Jueces 14:3 - Kashibo-Kakataibo Biblia

³ Kixuan kakëxunbi ka aín papan kakëxa: —¿Uisokin sinánxun kaina an Dios ꞌunánkëma filisteo unikamanua min xanu ꞌiti xanu bisatanin? ¿Nun aintsi ꞌibukamanu ꞌianan kara raíri ñaká Israel unikamanuribi ami biti xanu chipash ꞌaíma ꞌik? Kakëxun ka Sansónnën aín papa kakëxa: —A xanu chipash ax ka ꞌën kuëënkë xanu ꞌiaxa, usa ꞌain kana ami ꞌën xanu ꞌiti binun ꞌë mëníoxunti kuëënin.

Jueces 14:3 Iomraidhean Croise

Génesis 13:8

Usa ꞌain ka Abramnën achúshi nëtën aín xukë́nan bëchikë Lot ësokin kakëxa: Mix kamina ꞌën ꞌaintsi ꞌibu ꞌain, usa ꞌain kananuna nu rabë́ upiti nuibananti ꞌain, usaribiti ka an nun ñuina bërúankë unikama nishananima nuibananti ꞌikën.

Génesis 21:27

Usai abë banai sënë́ntankëxun ka Abrahamnën aín ovejakama ꞌimainun aín vaca bitankëxun, Abimélec ꞌinánkëxa; usakin ꞌinánkinshi ka a nëtënbi sinanatëkëntima okin a rabë́xunbi mëníokëxa.

Génesis 34:14

ësokin kakëxa: —Nun kananuna nun chirabakë aín nëtokë ñu aín maxaka a tëakëma uni ꞌinanima ax ka achúshi rabin nunan ꞌikën.

2 Samuel 1:20

Usa ꞌain ka Gatnu tsókë unikama kuatima ꞌikën, ꞌimainun ka Ascalón ëmanu bëbakin a bana ñuitima ꞌiaxa, filistea xanukamax ka a banakama kuati kuëëanan, manámiki chirini kuëënti ꞌikën, atux ka bëtsi ñu rabikë xanubu ꞌikë usa ꞌaish.

Jueces 14:2

mërabiani aín xubunu kuanxun ka aín papa ñuixunkin. Ësakin kakëxa: —ꞌË karamina Timnat kakë ëmanua ꞌën isbëtsinkë filistea xanu a ꞌën binun ain aintsikamabëtan mënioxuntima ꞌain.

Jueces 15:18

ꞌImainun ka usokin ꞌatankëx Sansón ꞌitsaira shimakë ꞌixun, Nukën ꞌIbu kuënkin kakëxa: ¿Min kamina axa numi nishkë unikama ënë kupitanunma ꞌanun ꞌë ꞌamian, usakin ꞌaxunbi kaina bërí ꞌë shiman bamanun ꞌimianan axa min bana kuakëma unikama ꞌëx ñukëbë ꞌënun kuainun ꞌimiti ꞌain?

1 Samuel 14:6

Anuxun ka Jonatánnën abëa kuankë aín uni kakëxa: —ꞌUkëmanan kananuna kuanti ꞌain, uinua karanuna uni ꞌaisama kamanuaxa ukë suntárukama a mërai anuishi kananuna bërúti ꞌain. Nux anun ꞌakamati ñu ka ꞌaíma ꞌikën, usa ꞌain ka Nukën ꞌIbun ꞌitsa unibëtanmabi, ꞌitsamara ꞌixunbi ꞌanun nu ꞌamiti ꞌikën.

1 Samuel 17:26

Usa ꞌain ka Davidnën usai kia kuakëma ꞌixun a rapasu ꞌikë suntárukama ñukákëxa: —¿Añu kara an filisteo uni axa Israelkama ꞌakatsikiax xuamati banakë a nëtë́tanun ꞌaia an ꞌakë uni a ꞌinánti ꞌik? ¿Ax añuira ꞌixun kara a filisteo uni upíma ꞌixun an Diosan kaískë unikama usokin ꞌakatsikixun ñuiti ꞌik?

1 Samuel 17:36

Usokin kana ꞌën paru ꞌinúan ꞌananbi xaëón an mi ñu mëëxunti ënën rëtëkë ꞌikën. Usaribi okin kana filisteo uni an bëtsi ñu rabikë a ꞌati ꞌain, usa ꞌaínbi ka an Diosan kaískë unikama ꞌakatsikiax ami banaia.

1 Samuel 31:4

Usokia ꞌakankëxun ka Saúlnën an manë pará tuixunkë uni a kakëxa: —Min manë xëtokë bikin kamina anun bëríbi ꞌë ꞌati ꞌain, ꞌëx kana filisteo unikama an Dios rabikëma kamaxa ꞌë ꞌatankëx ꞌëmi kuaiti kuëëniman. Usokian kakëxunbi ka an aín manë pará tuinxukë uni an usokin ꞌaisama tani ꞌitsaira rakuë́akëxa. Usai ꞌikëbëtan ka Saúlnën aín manë xëtokë bitsi anun abi tarókati bamakëxa.