Juan 9:16 - Kashibo-Kakataibo Biblia

¹⁶ Quixuan cacëx ca fariseo uni raírinëx quiacëxa: —A unin ca anun ñu mëëtima nëtën ñu ꞌaia. Usa ꞌaish ca Nucën Papa Diosnuaxa ucë uni ꞌitima ꞌicën. Quiáxa quicëbë ca raíri quiacëxa: —¿An ñu ꞌatima ꞌacë unin cara ësaquin uni itsían ꞌacëma ñu ꞌati ꞌic? Usari ca bëtsi bëtsi oquin sinani atúxbi quiacëxa.

Nukën 'Ibu Diosan ain unikama 'inan ain bana

¹⁶ Quixuan cacëx ca fariseo uni raírinëx quiacëxa: —A unin ca anun ñu mëëtima nëtën ñu 'aia. Usa 'aish ca Nucën Papa Diosnuaxa ucë uni 'itima 'icën. Quiáxa quicëbë ca raíri quiacëxa: —¿An ñu 'atima 'acë unin cara ësaquin uni itsían 'acëma ñu 'ati 'ic? Usari ca bëtsi bëtsi oquin sinani atúxbi quiacëxa.

Juan 9:16 Iomraidhean Croise

Mateo 12:10

Anu ca uni achúshi aín mëcën amo ꞌicë bamacë ꞌiacëxa. A uni isquin ca fariseo unicaman —Jesús, an ca nux quicësama oquin ꞌaia —quiax ami manáncatsi quixun sinánquin —¿anun ñu mëëtima nëtën uni ñucë pëxcuti cara asábi ꞌic? —quixun ñucácëxa.

Mateo 12:2

Usoia isquin ca fariseo unicaman Jesús cacëxa: —Ca is, anun ñu mëëtima nëtën usaquin ñu ꞌati ꞌaínmabi ca min ꞌunánmicë unicaman usoia.

Lucas 13:14

Usa ꞌaínbi ca Jesusan anu ñu mëëti nëtën xanu pëxcüan, axa anu judíos unicama timë́ti xubunu ꞌicë ꞌapu nishacëxa. Nishquin ca anu ꞌicë unicama cacëxa: —Anun ñu mëëti nëtëx ca mëcën achúshi ꞌimainun achúshi ꞌicën. Anun ñu mëëtima nëtën camina utima ꞌain, anun ñu mëëti nëtë́inshi camina pëxcucë ꞌinux uti ꞌain.

Juan 10:19

Usaquian cacëxun cuaxun ca a banan rabanan judíos unicaman bëtsi bëtsi oquin sináncëxa.

Juan 14:11

ꞌËx cana Nucën Papa Diosbë ꞌai quianan Nucën Papa Dios ax ca ꞌëbë ꞌicë quia camina a banax ca asérabi ꞌicë quixun sinánti ꞌain. ꞌËx quicë bana ax ca asérabi ꞌicë quixun sinánquinmabi camina ꞌën ñu ꞌaiami iscë, acama cupí, ꞌëx cana asérabi Nucën Papa Diosnuax uá ꞌai quixun ꞌunánti ꞌain.

Juan 15:24

Atúan isnun ꞌën uni itsin ꞌacëma ñu ꞌacëma ꞌain ca atux usabi ꞌitsíanxa. Usa ꞌaínbi ca ꞌën ꞌacë ñucama isaxa. A cupí ca ꞌëmi nishanan ꞌën Papamiribi nishaxa.

Juan 2:11

Usoquin ca Jesusan Galilea menu ꞌicë ëma, Caná, anuxun aín sinanëinshi ꞌatabaquin uni itsin ꞌacëma ñu ꞌacëxa, uni itsin cushisamaira ca aín cushi ꞌicë quixuan unicaman ꞌunánun. Usaquian ñu ꞌaia isi ca aín ꞌunánmicë unicama ami catamëacëxa.

Juan 3:2

Usa ꞌixun ca anu ñantan cuanxun Jesús cacëxa: —Unían mix camina cushiira ꞌai quixun ꞌunánun camina uinu ꞌicë unínbia ꞌacëma ñu ꞌain. Nucën Papa Diosa abëma ꞌain ca uinu ꞌicë unínbi minmi ꞌacësoquin ñu ꞌatima ꞌicën. Usa ꞌain cananuna ꞌunan, Nucën Papa Diosan ca minmi nu ꞌunánminun ënë menu mi xuacëxa quixun.

Juan 5:10

cuania isquin ca judíos unicaman ꞌinsíncë ꞌaíshbia pëxcúcë uni cacëxa: —Ënë nëtëx ca anun ñu mëëtima nëtë ꞌicën. Ënë nëtën camina anumi racácë ñu ꞌiábiantima ꞌain.

Juan 5:36

Juanëan ꞌë ñuiquin mitsu cacë ꞌixun camina an cacësabi oquin ꞌën ꞌaia isquin upí oquin ꞌunánti ꞌain, Nucën Papa Diosan ca ꞌë xuacëxa quixun.

Juan 6:52

Quixuan cacëx ca judíos unicama ñucacanani quiacëxa: —¿Uisa ꞌixun cara ënë unin anu nun pinun nu pimiti ꞌic?

Juan 7:12

Bari ñucacanania unicama raírinëx —ax ca upí uni ꞌicë —quicëbëbi ca uni raírinëx, —usama ca. An ca camabi uni parania —quiacëxa.

Juan 7:23

¿Mitsun bëtsi nëtën ꞌacësaribi oquin anun ñu mëëtima nëtë́nribi Moisés quicësabi oquin ꞌati cupí, tuá judío ꞌicë ꞌunánti ocë ꞌaíshbi caramina uisa cupí anun ñu mëëtima nëtën ꞌën uni pëxcucëbë ꞌëmi nishin?

Juan 7:43

Usa ꞌain ca unin Jesús ñui quiquin bëtsi bëtsi oquin sináncëxa.

Juan 9:24

Usaquian cacëxun ca a judíos unicaman amiribishi cuëntëcënxun bëpë́xcucë uni ñucátëcëancëxa: —Nucën Papa Diosan ismainun ca nu asérabi ñuixun, ¿uisaxira caramina bëpë́quian? A uni, Jesús, ax ca ꞌatima ꞌicë quixun cananuna ꞌunan.

Hechos 14:4

Usa ꞌaínbi ca Iconio ëmanu ꞌicë unicama raírinëxa —judíos uni ꞌixun cananuna Jesucristomi catamëti bana cuatima ꞌai —quimainun raírinëxribishi —Jesusan aín bana ñuixunun caíscë uni rabë́ ënën bana ca upíira ꞌicë —quiacëxa.