Juan 9:39 - Kashibo-Kakataibo Biblia

³⁹ Rabicëxun isquin ca Jesusan cacëxa: —ꞌËn a uni ꞌunánmiti ñu ꞌunáncëma pain ꞌaish bëxuñusa ꞌixunbi ca ꞌëmi catamëquin bëxuñumasa ꞌixun unin ꞌunánti ꞌicën. Usa ꞌaínbi ca an —ꞌën cana ñu ꞌunani —quixun sináncë uni ax ꞌëmi catamëtiama ꞌën ꞌunánmicëma ꞌaish usabi bëxuñusa ꞌiti ꞌicën. Usaía ꞌinun cana uacën.

Nukën 'Ibu Diosan ain unikama 'inan ain bana

³⁹ Rabicëxun isquin ca Jesusan cacëxa: —'Ën a uni 'unánmiti ñu 'unáncëma pain 'aish bëxuñusa 'ixunbi ca 'ëmi catamëquin bëxuñumasa 'ixun unin 'unánti 'icën. Usa 'aínbi ca an —'ën cana ñu 'unani —quixun sináncë uni ax 'ëmi catamëtiama 'ën 'unánmicëma 'aish usabi bëxuñusa 'iti 'icën. Usaía 'inun cana uacën.

Juan 9:39 Iomraidhean Croise

Isaías 44:18

A unin ka añu ñubi ꞌunanima ꞌianan kuatima; usa ꞌaish ka bëruñu ꞌaishi bëxuñusa ꞌixun iskamakësa ꞌikën, ꞌimainun ka aín sinánkë a sinánkamakësa ꞌixun asérabi ka ax ꞌikë kikë bana a sinánkin kuatima.

Isaías 6:9

Ësokin kakëxun ka an ꞌë kaxa: “Anu kuanxun kamina ëmanu ꞌikë unikama ësokin kai kuanti ꞌain: ꞌItsokin ñuixunkëxun kuakinbi ka ꞌën bana uisai ki kara kia kixun ꞌunánkantima ꞌikën; ꞌianan ka ꞌitsokin ꞌën ñu ꞌaia iskinbi, uisakin ꞌakin karana usakin ꞌai kixun ꞌunánkantima ꞌikën.

Mateo 11:5

Cuanxun camina cati ꞌain: Bëxuñu unínbi ca bërí isia, aín niti bëtsicë uníxribi ca bërí upiti nitsia, an aín nami chëquímicë ꞌinsínñu unix ca pëxcutia, pabë unin ca bana cuatia, bamacë uníxbi ca baísquia, ñuñuma unínribi ca anun Nucën Papa Diosnan ꞌinux ië́ti bana cuatia.

Mateo 15:14

Fariseo unicamaxa nishiabi camina isëshiti ꞌain. Atun Nucën Papa Diosan bana uni itsi ꞌunánmiti ꞌixunbi ca uisai cara quia quixun ꞌunanima. Ca bëxuñu unisa ꞌicën. Bëxuñu unin abë bëxuñu uni itsi buáncatsi quixun ꞌaíbi ca bëxuñu ꞌixun uin cuanti cara quixun ꞌunanima, a rabëtaxbi aman cuanx quininu nipacëti ꞌicën.

Lucas 1:79

Xucëxun uquin ca axa aín ꞌucha cupí Nucën Papa Diosbë upíma ꞌianan —ꞌën bamati ca ꞌurama ꞌicë —quixun sinani racuëti masá nuituti bëánquibucënu ꞌicësa unicama atun ꞌuchacama tërë́nquin Nucën Papa Diosnan ꞌinun ꞌimianan nuxnu Nucën Papa Diosbë upí ꞌaish ax cuëëncësabi oi ꞌinun nu ꞌimiti ꞌicën. Usai ca Zacarías Nucën Papa Diosan Bëru Ñunshin Upitan sinánmicëx quiacëxa.

Lucas 13:30

A unin —ñuumara ca ax ꞌicë —quixun sináncë unicama a ca Nucën Papa Diosan aín sinan upí ꞌunánquin a unicamaxa cha ꞌicë isti ꞌicën. ꞌImainun ca a unin iscë́xa cha ꞌicë unicama a Nucën Papa Diosan aín nuitu ꞌunánquin ñuumara isti ꞌicën.

Lucas 2:34

Sináncasmaiabi ca Simeónën acama Nucën Papa Dios ñucáxuntancëxun Jesusan tita, María, cacëxa: —Ënë tuá cania aín bana cuaisama tani ca ꞌitsaira Israel uni Nucën Papa Diosbë upíma ꞌiti ꞌicën. Usai ꞌicëbëbi ca ꞌitsa uníxribi aín bana cuati abë upíira ꞌiti ꞌicën. Uisai cara Nucën Papa Dios cuëënia quixuan unicaman ꞌunánun xucë ꞌaínbi ca ꞌitsa unix aín bana cuati cuëënima a ñui ꞌatimati banati ꞌicën.

Lucas 4:18

Nucën ꞌIbu Diosan xucëx ꞌënu uax ca aín Bëru Ñunshin Upí ꞌëbë ꞌicën. An ca aín Bëru Ñunshin Upí ꞌinánquin cushioquin ñuñuma unicama upí bana anúan atux Nucën Papa Diosnan ꞌi cuëënun ñuixuanan, axa masá nuitucë unicama upí oquin sinánminun ꞌë caxa. ꞌImainun ca sipuacë ꞌaíshbia upitax chiquíncë ꞌinun ꞌimianan bëxuñu unicama bëxuñuma ꞌinun ꞌimianan bëtsi bëtsi ocë unicama bëtsi bëtsi ocëma ꞌiminun ꞌë caxa.

