Juan 8:53 - Kashibo-Kakataibo Biblia

⁵³ ¿Mix caramina nucën rara Abrahamsáma ꞌain? Ax ca bamacëxa. An Nucën Papa Dios quicë bana uni ñuixuncë unicamaxribi ca bamacëxa. Usa ꞌaínbi camina mix quin, an min bana cuacë unix isa xënibua ꞌaínbi usabi ꞌiti ꞌicën. ¿Mix caramina, ui caina mix ꞌai quixun sinanin?

Nukën 'Ibu Diosan ain unikama 'inan ain bana

⁵³ ¿Mix caramina nucën rara Abrahamsáma 'ain? Ax ca bamacëxa. An Nucën Papa Dios quicë bana uni ñuixuncë unicamaxribi ca bamacëxa. Usa 'aínbi camina mix quin, an min bana cuacë unix isa xënibua 'aínbi usabi 'iti 'icën. ¿Mix caramina, ui caina mix 'ai quixun sinanin?

Juan 8:53 Iomraidhean Croise

Isaías 9:6

Usa ꞌain ka nunu achúshi tuá bakënun ꞌimiaxa, Diosan ka nukama achúshi tuá ꞌinánxa, a tuá ka axa ꞌapu ꞌitiokin aín kushi ꞌinánkë ꞌiti ꞌikën. Usa ꞌikë ka ësokin kakë ꞌiti ꞌikën: “An bana ñuixunkin ꞌësëkëxun kuati upitani kuëënti,” “Dios uínbi kanantisama,” “Nukën papa Dios axa këñutima oi tsókë,” “Achúshi ꞌapun rëkuë́n bëchikë chuámarua ꞌinun uni ꞌakinux bakë́an.”

Mateo 12:6

ꞌËn cana mitsu cain, anuxun Nucën Papa Dios rabiti xubu Moisésnën ñuiasamaira ca a ꞌën mitsu cacë bana ënëx ꞌicën.

Mateo 3:9

—Nux Abrahamnën rëbúnqui ꞌaish cananuna Nucën Papa Diosan iscëx upí ꞌai —quixun sinánxunma ca ꞌacan. Asérabi cana mitsu cain, ꞌaisa tanquin ca Nucën Papa Diosan ënë maxáxbi bëtsi oquin Abrahamnën rëbúnqui ꞌimiti ꞌicën.

Juan 10:33

Ësoquian cacëxun ca judíos unicaman cacëxa: —Minmi upí ñu ꞌacë cupí cananuna mi maxaxan ꞌaiman. Mixmi Nucën Papa Dios ñui ꞌatimati banacë cupí cananuna mi ꞌain. Mix camina unishi ꞌaíshbi mix isamina Dios ꞌai quiax quin. A cupí cananuna mi ꞌain.

Juan 12:34

Usaquian cacëxun ca unicaman Jesús cacëxa: —An Nucën Papa Diosan bana cuënëo uni ñuixuncë unían a bana isquin unicama ñuixunia cananuna cuan, ax ca ësai quia, Cristo ax ca nëtë́timoi xënibua ꞌaínbi ꞌiti ꞌicën. ¿Usa ꞌaínbi caramina min, axa Nucën Papa Diosnuax uni ꞌinux uá, ax ca i curúsocënu matáscë ꞌiti ꞌicë quixun nu cain? ¿Ui cara Nucën Papa Diosnuaxa uni ꞌinux uá ax ꞌic?

Juan 19:7

Ësaquian cacëxun ca judíos unibunën Piláto cacëxa: —Ënë unix ca ꞌëx cana Nucën Papa Diosan Bëchicë ꞌai quia. Usa ꞌain ca axa ësai banacë unix ca ꞌacë ꞌiti ꞌicë quiax Moisésnën cuënëo bana quicësabi oi bamati ꞌicën.

Juan 4:12

¿Nucën rara Jacóbsamaira caina mix ꞌain? An ca ënë anua ꞌunpax biti naëacëxa, naëxun ca ꞌacëxa, ꞌanan ca aín bëchicëribi ꞌamianan a rabucucë ñuinacamaribi ꞌamiacëxa. Jacobnën aín rëbúnquicamanribia ꞌanun naëa ꞌicë cananuna nunribi ënë ꞌunpax ꞌain.

Juan 5:18

Usaía Jesús quia cuati ami nishquin ca judíos unicaman ësaquin sináncëxa, —Usai qui ca Nucën Papa Dios ax isa aín papa ꞌicë quianan ax isa Nucën Papa Diossaribi ꞌicë quia. Usaquin sinani ca anun ñu mëëtima nëtën uni pëxcucë cupí ami nishanan, usaía quicë cupíribi ami nishquin, a ꞌacatsi quiax ꞌësë́nancëxa.

Juan 8:58

Quia ca Jesusan cacëxa: —ꞌËn cana asérabi mitsu cain, Abraham ꞌicëma pain ꞌain cana ꞌëx ꞌiacën.

Romanos 9:5

Israel unicamax ca Abraham ꞌimainun Isaac ꞌimainun Jacob, Israelribi cacë, acaman rëbúnqui ꞌicën. Uni ꞌaish ca Cristonën ꞌunánpaparibi Israelnën rëbúnqui ꞌiacëxa. Ax Diosribi ꞌaish ca camabi uni, camabi ñun ꞌibu ꞌianan ángelcaman ꞌiburibi ꞌicën. A ca camabi unin xënibua ꞌaínbi rabiti ꞌicën. Usai ca ꞌiti ꞌicën.