Juan 9:34 - Kashibo-Kakataibo Biblia

³⁴ Cacëxun ca fariseo unicaman cacëxa: —Mix camina ꞌuchañubia min tita bacë́an ꞌaish usabi ꞌain. ¿Usa ꞌixunbi caramina min nu bana ñuixuinsa tanin? Usaquin caquin ca bëpë́xcucë uni anuaxa cuantánun quixun chiquíancëxa.

Nukën 'Ibu Diosan ain unikama 'inan ain bana

³⁴ Cacëxun ca fariseo unicaman cacëxa: —Mix camina 'uchañubia min tita bacë́an 'aish usabi 'ain. ¿Usa 'ixunbi caramina min nu bana ñuixuinsa tanin? Usaquin caquin ca bëpë́xcucë uni anuaxa cuantánun quixun chiquíancëxa.

Juan 9:34 Iomraidhean Croise

Génesis 19:9

Ësokian kakëxunbi ka unikaman kakëxa: —¡Mix amo nirakëanan kamina min xubunu nu atsímiti ꞌain! Mix ënu ꞌikë uni ꞌixun kaina min kuëënkësokin nu ꞌati ꞌain. ¡Bërí kananuna a unikama ꞌakima mi ꞌatima oti ꞌain! Usakin kakinshi ka Lot xutunkin aín xëpútinubi rakankin ñatankankëxa,

Job 14:4

Uínbi ka bëtsi uni asérabi upí ꞌinun ꞌatima ñunua mënioima, usa ꞌain ka kamabi unix aín titan tuákë ꞌikën.

Salmos 51:5

Asérabi kana ꞌën titan tuakëxbi ꞌuchañu ꞌiakën; usa ꞌaish kana ꞌën titan puku ꞌukëmëu ꞌaishi ꞌuchañu ꞌiakën.

Éxodo 2:14

Usakian kakëxunbi ka an bëtsi mëkë hebreo unin kakëxa: —¿Uin kara mi nun ꞌapu ꞌianan nun kushi ꞌinun mi ꞌimiax? ¿Min kaina egipcio unimi ꞌakësokin ꞌë ribi ꞌati sinanin? Ësokian kakëxun kuati ka Moisés rakuë́akëxa, rakuë́kin ka ꞌën egipcio uni rëonkë a ka ꞌunánxa kixun sinánkëxa.

Isaías 65:5

A unikamax ka ësai kiakëxa, nu ꞌurama oíma kamina ꞌuri bërúti ꞌain; numi ꞌurama onuma kananuna upíira upí ꞌain; usa ꞌain kamina nu ramëtima ꞌain. Usa ꞌain ka a unikamax tikakëxa tsi nëtë́timaira bari buini ërë́kë usaribi ꞌikën; usa ꞌixun ka tsin kuinan rëtunkakëx ubikë usai ꞌinun ꞌë ꞌimia.

Lucas 11:45

Usaquin cacëxun ca an Moisésnën cuënëo bana ꞌunáncë ꞌixun unicama ꞌësëcë uni achúshinën Jesús cacëxa: —Usai fariseo unicama ñui quiquin camina nuribi ñuin.

Lucas 14:11

Usaribi oquin ca anbia rabíquin —ꞌëx cana cha ꞌai —quixun sináncë uni a Nucën Papa Diosan aín uni itsicamabëtan sënë́nmara ꞌimiti ꞌicën. ꞌImainun ca cha ꞌiti sinani rabícëma uni, a cuni Nucën Papa Diosan cha ꞌimiti ꞌicën.

Lucas 18:17

Asérabi cana ꞌën mitsu cain, uix cara tuá xuratsua an a bërúancë unimi catamëcësa usaribiti ꞌëmi catamëcëma ꞌicë ax ca Nucën Papa Diosnan ꞌitima ꞌicën.

Lucas 6:22

Uni ꞌinux Nucën Papa Diosnuax uá ꞌën bana cuacë cupí unin mitsumi nishanan, mitsu cuëënquinma ꞌatimaquin ñuianan, mitsun anëmibi ꞌatimati banacëxbi camina chuámarua tani cuëënti ꞌain.

