Juan 9:29 - Kashibo-Kakataibo Biblia

²⁹ Nun cananuna ꞌunan, Moisésbë ca Nucën Papa Dios banacëxa. Usa ꞌixunbi cananuna uinuax cara a uni uaxa quixun ꞌunaniman.

Nukën 'Ibu Diosan ain unikama 'inan ain bana

²⁹ Nun cananuna 'unan, Moisésbë ca Nucën Papa Dios banacëxa. Usa 'ixunbi cananuna uinuax cara a uni uaxa quixun 'unaniman.

Juan 9:29 Iomraidhean Croise

1 Reyes 22:27

Kakin ka ꞌën kana sipunu atsíminun xutin kixun kanan, chukúmaratsushi aín piti pán ꞌinánan ꞌumpaxribi chamaratsushi an xëati ꞌinánun kixun kamiakëxa, ꞌëx ꞌakanan kuatsini ꞌën suntárukamabë uisaibi ꞌikëma utëkëntamainun.

Salmos 103:7

Usa ꞌixun ka Moisés ꞌimainun Israel unikama uisa ñu atu ꞌaxunti kara kuëënia kixun ꞌunánmiakëxa.

Salmos 105:26

Usa ꞌain ka Diosan aín uni Moisés, ꞌimainun Aarón an ꞌakintia kaískë uni a xuakëxa,

Salmos 22:6

Usa ꞌaínbi kana ꞌëx achúshi unisama achúshi xënasara ꞌain; ¡usa ꞌëx ꞌain ka ꞌëmi uni kuaia!

Malaquías 4:4

ꞌËn uni Moisés aín bashi Horeb kakë anuxun usai ꞌiti ꞌën bana ꞌinan a kamina sinánkanti ꞌain. ¡Ax ka kamabi Israel unikaman ax kikësabiokin ꞌati ꞌiakëxa!

Mateo 12:24

Jesusan usoquin ñu ꞌaia ñuicania cuati ca fariseo unibunëx quiacëxa: —Ñunshin ꞌatimanën ꞌapu, Beelzebú, an ꞌamicëxuinshi ca ënë unin ñunshin ꞌatima chiquinia.

Mateo 26:61

—Ënë unix ca quiaxa: ꞌËn cana anuxun Nucën Papa Dios rabiti xubu rurupatancëxun rabë́ ꞌimainun achúshi nëtë́inshi amiribishi nitsínruquin ꞌatëcënti ꞌain.

Lucas 23:2

Buanx bëbax aín bëmánon ꞌixun ca Jesús ñuiquin ësaquin Pilato cacëxa: —Ënë unían judíos unicama nun caibu bëtsi oquian sinánun quixun ꞌunánmia cananuna nunbi cuan. Nun nu a César buánmiti curíqui ꞌinánxunma ꞌanun nu canan ca ax isa Cristo ꞌaish ꞌapu ꞌicë quiaxa.

Juan 1:17

Uisai cara Nucën Papa Diosan uni ꞌiti ꞌicë quixun ca Moisésnën nucën raracama ꞌunánmiacëxa. Usa ꞌaínbi ca axira uxun Jesucristonën asérabi nuibaquin aín ꞌucha tërë́nquin Nucën Papa Dios cuëëncësabi oía aín uni ꞌinun ꞌimiaxa.

Juan 7:27

Cristo aia ca unin ꞌunántima ꞌicën, uinuax cara aia quixun. Usa ꞌaínbi cananuna nun uinuax cara Jesús ënëx uaxa quixun ꞌunanin.

Juan 7:28

Ësaía canania cuaquin ca Jesusan anuxun Nucën Papa Dios rabiti xubunuxun bana ñuixuni munuma banaquin cacëxa: —Mitsun camina ꞌë ꞌunan, uinuax carana uan quixun camina ꞌunanin. Usa ꞌaínbi cana ꞌëx, ꞌëxbi ucëma ꞌain. Aín banaxa nëtë́timoi asérabi, an xucëx cana uacën. An ꞌë xuá a camina mitsun ꞌunaniman.