Lucas 7:21

Juanën xucë unicamaxa anu ꞌain ca Jesusan ꞌitsa uni ñucë pëxcüanan ñunshin ꞌatimanën ubíocë unicamaribi pëxcüanan bëxuñu unicamaribi bëpëxcüacëxa.

Juan 12:31

Bërí ca ënë nëtënu ꞌicë unicama, cara ꞌëmi sinania, cara ꞌëmi sinanima quixun Nucën Papa Diosan isti ꞌicën. Isanan ca an ꞌëmi sináncëma unicaman ꞌapu, ñunshin ꞌatimanën ꞌapuribi ax cushi ꞌicëbi ꞌën unicama ꞌibuatimoquin ñusmoti ꞌicën.

Juan 12:46

An aín sinan upíira ꞌixun uni upí ꞌimiti ꞌëx cana unicama ñu ꞌatima ꞌacë ꞌaíshbi sinanati ꞌëmi catamëti upí ꞌinun ꞌiminux uacën.

Juan 3:17

Nucën Papa Diosan ca aín Bëchicë an ënë menu ꞌicë unicama aín ꞌucha cupí ꞌuchonun xuáma ꞌicën. Ama, ënë menu ꞌicë unicama aín ꞌucha tërë́nquin ainan ꞌinun ië́minun quixun ca xuacëxa.

Juan 3:19

Axa ami sináncëma unicamax ca aín ꞌucha cupí Nucën Papa Diosan castícantishi ꞌicën, atúan an aín sinan upíira ꞌixun uni upí ꞌimiti ax uánbi ami catamëisama tanquin ꞌatima ñu ꞌatishi cuëëncë cupí.

Juan 8:12

Usa ꞌain ca amiribishi Jesusan unicama cacëxa: —An aín sinan upíira ꞌixun uni upí ꞌimiti a cana ꞌëx ꞌain. Axa ꞌëmi catamëti ꞌëx cuëëncësabi oi ꞌicë uni ax ca ñu ꞌatima ꞌacëma ꞌianan aín sinan upí ꞌaish upiti tsotia.

Juan 8:15

Unin sináncësa oquinshi sinánquin camina mitsun bëtsi ꞌuchoin, ꞌaínbi cana ꞌën uni ꞌuchoiman.

Juan 9:25

Cacëxun ca bëpë́xcucë unin cacëxa: —Ax cara ꞌatima uni ꞌicë quixun cana ꞌën ꞌunaniman. ꞌËx bëxuñu ꞌixunbi ꞌën bërí iscë, ënëishi cana ꞌunan.

Hechos 26:18

Minmi ꞌë ñuixuncëxa atux ñu ꞌatima ꞌatishi sinani bëánquibucënu nicësa ꞌaíshbi sinanaquin ñu upíshi ꞌati sinánun cana mi xutin, ñunshin ꞌatimanën ꞌapu Satanásnën ꞌibuacë ꞌaíshbi sinanatía Nucën Papa Diosnan ꞌinun. Usai ꞌëmi catamëcë ꞌaísha aín ꞌuchacama tërë́ncë ꞌinun cana atunu mi xutin. Usa ꞌain ca an mëníosabi oi atux aín unicamabë Nucën Papa Diosan nëtënu ꞌiti ꞌicën”.

2 Corintios 2:16

Axa ami sinántisama tancë unicamax ca nun nu Cristo ñuixuncëxun cuatíbi cuëënima, xënibua ꞌaínbi Nucën Papa Diosbëma ꞌiti ꞌicën. Usa ꞌaínbi ca axa ami sinántisa tancë unicamax nun nu Cristo ñuixuncëxun cuati, ami catamëti —usai ꞌinux ië́micë ꞌaish cana xënibua ꞌaínbi Nucën Papa Diosbë ꞌiti ꞌai —quixun ꞌunani cuëënia. ¿Usoquin unicama sinánmiquin bana ñuixunti cara uin ꞌati ꞌic?

Efesios 5:14

Usa ꞌain ca ësai Nucën Papa Diosan bana cuënëo quia: ꞌUxcësa ꞌaíshbi bësucësa ꞌinux ca Cristomi catamët. Ainanma ꞌaish min ꞌucha cupí bamacësa ꞌaíshbi ca Cristomi catamëti ië́t. Usa ꞌicë ca min ñu ꞌaisama ꞌacëcama ëmianan mix asaribi upí ꞌinun ꞌimiti ꞌicën.

2 Tesalonicenses 2:10

Usonan ca Jesucristomi catamëisama tancë cupía xënibua ꞌaínbi Nucën Papa Diosnan ꞌitima unicama, a atun ꞌucha cupíbi paránuxun uisa ñu cara ꞌaisama ꞌicë abi ꞌati ꞌicën.

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.

1 Juan 2:11

Usa ꞌaínbi ca nuibatíma bëtsi unimi nishcë uni an Nucën Papa Diosbë upíma ꞌixun ñu ꞌatima ꞌatishi sináncë cupí sinánñumasa ꞌixun uisai cara ꞌiti ꞌicë quixun ꞌunanima.