Jueces 13:6 - Kashibo-Kakataibo Biblia

⁶ Usokin kakëx kuanxun ka xanun aín bënë ñuixunkin kakëxa: Achúshi Diosan uni ka anu ꞌëx ꞌikënu uaxa, anuxun ka ënkinma ꞌë kaxa, kakëxun iskëxbi ka Nukën ꞌIbun ángel iskësa ꞌiaxa. Usa ꞌikë kana uikara ax ꞌikë kixun ñukákëma ꞌain, anbi ka ui uni kara ax ꞌikë kixun ꞌë kakëma ꞌikën.

Jueces 13:6 Iomraidhean Croise

Génesis 18:2

Tsóxunbi ka Abrahamnën rabë́ ꞌimainun achúshi uni a bëtánain nikë isakëxa. Isi bënëtishi nirukin bitsi ka aín bëmánanën me tikatankëx,

Génesis 32:29

—Bërí kamina ꞌë kati ꞌain, uisakin anëkë karamina mix ꞌain —kixun ka Jacobnënribi ñukákëxa. ꞌAínbi ka uni an kakëxa: —¿Uisoti karamina ꞌën anë ꞌë ñukatin? Usokin kakëxun anuxun upíokin sinánxunbiani ka a uni kuankëxa.

1 Reyes 17:18

Usaia aín tuá ꞌian ka kasunamëkë xanu an ësokin Elías kakëxa: —¿Añu karana ꞌën mixmi Diosan uni ꞌain, mibëtan ꞌati ꞌain? ¿Mix kaina ꞌën ꞌucha kupín ꞌuchañu kamina ꞌai ꞌë kakin ꞌën tuá ñumiti kupín ënu uan?

1 Reyes 17:24

Ësakin kakëxun ka xanuxunribi Elías kakëxa: —Bërí kana ꞌën mix kamina asérabi këmëima Diosan uni ꞌai kixun ꞌunanin, ꞌimainun ka mixmi asérabi këmëima banaia Diosan kuatia.

2 Reyes 4:16

Usai ꞌia ka Eliseonën kakëxa: —Bari itsi ukë anun kamina ënë ꞌuxë ꞌikëbë achúshi tuáñu ꞌinuxun ꞌain. Ësakian kakëxunbi ka xanuxun kakëxa: —Usama ka mix Diosan uni ꞌixun kamina an mi ñu ꞌaxúnti ënë parántima ꞌain.

2 Reyes 4:9

Usa ꞌain ka a xanun achúshi nëtën aín bënë kakëxa: —Ka kuat, ꞌën kana ꞌunan, ënë unix ka ënë ëmanu inúkëtibi nu isi aia, ax ka an Dios kikë bana ñuikë ꞌaish mënin sinánñu uni ꞌikën.

Éxodo 3:2

Anuax ka Nukën ꞌIbun ángel tsi rëkirukësa ꞌinun mërakëxa, mëratika i muxañu pëñanakëkë a nëbëtsinuax ꞌiakëxa, ꞌia Moisésnën upíokin iskëxbi ka i pëñanakëkë rëkirukë ax këñutima usabi ꞌikë isakëxa.

Éxodo 3:6

Kakin ka ësokinribi kakëxa: —ꞌËx kana min chaitiokë aín Dios ꞌain ꞌimainun kana Abraham, Isaac Jacob akaman rabia Dios a ꞌain. Usakian kakëxun kuati ka Moisés aín chupan Dios istisamatani rakuë́ti bëmápuakëxa,

Lucas 1:19

Cacëxun ca ángelnën cacëxa: —ꞌËx cana abë ꞌixuan an cacësabi oquin Nucën Papa Dios ñu ꞌaxuncë ángel, Gabriel, a ꞌain. Usa ꞌicë ca an upí bana ënë ñuiquin mi canun quixun ꞌë xuaxa.

Lucas 9:29

Anu cuantancëx bëbatancëx aín Papa Diosbë banai ca aín bëmánan bëtsiacëxa. Bëtsicëbë ca aín chuparibi uxuira ꞌaish ichu ichuquicë ꞌiacëxa. Usaía ꞌia ca Pedro, Juan, Jacobo, acaman isacëxa.

Hechos 6:15

Usaía a unicamax a ñui quicëbëtan atun cushicaman ꞌapucama ꞌimainun anu timë́cëcamanribi iscëxbi ca Estebanën bëmánan ángelnën bëmánansa ꞌiacëxa.

