Jueces 14:4 - Kashibo-Kakataibo Biblia

⁴ Usa ꞌain ka ain papan usaía ꞌikëkama ax ka Nukën ꞌIbunbi ꞌimikë ꞌikë kixun ꞌunánma ꞌikën, usa ꞌain ka uisokin kara filisteo unikama ꞌati ꞌikë kixun Diosan a baritia kaman atu ꞌatimoti ꞌikë kixun bariakëxa.

Jueces 14:4 Iomraidhean Croise

1 Reyes 12:15

Usakin ꞌapun ax usai ꞌitia Dios kikësabiokin unikama kakësokin ꞌaisamatankëxa, usai ax ꞌiti ñuikian Diosan kásabi oi ka, Jeroboam Nabatnën bakë bëchikë Ahías Siló ëmanu ꞌikë an kakësabi oi ꞌiakëxa.

1 Reyes 12:24

ꞌën kana min xukë́n apan Israel unikamabë kamina ꞌakanantima ꞌai kixun mi kamin. Usa ꞌain ka a unikamax atubë ꞌakananima atún xubunubi rikiantëkënti ꞌikën, ꞌëx kana usaía atux ꞌinun kian.” Ësokian kamikëx ka kamabi uni atun xubunubi rikiantëkëni, usokin kanua Diosan xukëxua kakëx kuankankëxa.

2 Reyes 6:33

Kixun atu kaia sënë́nkë ꞌaímabi ka, anua Eliseo ꞌikë xubunu bëbakin Eliseo kakëxa: —Diosanbi ka ësainu nux ꞌinun nu ꞌimiaxa, ¿añu karanuna nua ꞌakinun kixun kainkin nun ꞌati ꞌain?

Salmos 115:3

Nun ꞌIbu Dios ax ka naínu ꞌikën; usa ꞌixun ka añu kara ꞌaisa tania akamabi ꞌakëxa.

Daniel 6:4

Usa ꞌain ka abëtan ñu ꞌaia iskë raíri ꞌimainun ꞌapukaman uisakin karaisa ꞌatimakin a menu ñu ꞌaia kixun bariakëxa, ꞌaínbi ka Daniel ax upí uni ꞌain an ꞌakë ꞌatima ñu achúshirabi mërama ꞌikën; usa ꞌain ka Danielnën ka ñu ꞌatima ꞌaia kiax ami këmëi manánti ꞌatima ñubi ꞌaíma ꞌiakëxa.

Jueces 13:1

Usa ꞌain ka Israelkama an ismainunbi ñu ꞌatima ꞌatëkënia okin Nukën ꞌIbun filisteo unikaman cuarenta baritia ꞌimikin tëmëranun ꞌimiakëxa.

Jueces 14:5

Usa ꞌain ka Sansón aín papa kabiani abë Timná kakë ëma anu kuankëxa. Kuanibi ka aín papabë ënanankiani ëma ꞌurama uvas ꞌapákë ꞌikë anúan kuankëbë ka achúshi ꞌinúan në́kë ami në́kuatsini pikatsikiax uakëxa.

Jueces 15:11

Ësokin kakëxun kuabiani ka tres mil uni Judá ñakánu ꞌikë unikama Etamnu ꞌikë xaxun papa kininu kuanxun atu achúshitan Sansón kakëxa: —Min kamina ꞌunánin filisteo unikamax ka nukamasama kushiirabu ꞌikë kixun. Ënu utima kamina ꞌian, atun ka mi nuibëtsianxa bërí kananuna ꞌaisama ñu inúti ꞌain. Kakëxunbi ka Sansónnën atu kakëxa: —ꞌËn kana ꞌë ꞌakësabi okin atu an, usa kupi ka usai ꞌiaxa.

Jueces 15:3

Kixuan kakëxunbi ka Sansónnën kakëxa: —¡Bëríra kana filisteo unikama kupitanuma ꞌën ira ꞌatima okëxun ꞌati ꞌain!