Jueces 16:2 - Kashibo-Kakataibo Biblia

² Bërúkëbi ka Gaza ëmanu tsókë filisteo unikaman Sansón ka nun ëmanu uaxa kixun ñuikania kuakëxa, kuaxun ka anun ëmanu atsínti xëkuënu bëaraxun a nëtën bërúankankëxa. Bërúanbaiti ka bëbakishbukëbë pëkarakëbëtan kananuna bixun rëtëti ꞌai kiax kanankiani tanti rikiankankëxa.

Jueces 16:2 Iomraidhean Croise

Mateo 21:38

Xucëx cuanxa bëbaia isi ca an naë bërúancë unicamax canani quiaxa: Aín papáxa bamacëbë ca aín bëchicë ënëx naë ꞌibu ꞌiti ꞌicën. Usa ꞌain cananuna nux naë ꞌibu ꞌinuxun ënë ꞌati ꞌain.

Mateo 27:1

Pëcaracuatsincëbë ca judíos sacerdotenën cushicamabë ampan caniacëcë unicamax timë́ax Jesús ꞌacatsi quiax ꞌësë́nancëxa.

Lucas 21:20

Anu ꞌicë unicamabë ꞌacananuxuan suntárucaman Jerusalén nëbë́tsioratia isquin camina ꞌunánti ꞌain, anun a ëma cëñúti nëtë ca uaxa quixun.

Hechos 23:15

Usa ꞌain camina ꞌapu raíribëtan paránquin mitsun ësaquin comandante cati ꞌain: An ñu ꞌacë a upíira oquin ꞌunánuxun cananuna Pablo ñucátëcëntisa tanin. Nun nu ñucátëcënun camina pëcaracëbëtan min suntárucama bëmiti ꞌain. Mitsúnmi usaquin cacësabi oquian comandantenën cacëxun aín suntárucaman bëia cananuna Pablo ꞌati ꞌain.

Hechos 9:24

A ꞌacatsi quiáxa ꞌësë́nancania ñuia ca Saulonën cuacëxa. Usa ꞌain ca chiquitia ꞌanuxun nëtë́nbi ꞌanan imë́bi Damasconën cënë xëcuëcamanuxun bëaraquin caíancëxa.

Jueces 15:18

ꞌImainun ka usokin ꞌatankëx Sansón ꞌitsaira shimakë ꞌixun, Nukën ꞌIbu kuënkin kakëxa: ¿Min kamina axa numi nishkë unikama ënë kupitanunma ꞌanun ꞌë ꞌamian, usakin ꞌaxunbi kaina bërí ꞌë shiman bamanun ꞌimianan axa min bana kuakëma unikama ꞌëx ñukëbë ꞌënun kuainun ꞌimiti ꞌain?

Jueces 16:3

Rikiankë ꞌain ka Sansón axi ꞌuxnë́ti imë́ naëx niruakëxa. Nirukiani kuankin ka anun ëmanu atsínti xëkuë ꞌikë anu kuankin ami takáshkakian ꞌakë akëñunbi, anun xëpukin xëarakë akamabi ax kushiira ꞌixun ëchíxun ꞌiabiankin Hebrón kakë ëma bëtánain ꞌikë aín bashi manan anu buáruakëxa.

1 Samuel 19:11

Abáti kuakin ka Saúlnën bënë́kinshi aín unikama, aín xubunu kuanxua David kaixun pëkarakëma ꞌaínshi chikitia ꞌatanun kixun xuakëxa. ꞌAínbi ka aín xanu Micalnën David ësokin sinánmikin kakëxa: —Ënë ꞌimë́bi kamina ënuax abáti ꞌain, abákëma ꞌaish kamina imë́ishi bamakë pëkarati ꞌain.