Juan 9:4 - Kashibo-Kakataibo Biblia

⁴ Bëánquicëbëtan ca unin ñu mëëtima ꞌicën. Usa ꞌain ca nëtën ñu mëëia. Usaribi oquin cana bamacëma pain ꞌixun ꞌën an ꞌë xuá axa quicësabi oquin ñu ꞌati ꞌain.

Nukën 'Ibu Diosan ain unikama 'inan ain bana

⁴ Bëánquicëbëtan ca unin ñu mëëtima 'icën. Usa 'ain ca nëtën ñu mëëia. Usaribi oquin cana bamacëma pain 'ixun 'ën an 'ë xuá axa quicësabi oquin ñu 'ati 'ain.

Juan 9:4 Iomraidhean Croise

Eclesiastés 9:10

Usa ꞌain kamina añu kara ꞌaisa ꞌikë a min asérabi ꞌaisatankin kuëënkin ꞌati ꞌain; anua nu bamaia maínkë anuxun kananuna añu ñubi ꞌanan sinanimabi ꞌianan, añu karana ꞌunánti ꞌai kixunbi sinántima ꞌain.

Mateo 20:7

Cacëxun ca a unicaman caxa: Uinu ꞌicë unínbia nu ñu mëëxunun cacëma ꞌaish cananuna ënu bucüan. Cacëxun ca naë ꞌibun caxa: Mitsúxribi camina ꞌën naënu ñu mëëi cuanti ꞌain.

Marcos 3:3

Bërúancëxunbi ca aín mëcën bamacë uni Jesusan cacëxa: —Nirucuatsini ca nëri ut.

Juan 10:32

Bitsia ca Jesusan cacëxa: —ꞌËn Papan ꞌë ꞌamicëxun cana mitsúnmi isnun ꞌitsa ñu ꞌan. ¿ꞌËn usoquin ꞌacë uinu ꞌicë ñu cupí caramina ꞌë maxaxan ꞌacatsi quin?

Juan 10:37

ꞌËn ñu ꞌacë ax ꞌën Papan cushínbi ꞌacëma ꞌain camina ꞌëx cana Nucën Papa Diosnuax uá ꞌai quixun sinántima ꞌain.

Juan 12:35

Cacëxunbi ca Jesusan, ꞌëmi camina sinánti ꞌai quixun caquin ësaquin catëcëancëxa: —ꞌItsama nëtë́inshi ca an mitsu upí oquin sinánmiti, ax mitsubë ꞌiti ꞌicën. Usa ꞌain camina ax cuancëma pan ꞌain, an mitsu ꞌunánmicësabi oi ꞌiti ꞌain, ax cuancëbëmi usabi ꞌinun. A an ꞌunánmicëma uni, an ca uisai cara ꞌiti ꞌicë quixun ꞌunanima.

Juan 17:4

Mi ñuiquin unicama ñuixuanan cana minmi a ꞌanun quixun ënë menu ꞌë xuá ñucamaribi ꞌaquin sënë́on, minmi ꞌë cacësabi oquin.

Juan 4:34

Canania isquin ca Jesusan cacëxa: —An ënë menu ꞌë xuá axa cuëëncësabi oquin ꞌanan an a ꞌanun ꞌë ca, a sënë́onuxun ꞌai cana ꞌëx picësa ꞌain. Usaquin ꞌën ꞌacëx ca ax ꞌën piti ñusa ꞌicën.

Juan 5:19

Usa ꞌain ca Jesusan atu cacëxa: —Asérabi cana mitsu cain, ꞌëx Nucën Papa Diosan Bëchicë ꞌixunbi cana ꞌënbi ñu ꞌaiman. ꞌËn Papan ñu ꞌaia isquin cuni cana ꞌënribi ꞌain. ꞌËn Papan bëtsi bëtsi ñu ꞌacëbëtan cana ꞌëx aín Bëchicë ꞌixun ꞌënribi an ꞌacësaribi oquin ꞌain.

Juan 5:36

Juanëan ꞌë ñuiquin mitsu cacë ꞌixun camina an cacësabi oquin ꞌën ꞌaia isquin upí oquin ꞌunánti ꞌain, Nucën Papa Diosan ca ꞌë xuacëxa quixun.

Juan 7:33

Xucëxa cuancëbë ca anu ꞌicë unicama cai Jesús quiacëxa: —ꞌËora pain ënu mitsubë ꞌitancëx cana an ꞌë xuá anu cuanti ꞌain.

Hechos 4:20

An ñu ꞌaia isananu nun cuacë Jesusan bana ënë cananuna unicama ñuixuntëcënti ëntima ꞌain.

Gálatas 6:10

Usa ꞌain cananuna axa nubë Jesucristomi catamëcë unicama ꞌaquinti ꞌain. ꞌAquianan cananuna ꞌaquinsa ꞌicë uni raíriribi camabi ꞌaquinti ꞌain.

Efesios 5:16

Ax cuëëncësa oquinshia unin ñu ꞌatima ꞌacëbëtanbi camina mitsun ñancáishi nëtë inúmi ꞌiquinma Jesucristomi sináncë ꞌixun, ax cuëëncësabi oquinshi ꞌati ꞌain.

Colosenses 4:5

Uisa nëtën caramina axa Cristomi sináncëma unibë ꞌain, a nëtë ñancáishi inúmima camina upí oquin sinani abë banati ꞌain.