Deuteronomio 33:1

Anúan ñuti nëtë ꞌurama ꞌain ka aín uni ꞌiti Diosan kaískë ꞌixun Moisésnën upíokin sinánxunkin Israel unikama

1 Timoteo 6:11

Uni raírinëan ꞌaisamaira ñuñu ꞌianan curíquiñu ꞌiti cuëëncë cupí ꞌatima ñu ꞌacëbëbi camina mix Nucën Papa Diosmi catamëcë ꞌaish atumi ꞌunánti ꞌain. ꞌUnánquin camina upí sinánñu ꞌixun Nucën Papa Dios cuëëncësabi oquin ꞌanan, ami catamëti unicamabë nishánanima nuibananan, uisa ñu cara ꞌicëbëbi bënëtima ꞌianan, rabitima cuëmëninishi banati ꞌain.

Apocalipsis 1:17

Usa isi cana racuëtan bamai a tanáin nipacëan. Nipacëtia ca aín mëcën mëqueunën ramëquin ꞌë caxa: —Racuëaxma ca ꞌit. ꞌËx cana ñu ꞌaíma pan ꞌain ꞌiacën. Usa ꞌaish cana camabi ñu cëñúcëbë usabi ꞌiti ꞌain.

Jueces 13:10

usai ami mërakëxun ka abákiani kuanxun ain bënë kakëxa: —¡Ka kuat, axa bëtsi nëtën ꞌëmi mëraëxankë uni ax ka amiribishi ꞌutëkëanxa kamina isi kuanti ꞌain!

Jueces 13:22

usai ꞌian ka aín xanun ësokin kakëxa: Bërí sapi kananuna nu rabë́ ñuti ꞌain, nun kananuna asérabi Dios isan.

Jueces 13:3

ꞌAínbi ka achúshi nëtën Nukën ꞌIbun ángelnën ami mërakin kakëxa: Mix kamina uínsaranbi tuakëma xanu ꞌain, usa ꞌaínbi kamina bërí tutankëx achúshi bëbu tuá bakënti ꞌain.

Jueces 13:7

ꞌAínbi ka ësokinshi ꞌë kaxa: ꞌËx isana achúshi bëbu tuáñu ꞌiti ꞌai kixun, kanan ka uvas baka vino ꞌakë paëkë abi xëaxunma ꞌanan a pitima ñu pixunma ꞌanun ꞌë kaxa, a tuakëxisa Diosnanshi ꞌiti ꞌikën, ꞌianan isa a bakënkëma ꞌikë kaísa ꞌixun ain bamati nëtë utamainun ꞌakinti ꞌikë kixun ka ꞌë kaxa.

Jueces 13:8

Ësokian aín xanun ñuixunkë ꞌixun ka Manoanën abë banakin Nukën ꞌIbu kakëxa: ꞌËn kana mi kain ꞌën ꞌIbu amiribishi kamina ami xukë min uni a nunu xutëkënti ꞌain, uisokin karana ax bakënti tuá axa bakënkëbëtan ꞌati ꞌai kixun ꞌunánun nu kai unun.

Jueces 6:11

Usa ꞌain ka Nukën ꞌIbun ángel achúshi uax Ofrá kakë ëma anua ꞌikë in papa tëmú tsóakëxa, ax ka Joás kakë uni Abiézer ain rëbúnki ainan ꞌiakëxa. Anuxun ka Gedeón kakë uni Joásnën bëchikë an aín trigo unëxun tákakëxa, anuxun ka uvas aín baka xëati biti chakakë anuxun ka madianita unikaman isma mëraia kiax rakuë́ti unëxun ka usakin ꞌakëxa.

1 Samuel 2:27

A nëtën ka a isi achúshi uni an Dios kikë bana ñuixunkë anu bëbaxun Elí kakëxa: Ësai ka Nukën ꞌIbu kiaxa: mitsun rarakama Egipto menuxun faraón ñu mëëxunkëbë kana ꞌëx asérabi atumi mërakën.

1 Samuel 9:6

Kakëxun ka an ñu mëëxunkë uni abëa kuankë an kakëxa: —Ënë ëmanu ka uni achúshi an Dios kikë bana uni ñuixunkë kamabi unían aín bana tankë ꞌikën, usa ꞌain ka ax kikësabi oi ñu ꞌia. Anu kananuna kuanti ꞌain, an sapi ka anun a bari kuanti bai nu ñuixunti ꞌikën.