Jueces 15:12 - Kashibo-Kakataibo Biblia

¹² Usakin kakëxunbi ka atunribi kakëxa: —Nukamax kananuna mi filisteo unikama ꞌinánti ñatankin bitsi uan. Kakëxunbi ka Sansónnën kakëxa: —ꞌË kamina sinanátëkëntimokin mitsun kamina ꞌë rëtëtima ꞌai kixun kati ꞌain.

Jueces 15:12 Iomraidhean Croise

Mateo 27:2

Usai quitancëxun nëaxun ca Poncio Pilato, a nëtënu ꞌicë unicaman cushi, anu buáncëxa.

Hechos 7:25

Usotancëxun ca aín aintsi ꞌaquinsa tanquin Moisésnën sináncëxa, ꞌën aintsin ca ꞌunania, Nucën Papa Diosan ꞌamicëxun cana atu tëmëraiabi ië́miti ꞌai quixun. Usaquian Moisésnën sinaniabi ca aín aintsicaman ꞌunánma ꞌicën.

Jueces 15:11

Ësokin kakëxun kuabiani ka tres mil uni Judá ñakánu ꞌikë unikama Etamnu ꞌikë xaxun papa kininu kuanxun atu achúshitan Sansón kakëxa: —Min kamina ꞌunánin filisteo unikamax ka nukamasama kushiirabu ꞌikë kixun. Ënu utima kamina ꞌian, atun ka mi nuibëtsianxa bërí kananuna ꞌaisama ñu inúti ꞌain. Kakëxunbi ka Sansónnën atu kakëxa: —ꞌËn kana ꞌë ꞌakësabi okin atu an, usa kupi ka usai ꞌiaxa.

Jueces 15:13

Kakëxun ka atun kakëxa: —Usama ka mi kananuna ꞌaiman. Ñatanxunshi kananuna mi filisteo unikama ꞌinánkatsin. Usa ꞌain ka bitankëxun itsi ió rabëtan nëatankëxun anua unë́kë kini anua chikíankëxa.

Jueces 8:21

Ëchitiama okin ka Zébah ꞌimainun Salmunánën Gedeón kakëxa: —¡Minbi kamina nu rëtëti ꞌain! ¡Axa ꞌakananshikë uni a kananuna aín sinan kushi ꞌikë ꞌunanin! Kakëxun aín manë xëtokë bikin Gedeónën anun Zébahkëñun Salmuná a ꞌakëxa ꞌaxun ka ꞌain camello tëñumikë aín ñu upíbu a biakëxa.