Juan 9:30 - Kashibo-Kakataibo Biblia

³⁰ Cacëxun ca bëpë́xcucë unin cacëxa: —¿An ꞌë bëpë́xcucëbi caramina a uinuax cara uaxa quixun mitsun ꞌunaniman?

Nukën 'Ibu Diosan ain unikama 'inan ain bana

³⁰ Cacëxun ca bëpë́xcucë unin cacëxa: —¿An 'ë bëpë́xcucëbi caramina a uinuax cara uaxa quixun mitsun 'unaniman?

Juan 9:30 Iomraidhean Croise

Isaías 35:5

Usa ꞌain ka bëxuñu unikama an ꞌupiokin ismainun, pabë unikama anribi paxabarakakin bana kuati ꞌikën;

Mateo 11:5

Cuanxun camina cati ꞌain: Bëxuñu unínbi ca bërí isia, aín niti bëtsicë uníxribi ca bërí upiti nitsia, an aín nami chëquímicë ꞌinsínñu unix ca pëxcutia, pabë unin ca bana cuatia, bamacë uníxbi ca baísquia, ñuñuma unínribi ca anun Nucën Papa Diosnan ꞌinux ië́ti bana cuatia.

Mateo 21:42

Cacëxun ca Jesusan cacëxa: —¿Nucën Papa Diosan bana cuënëo ësai quicë a caramina mitsun iscëma ꞌain?: An maxax xubuacë unían biquinma racáncë ꞌaíshbi ca a maxax bërí amia xubu cushicë ꞌicën, itá upímia xubu cushicë usaribiti. Usaía ꞌinun ca Nucën Papa Diosan ꞌimiaxa. An usoquin mëníocëx ca nun iscëx asábiira ꞌicën”. ¿Usaquian maxax ñuiquinbi ꞌë ñuiquin cuënëo bana a caramina mitsun iscëma ꞌain?

Marcos 6:6

An ca asérabi Nucën Papa Diosan cushínbi ñu ꞌaia quixuan sinaniama isi ca Jesús —¿uisa ꞌaish cara ënë unicama ësa ꞌicë? —quixun sinani ratúacëxa. Usai ꞌitancëx ca aín nëtënuax ëma chucúmaracamanu cuanquin Jesusan unicama bana ñuixuancëxa.

Lucas 7:22

Usaquin ꞌaxun ca Juanën a ñucánun quixun xucë unicama Jesusan cacëxa: —Camina ꞌën unicama ñuixuniami cuacë banacama ñuixuanan ꞌën ñu ꞌaiami iscëcama ñuixunquin Juan cai cuanti ꞌain. Cuanxun camina cati ꞌain: Bëxuñu unínbi ca bërí isia, aín niti bëtsicë uníxribi ca bërí upiti nitsia, an aín nami chëquimicë ꞌinsínñu unix ca pëxcutia, pabë unin ca bana cuatia, bamacë uníxbi ca baísquia, ñuñuma unínribi ca anun Nucën Papa Diosnan ꞌinux ië́ti bana cuatia.

Juan 12:37

ꞌItsa oquin Jesusan uni itsin ꞌacëma ñu ꞌaia isquinbi ca judíos unicaman ax ca asérabi Cristo ꞌicë quixun sinánma ꞌicën.

Juan 3:10

Cacëxun ca Jesusan Nicodemo cacëxa: —¿Mix an Israel unicama ꞌunánmicë ꞌixunbi caramina ꞌën mi cacëxun uisai qui quicë cara quixun cuatiman?

Juan 9:29

Nun cananuna ꞌunan, Moisésbë ca Nucën Papa Dios banacëxa. Usa ꞌixunbi cananuna uinuax cara a uni uaxa quixun ꞌunaniman.

Juan 9:31

Cananuna ꞌunanin, an ñu ꞌatima ꞌacë unin bana ca Nucën Papa Diosan cuatima. An a ami sinánquin a rabianan axa cuëëncësa oquinshi ꞌacë uni, aín bana cuni ca Nucën Papa Diosan cuatia.

2 Corintios 4:6

Nucën Papa Dios axa bëráma, “Bëánquibucë ca pëquiti ꞌicë” quiá, anbi ca Cristonëan nun nuitu mëúxun nu chuámashi tani cuëënquinu uisaira upí cara Nucën Papa Dios ꞌicë quixun ꞌunánun ꞌimiaxa.