuxun ꞌën ka a ꞌikën, akamax ka Abraham Isaac ꞌimainun Jacob aín rëbúnkikama ꞌinánuxun ka me a ꞌikën.

Deuteronomio 4:34

¿Anu kara bëtsi dios an ëma achúshi kaískin bëtsi ëmakama nëbë́tsinuxun, ꞌitsaira ñu ꞌanan atun iskëma, bëtsi bëtsi ñu ꞌakin atu rakuëmikin aín kushínbi Egipto menuxun nukama chikínbëtsinkin Diosan bëa usaribi okin ꞌakë ꞌiti ꞌik?

Deuteronomio 7:9

Asérabi kamina ꞌunánkanti ꞌain, Nukën ꞌIbu Dios ax ka asérabi Dios ꞌikë kixun, usa ꞌixun ka an aín chaitiokëkama bërí ꞌama ꞌixun aín rëbúnkikamaribi uikaman kara ax kikësabiokin aín bana ꞌaia a unikama nuibatia;

Josué 3:10

Ax ka nubë ꞌikë kixun nukaman ꞌunánun ka Diosan aín kushínbi aín menu bëbakin nun cananeo, hititas, heveos, ferezeos, gergeseos, amorreos ꞌimainun jebuseos akamabi aín me bikuanti ꞌikën.

Jueces 13:2

Sorá kakë ëma anua Dannën rëbúnkinën me ꞌikë anu ka achúshi uni Manoa kakë ꞌiakëxa. Aín xanu ax ka uínsaranbi tuama ꞌiakëxa.

Jueces 13:3

ꞌAínbi ka achúshi nëtën Nukën ꞌIbun ángelnën ami mërakin kakëxa: Mix kamina uínsaranbi tuakëma xanu ꞌain, usa ꞌaínbi kamina bërí tutankëx achúshi bëbu tuá bakënti ꞌain.

Jueces 2:5

Usai anuax ꞌikë ka Boquim kakin a me anëakëxa, anuxun ka Israel unikaman anuxunbi ñuina rëxun xaroxunkin Nukën ꞌIbu rabiakëxa.

Jueces 6:8

an achúshi uni an Dios kikë bana uni ñuixunti xuakëxa: Ësakin mitsu kanun ka Israel unibunën ꞌIbu ꞌimainun ꞌain Dios kiaxa: ꞌËn kana mitsu Egipto menu tsókëpan ꞌaish ꞌaisamaira tëmëraiabi chikiankën,