Jueces 14:2 - Kashibo-Kakataibo Biblia

² mërabiani aín xubunu kuanxun ka aín papa ñuixunkin. Ësakin kakëxa: —ꞌË karamina Timnat kakë ëmanua ꞌën isbëtsinkë filistea xanu a ꞌën binun ain aintsikamabëtan mënioxuntima ꞌain.

Jueces 14:2 Iomraidhean Croise

Génesis 34:4

Sinánkin ka Siquemnën aín papa Hamor ësokin kakëxa: —Ënë xanu binun kaina ꞌë aín papa ñukáxuntima ꞌain. ꞌËn xanu ꞌiti kana ënë xanu bisatanin.

Génesis 38:6

Usa ꞌain ka Judánën aín bëchikë apan Er kakë achúshi xanu Tamar a ꞌinánkëxa.

Jueces 14:1

Achúshi nëtën ka kushiira uni Sansón kakë ax Timnat kakë ëma anu nitsi kuanxun ka achúshi filistea xanu an kuëënkë mërakëxa,

Jueces 14:3

Kixuan kakëxunbi ka aín papan kakëxa: —¿Uisokin sinánxun kaina an Dios ꞌunánkëma filisteo unikamanua min xanu ꞌiti xanu bisatanin? ¿Nun aintsi ꞌibukamanu ꞌianan kara raíri ñaká Israel unikamanuribi ami biti xanu chipash ꞌaíma ꞌik? Kakëxun ka Sansónnën aín papa kakëxa: —A xanu chipash ax ka ꞌën kuëënkë xanu ꞌiaxa, usa ꞌain kana ami ꞌën xanu ꞌiti binun ꞌë mëníoxunti kuëënin.