Juan 9:31 - Kashibo-Kakataibo Biblia

³¹ Cananuna ꞌunanin, an ñu ꞌatima ꞌacë unin bana ca Nucën Papa Diosan cuatima. An a ami sinánquin a rabianan axa cuëëncësa oquinshi ꞌacë uni, aín bana cuni ca Nucën Papa Diosan cuatia.

Nukën 'Ibu Diosan ain unikama 'inan ain bana

³¹ Cananuna 'unanin, an ñu 'atima 'acë unin bana ca Nucën Papa Diosan cuatima. An a ami sinánquin a rabianan axa cuëëncësa oquinshi 'acë uni, aín bana cuni ca Nucën Papa Diosan cuatia.

Juan 9:31 Iomraidhean Croise

Génesis 19:29

Ësokin ka Nukën ꞌIbu Diosan ëma rabë́ anua Lot ꞌikë këñuakëxa, usakin a këñukinbi ka Abrahammi sinánkin aín piaka Lot ashi a ëmanua chikíankëxa.

Génesis 20:7

ꞌAínbi kamina bërí, a xanu aín bënë ꞌinántëkënti ꞌain, ax ka an Dios kikë bana ñuixunkë ꞌikën, usa ꞌixun ka an mi ꞌë ñukáxunti ꞌikën, ñukáxunkëx kamina mix upitax tsóti ꞌain; usa ꞌain kamina bëríbi a uni aín xanu ꞌinántëkënti ꞌain, ami ꞌinankëbëma ka min xanu ꞌimainun min xubunu ꞌikë unikamaribi këñuti ꞌikën.

Job 42:8

Usa ꞌain kamina bërí ꞌëx mitsumi nishkë a nëtë́tanun, mapai achúshi ꞌimainun rabë́ vaca bërí kanikë këñun mapai achúshi ꞌimainun rabë́ carnero bibiani uinu kara ꞌën uni Job ꞌia anu a buani kuanti ꞌain, anuxun kamina a ñuinakama rëxun ꞌaímai këñutanun xaroti ꞌain. Usakin ꞌakëbëtan ka ꞌën uni Jobnën mitsu ꞌë ñukáxunti ꞌikën, ñukákëxun kana an ꞌë kakësabiokin, mitsu uisabi otima ꞌain, mitsun kamina asérabi ꞌë ñui upiti banaiman, ꞌën uni Job ax kikësai.

Salmos 145:19

An ka an rabikë unikaman kuëënkësokin ꞌaxuanan; uínsaran kara ꞌakinun ñukatia anun ka ñukákëxun kuankin, ꞌakianan ië́mia.

Salmos 40:8

ꞌËn ꞌIbu Dios ꞌëx kana mix kikësabiokin ꞌai ꞌitsaira kuëënin; ¡usa ꞌain kana min ꞌunánmikë banakama manukinma ꞌën nuitunënbi sinanin!

Isaías 1:15

Uínsaran kaina ꞌë ñukákin manámi okin mëkën birui ëbë banain, anunbi kana ꞌën usakin ꞌaia mitsu istisama tani ꞌamo kuainakëtin; ꞌimainun kana ꞌitsaira ëbë banakin ñukákëxunbi, ꞌën a banakama kuatima. Mitsun mëkënkama ax ka anun uni ꞌakë ꞌaish imin mëshikikësa ꞌikën.

Isaías 58:9

Usa ꞌain kana ꞌëmi ñukákëxun, ꞌënribi ënu kana ꞌai kixun mitsu kati ꞌain; ꞌianan kana munuma banakinmi ꞌakinun kixun ñukákëxun ꞌënribi mitsu: Ënu kana mitsu ꞌakinux ꞌai kixun kati ꞌain. Mitsúnmi këmëxun bëtsi ñankabi ꞌatima okë a ëanan, bëtsi ꞌichakin ñuikë ꞌimainun bëtsimi këmëi manánkë akama ënia kana usakin ꞌati ꞌain,

Jeremías 14:12

Usa ꞌain kana ꞌitsa nëtë imi pima samákin atun ñukákëxunbi kuatima ꞌain; ꞌianan kana ꞌitsaira ñuina xaroxuanan ñu ꞌapákë aín bimi ꞌë bëxun nanxunkëxunbi ꞌën upí istima ꞌain. Usa ꞌain kana ꞌën suntárukama abë ꞌakanankin ꞌakëx ꞌianan, atun piti ꞌaíma ꞌain numin ꞌianan, ꞌinsinan këñunun ꞌimiti ꞌain.

Jeremías 15:1

Ësakin ka Nukën ꞌIbun ꞌë kakëxa: Mitsun chaitiokë Moisés ꞌimainun Samuelnën ꞌë bëtánain nirakëxun usakin kamina ꞌatima ꞌai kixun kakëxunbi kana ënë unikama nuibatima ꞌain. Usa ꞌain kamina anu ꞌëx ꞌikë ënuax chikíkiania kuantanun ënë unikama kati ꞌain.

Miqueas 3:4

Achúshi nëtën kamina mitsun Dios ꞌakinun kixun kati ꞌain, ꞌaínbi ka mitsun ñukákëxun an kuatima ꞌikën. A nëtën ka Dios mitsumi unë́kësa ꞌiti ꞌikën ñu ꞌatimaira ꞌaimi ami ꞌuchakankë ꞌain.

Juan 11:22

Usa ꞌaínbi cana añu caramina ñucati a ca Nucën Papa Diosan mi ꞌaxunti ꞌicë quixun ꞌunanin.

Juan 15:16

ꞌËx mitsun ꞌibu ꞌinúnmi ꞌë caíscancëxunmabi cana ꞌënan ꞌinun mitsu ꞌënbi caísan. Usotancëxun cana mitsúnmi ꞌën sinánsaribi ꞌixun upí ñuishi ꞌanun mitsu can, xënibua ꞌaínbia Nucën Papa Dios cuëënun. Usaquin ꞌaia ca ꞌëx cuëëncësabi oquinmi ñucácëxun mitsu ꞌaxúnti ꞌicën.

Juan 4:34

Canania isquin ca Jesusan cacëxa: —An ënë menu ꞌë xuá axa cuëëncësabi oquin ꞌanan an a ꞌanun ꞌë ca, a sënë́onuxun ꞌai cana ꞌëx picësa ꞌain. Usaquin ꞌën ꞌacëx ca ax ꞌën piti ñusa ꞌicën.

Juan 7:17

Uinu ꞌicë unin cara Nucën Papa Dios cuëënun ñu ꞌaisa tania, an ca ꞌën carana Nucën Papa Diosan ꞌë sinánmicë bana ñuin, carana ꞌënbi sináncë bana ñui quixun ꞌunánti ꞌicën.

Juan 9:30

Cacëxun ca bëpë́xcucë unin cacëxa: —¿An ꞌë bëpë́xcucëbi caramina a uinuax cara uaxa quixun mitsun ꞌunaniman?

Juan 9:32

Uínsaran nëtë́nbi ca unin, usabi bacë́an uni bëxuñu ca unin bëpë́xcüaxa quixun ñuia cuama ꞌicën.

Hebreos 10:7

Usa ꞌain cana mi can: ꞌËn Papa Dios, mix cuëëncësabi oquinshi ꞌanux cana ënë nëtënu ain, min bana cuënëo quicësabi oi.