Jueces 16:1 - Kashibo-Kakataibo Biblia

¹ Achúshi nëtën ka Sansón Gaza kakë ëmanu nitsi kuankëxa. Kuanxun ka anua achúshi xanu bëtsi bëtsi unin aín nami ꞌakë mërax aín xubunu abë a imë́ ꞌi bërúakëxa.

Jueces 16:1 Iomraidhean Croise

Génesis 10:19

Usa ꞌain ka cananeo unikama me ax Guerar kakë me ami kikiani Sidón kakë ëma, anuax kuanx Gaza kakë ëma chukúma anu sënën ꞌiakëxa, ꞌimainun ka Sodoma, Gomorra, Admá ꞌimainun Seboím, kakë anuxunbi Lesa kakë ëma anu bërunkin bikë ꞌiakëxa.

Proverbios 7:8

Iskëx ka anun xubunu kuanti bai kuanx anu këñúkë anun shitákiani, kuani amia xanu aín xubu ꞌikë amibi kikiani kuankëxa.

Jueces 14:1

Achúshi nëtën ka kushiira uni Sansón kakë ax Timnat kakë ëma anu nitsi kuanxun ka achúshi filistea xanu an kuëënkë mërakëxa,

Jueces 16:2

Bërúkëbi ka Gaza ëmanu tsókë filisteo unikaman Sansón ka nun ëmanu uaxa kixun ñuikania kuakëxa, kuaxun ka anun ëmanu atsínti xëkuënu bëaraxun a nëtën bërúankankëxa. Bërúanbaiti ka bëbakishbukëbë pëkarakëbëtan kananuna bixun rëtëti ꞌai kiax kanankiani tanti rikiankankëxa.