Jueces 13:25 - Kashibo-Kakataibo Biblia

²⁵ Achúshi nëtën ka Sansón anua Dan kakë unikama bukukë Sorá ꞌimainun Estaol kakë ëma anuxunbi, Nukën ꞌIbun bëru ñunshinan añu kara ꞌati ꞌikë kixun ismiakëxa.

Jueces 13:25 Iomraidhean Croise

Juan 3:34

Usai ꞌinun ca Nucën Papa Diosan aín Bëru Ñunshin Upí ñonquinma aín Bëchicë ꞌinania. Usaquian ꞌináncëxun ca an xucë́xa ucë uni, Jesús, an aín Bëru Ñunshin Upitan sinánmicë ꞌixun Nucën Papa Dios cuëëncësabi oquin unicama bana ñuixunia.

Mateo 4:1

Nashimicë ꞌicë ca Nucën Papa Diosan Bëru Ñunshin Upitan Jesús anu uni ꞌicëma menu cuanti sinánmiacëxa, anuxun ca ñunshin ꞌatimanën ꞌapun ñu ꞌatima ꞌamicatsi quixun ꞌati ꞌicë quixun ꞌunánquinbi.

1 Samuel 11:6

Kakëxun kuakëbëshia Diosan bëru ñunshin anu ꞌirukëbë ka; ꞌaisamairai Saúl nishakëxa.

Jueces 6:34

ꞌAínbi ka Nukën ꞌIbu bëru ñunshin upitan Gedeón abë ꞌixun ꞌakiankëxa, ꞌakinkëxun carnero manchan banokëbë ka Abiézernën rëbúnkikama timëakëxa;

Jueces 14:1

Achúshi nëtën ka kushiira uni Sansón kakë ax Timnat kakë ëma anu nitsi kuanxun ka achúshi filistea xanu an kuëënkë mërakëxa,

Jueces 14:19

Usokin atu kaiashi ka Nukën ꞌIbun Bëru Ñunshinan kushiira uni ꞌinun Sansón ꞌimiakëxa; Usakin ꞌimikëx Ascalón kakë ëmanu kuanxun ka filisteo unikama Sansónnën treinta uni anu ꞌikë rëtëakëxa, rëtëxun ka unikaman chupa bibianxun anunbi an kakë bana ñuixunkë unikama a kupíokin ꞌinánkëxa. Usokin ꞌabiani ka aín papan xubunu bëtsi sinánkëshi ꞌaish kuankëxa,

Jueces 16:31

Usai aín xukë́n filisteo unikamabëbi ñukë kuabëtsini uxun ka aín xukë́antu ꞌimainun aín aintsi ꞌibukaman Sansón bamakë biakëxa, bibiankin buánxun ka aín nami anua aín papa Manoa bamakë maían Sorá ꞌimainun Estaol anu aín papa ñuia maínkë anubi maíankëxa. Usai ka veinte baritia pain Israel unikama ꞌapu ꞌixun ꞌakintankëx Sansón anuishi sënëni ñuakëxa.