Juan 6:37

ꞌËx cuëëncësabi oquin ꞌai cana uáma ꞌain. An ꞌë xucë, axa cuëëncësabi oquinshi ꞌai cana uacën. Usa ꞌain ca ui unicama cara Nucën Papa Diosan ꞌënan ꞌinun sinánmia acamax ca ꞌëmi catamëti ꞌicën. Axa ꞌëmi catamëcë uni, a cana —camina ꞌënan ꞌitima ꞌai —quixun catima ꞌain.

Juan 8:41

Mitsun papan ꞌacësabi oquin camina ꞌain. Cacëxun ca a unicaman cacëxa: —Nux cananuna papa itsiñuma ꞌain. Nucën Papa Dios axëshi ca nun Papa ꞌicën.

Juan 9:2

Isia ca aín unánmicë unicaman Jesús ñucácëxa: —¿Ënë uníxa bëxuñu bacë́nun cara uin ñu ꞌatima ꞌacëx, aín papa, aín titan cara ꞌacëx, ënë unínbi cara ꞌacëx?

Juan 9:22

Judíos unicamaxa bëráma ꞌësënani —uinu ꞌicë unin cara, Jesús ax ca Cristo, ax utia judíos unicaman caíncë, a ꞌicë quixun ñuia, ax ca anua judíos unicama timë́ti xubunua atsíntëcëntima oquin chiquíncë ꞌiti ꞌicë —quia ꞌunánxun ca usoquin cacëxa.

Juan 9:35

Fariseo unicaman ca bëpë́xcucë uni chiquíanxa quixuan unin ñuia cuaquin ca Jesusan bariquin mëraxun a bëpë́xcucë uni cacëxa: —¿Axa uni ꞌinux Nucën Papa Diosnuax uá, ami caramina sinanin?

Juan 9:40

Usaquian caia cuaquin ca anua ꞌicë fariseo unicaman Jesús cacëxa: —¿Núxribi caranuna bëxuñu ꞌain?

Gálatas 2:15

ꞌË ꞌimainun ꞌëbë ꞌicë unicamax cananuna judío unin rëbúnqui ꞌaish judío uni ꞌain. Nux cananuna an Nucën Papa Diosan bana ꞌunáncëma judíosma unicamasaribima ꞌain.

Efesios 2:3

Nunribi cananuna camaxunbi nun sináncësa oquinshi sinánan nun sinan ꞌatima ꞌixun nux cuëëncësabi oquin ꞌacën. Usai ꞌicë ꞌaish cananuna raíri unicamasaribi ꞌaish numi nishquian Nucën Papa Diosan castícanti ꞌiacën.

1 Pedro 5:5

Usaribi oquin cana bëná unicama ësaquin cain, mitsun cushicaman bana camina timaquinma cuati ꞌain: Nucën Papa Dios ca unia rabíti cuëënima. Usa ꞌixunbi ca axa rabícëma unicama nuibaquin ꞌaquinia. Usa ꞌain camina —ꞌëx cana bëtsi unisamaira ꞌai —quixun sinanima camáxbi bëtsin sináncësaribi oquin sinani upiti ꞌësëananti ꞌain.

3 Juan 1:10

Usa ꞌain cana anu cuanxun axa ꞌatimaquin nu ñui cëmëi banacë cupí cati ꞌain. An ca axa Jesucristomi catamëcë uni raíri anua cuania biisama tanan, an biisa tancë unicamaribi bixunma ꞌanun quixun caquin, mitsubëa timë́nun ꞌimima.

3 Juan 1:9

Axa Jesucristomi catamëcë unicama cana atúan timë́xun cuanun quixun quirica buánmia. Buámicëbi ca Diótrefes axëshi a unicaman cushi ꞌiti cuëënquin, nun bana cuaisama tanxa.

Apocalipsis 13:17

ꞌUnántioquin cuënëocë bana ax ca parúnpapanuax uax ꞌirucë ñuinacanꞌëo aín anë ꞌiaxa. Aín anë ꞌacëma ꞌain ca aín número cuënëocë ꞌiaxa. Ui unicamax cara ꞌunántioquin cuënëocëma ꞌicë an ñu maruanan ñu biti ca ꞌaíma ꞌiaxa.