Juan 8:51 - Kashibo-Kakataibo Biblia

⁵¹ Asérabi cana ꞌën mitsu cain, an ꞌën bana cuacë uni ax ca xënibua ꞌaínbi Nucën Papa Diosbë ꞌia.

Nukën 'Ibu Diosan ain unikama 'inan ain bana

⁵¹ Asérabi cana 'ën mitsu cain, an 'ën bana cuacë uni ax ca xënibua 'aínbi Nucën Papa Diosbë 'ia.

Juan 8:51 Iomraidhean Croise

Salmos 89:48

¡Uixi ka tsóti uínsaranbi bamaima ꞌima! ¡Uixi ka bamatinuax ië́tima ꞌikën!

Mateo 16:28

ꞌËn cana asérabi mitsu cain, axa ënu ꞌëbë ꞌicë uni raírinën ca bamacëma pain ꞌixun, uni ꞌinux Nucën Papa Diosnuax uá ꞌicë, ꞌëx cana asérabi ꞌën unicaman cushi ꞌai quixun isti ꞌicën.

Lucas 2:26

An ca Nucën Papa Diosan Bëru Ñunshin Upitan sinánmicëxun ësoquin sinánquin ꞌunáncëxa: Bamacëma pain ꞌixun cana ꞌën axa utia judíos unicaman caíncë, Cristo, a Nucën ꞌIbu Diosan xucë isti ꞌain.

Juan 14:23

Cacëxun ca Jesusan cacëxa: —Uix cara ꞌëmi sinania, ax ca ꞌëx quicësabi oi ꞌiti ꞌicën. Usai ꞌia ca ꞌën Papan nuibati ꞌicën. An nuibacëbë cana ꞌën Papabë ꞌëxribi a unibë ꞌiti ꞌain.

Juan 15:20

ꞌËn ësaquin mitsu cacë a camina sináncanti ꞌain, “an uni ñu mëëxuncë uni an ca an a ñu mëëmicë uni inuíma”. ꞌËmi pain nishquin ca unin ꞌë bëtsi bëtsi oia. Usaribi oquin ca ꞌënan cupí mitsu unin bëtsi bëtsi oti ꞌicën. Usa ꞌaínbi ca uni raírinën ꞌën bana cuati ꞌicën. Usaribi oquin ca ꞌënan cupí uni raírinën mitsun bana cuati ꞌicën.

Juan 17:6

Minmi usama ꞌicëbi ꞌëmi sinánmicë, acama cana uisa caramina mix ꞌai quixun ꞌunánun bana ñuixuan. Min unio ꞌaísha minan ꞌicëbi camina ꞌëmia sinánun ꞌimia. Usaquinmi ꞌimicëx ca ꞌën min bana ñuixuncëxun cuati ax quicësabi oi ꞌiaxa.

Juan 5:24

Asérabi cana ꞌën mitsu cain, axa ꞌën bana cuati an ꞌë xuá ami sináncë uni, ax ca ainan ꞌaish nëtë́timoi Nucën Papa Diosnan ꞌia. A cupía Nucën Papa Diosnan ꞌitima ꞌicëbi aín ꞌuchacama tërë́ncë cupí ꞌuchañuma ꞌaish ca bamatancëxbi nëtë́timoi Nucën Papa Diosbë ꞌiti ꞌicën.

Juan 6:50

Usa ꞌaínbi cana ꞌëxribi naínuax ucë pán unin piá usaribi ꞌain. Aín nami cushi ꞌaish upí ꞌinuxun ca unin ñu piia, usaribiti ca uni upí ꞌaish xënibua ꞌaínbi Nucën Papa Diosbë ꞌinux ꞌëmi catamëti ꞌicën.

Juan 8:12

Usa ꞌain ca amiribishi Jesusan unicama cacëxa: —An aín sinan upíira ꞌixun uni upí ꞌimiti a cana ꞌëx ꞌain. Axa ꞌëmi catamëti ꞌëx cuëëncësabi oi ꞌicë uni ax ca ñu ꞌatima ꞌacëma ꞌianan aín sinan upí ꞌaish upiti tsotia.

Juan 8:52

Quixuan cacëxun ca judíos unicaman Jesús cacëxa: —Bërí cananuna upí oquin ꞌunanin, mix camina ñunshin ꞌatimañu ꞌai quixun. Abraham ꞌimainun an Nucën Papa Dios quicë bana uni ñuixuncë unicamaxribi ca bamacëxa. Usa ꞌaínbi camina mix quin, an min bana cuacë unix isa xënibua ꞌaínbi ꞌiti ꞌicë quiax.

Juan 8:55

Ax ca Nucën Papa Dios ꞌicë quiquinbi camina mitsun a ꞌunaniman. Mitsúnmi ꞌunaniamabi cana ꞌën a ꞌunan. ꞌËn ꞌunáncëma ca ax ꞌicë quixun mitsu cai cana ꞌëxribi mitsusaribi cëmë ꞌitsían. ꞌËn cana asérabi a ꞌunan. Usa ꞌixun cana axa quicësabi oquin ꞌain.

Hebreos 11:5

Ënë́nsaran nëtë́nma ca Enoc cacë uni, amia catamëcë cupía anun Nucën Papa Dios cuëëncë ꞌiacëxa. Usa ꞌicë ca ënë menuax bamaima aín nëtënu ꞌinun Nucën Papa Diosan buáncëxa. Buáncë ca unin mërama ꞌicën. Usoquin buáncëma pain ꞌaish ca Nucën Papa Dios Enocnën cuëëancëxa quiax ca aín bana cuënëo quia.

Hebreos 2:9

Usa ꞌaínbi cananuna Jesús ꞌunanin. A ca Nucën Papa Diosan, usabi ꞌinuxmabi ënë menu uni ꞌaish ángelcama meura ꞌinun xuacëxa. Unicama nuibaquian Nucën Papa Diosan sinánsabi oi ca ax camabi unin ꞌucha cupí bamacëxa. Usa ꞌicëbi ca paë tani bamacë cupí baísquimitancëxun Nucën Papa Diosan aín nëtënu abë ꞌApu ꞌinun ꞌimiacëxa. Usa ꞌicëbi ca paë tani bamacë cupí baísquimitancëxun Nucën Papa Diosan aín nëtënu abë ꞌApu ꞌinun ꞌimiacëxa.