Juan 8:14

Cacëxun ca Jesusan cacëxa: —ꞌËxbi ꞌëx cana usa ꞌai quicëxbi ca ꞌën banax asérabi ꞌicën. Uinuax carana uan, uinu carana cuani quixun cana ꞌën ꞌunanin. ꞌËn ꞌunáncë ꞌaínbi camina mitsun, uinuax carana ꞌëx uan, uinu carana cuani quixun ꞌunaniman.

Juan 9:16

Quixuan cacëx ca fariseo uni raírinëx quiacëxa: —A unin ca anun ñu mëëtima nëtën ñu ꞌaia. Usa ꞌaish ca Nucën Papa Diosnuaxa ucë uni ꞌitima ꞌicën. Quiáxa quicëbë ca raíri quiacëxa: —¿An ñu ꞌatima ꞌacë unin cara ësaquin uni itsían ꞌacëma ñu ꞌati ꞌic? Usari ca bëtsi bëtsi oquin sinani atúxbi quiacëxa.

Juan 9:24

Usaquian cacëxun ca a judíos unicaman amiribishi cuëntëcënxun bëpë́xcucë uni ñucátëcëancëxa: —Nucën Papa Diosan ismainun ca nu asérabi ñuixun, ¿uisaxira caramina bëpë́quian? A uni, Jesús, ax ca ꞌatima ꞌicë quixun cananuna ꞌunan.

Juan 9:30

Cacëxun ca bëpë́xcucë unin cacëxa: —¿An ꞌë bëpë́xcucëbi caramina a uinuax cara uaxa quixun mitsun ꞌunaniman?

Hechos 22:22

Usaquian Pablonën ñuixuncëxun pascësarua ꞌaish sëtë́xun cuatibi ca judíosma unicama ñuia quia cuati sharatëcëni quicancëxa: —Ënë uni ca bamati ꞌicën, ꞌaíma ꞌinun.

Hechos 26:22

Atúan ꞌë ꞌaisa taniábia Nucën Papa Diosan ꞌë ꞌaquinia ꞌë ꞌacëma ꞌixun cana ꞌën ꞌacësabi oquin uni aín cushibu ꞌimainun cushimacamaribi, Nucën Papa Dios ñuiquin bana ñuixunin. ꞌËn unicama ñuixuncë bana ax ca bëtsima, Moisés ꞌimainun an Nucën Papa Dios quicë bana uni ñuixuncë unicamanribia, usai ca ꞌiti ꞌicë quixun ñuia bana abi ꞌicën.

Hechos 7:35

A aín aintsin titicaquin —¿uin cara nun ꞌapu ꞌixunmi nun ꞌacë ñucama mëníonuxun isnun mi cax? —quixun cacë, a Moisésbi ca Nucën Papa Diosan atun cushi ꞌixuan aín aintsicama tëmëraiabi ië́minun xuacëxa. Usoquin ca imaxunuax abë banaquian Moisés canun aín ángel camiacëxa.

Deuteronomio 34:10

Usa ꞌaínbi ka uínsaranbi Israel menu bëtsi an Nukën ꞌIbu kikë bana uni ñuixunkë axa Moisés ꞌikësaribiti aín ꞌIbubë aín ꞌunánkë unibë uni banakësai ꞌikë ꞌaíma ꞌiakëxa,

Hebreos 1:1

Bëráma ca Nucën Papa Diosan nucën raracaman aín cushi ꞌunánan uisai cara aín uni ꞌiti ꞌicë quixun ꞌunánun, Nucën Papa Dios, an sinánmicë bana uni ñuixuncë unicamabë bananan namámiquin canan, bëtsi bëtsi ñu ismiquin canan, bëtsi bëtsi ñu ꞌaquinribi atu ismiacëxa.

Hebreos 1:2

Bëráma usaquin nucën raracama ꞌunánmia ꞌaínbi ca an xucëxun aín Bëchicë anbi aín Papan bana unicama ñuixuancëxa. Nucën Papa Diosan ca aín Bëchicë camabi ñu uniomiacëxa. Usa ꞌain ca an camabi ñu, naíu ꞌicë ángelcama ꞌimainun, ënë menu ꞌicë unicama ꞌimainun, camabi ñu unio ꞌicë aín Papan a ꞌibuamiacëxa.