Juan 8:48 - Kashibo-Kakataibo Biblia

⁴⁸ Usaquian cacëxun ca nishquin judíos unicaman Jesús cacëxa: —Mix camina Samaria menu ꞌicë uni ꞌianan ñunshin ꞌatimañu uni ꞌai quixun nun mi cacë, ënëx ca asérabi ꞌicën.

Nukën 'Ibu Diosan ain unikama 'inan ain bana

⁴⁸ Usaquian cacëxun ca nishquin judíos unicaman Jesús cacëxa: —Mix camina Samaria menu 'icë uni 'ianan ñunshin 'atimañu uni 'ai quixun nun mi cacë, ënëx ca asérabi 'icën.

Juan 8:48 Iomraidhean Croise

Isaías 49:7

Nukën ꞌIbu an nu bitëkënkë, Israel unikaman Dios upíira ax ka ësai kia, ami sinánkima manukë ëmakama bëtsi ëmanu ꞌikë unikama ami nishkin timakë, unikama ax ꞌapu ꞌixun ñu mëëmia a unikama ñui ka ësai Dios kiaxa: “Uínsaran kara ꞌapukama ꞌimainun aín kushikama mi isia anun ka nirukianx rantipuruni mi tanain tsóbuti ꞌikën, ꞌëx Israel unikaman Dios upíira ꞌixun kana ꞌën mitsu kaisa ꞌixun ꞌëx kikë usabi okin ꞌati ꞌain.”

Isaías 53:3

usa ꞌikë ka unikaman istisamatankin timakanti ꞌikën. Ax ka achúshi uni ꞌitsaira paë tani tëmërakin masánuitukinbi tënëkin ꞌaxëkë ꞌiaxa. Usa ꞌikë ka a unin istisama tankë unisa ꞌikë kamaxunbi usa ka; ax ꞌikë kixun nukaman ꞌunánma ꞌain.

Mateo 10:25

Mitsux ꞌën ꞌunánmicë unicama ꞌain ca axa ꞌëmi nishcë unicamax mitsumiribi nishti ꞌicën. Atúan ꞌë bëtsi bëtsi ocësaribi oquin ca mitsuribi bëtsi bëtsi oti ꞌicën. Atun ꞌë ñunshin ꞌatimanën cushi, Beelzebú, caquin anëquin ca mitsúxmi ꞌën unicama ꞌicë, mitsuribi usaribi oquin anëti ꞌicën.

Mateo 10:5

Aín ꞌunánmicë unicama caístancëxun ca unicama bana ñuixuntanun xunuxun Jesusan ësaquin cacëxa: —Camina anu judíosma unibu ꞌicë nëtënu cuantima ꞌain. Samaria nëtënu ꞌicë ëmacamanuribi camina cuantima ꞌain.

Mateo 11:18

Usaribi ca ënë nëtënua bucucë unicamax ꞌicën. Juanëx ca ñu mëscú picëma ꞌianan ñu xëacëma ꞌicën. Usa ꞌicë ca unicaman —a unix ca ñunshin ꞌatimañu ꞌicë —quixun caxa.

Mateo 12:24

Jesusan usoquin ñu ꞌaia ñuicania cuati ca fariseo unibunëx quiacëxa: —Ñunshin ꞌatimanën ꞌapu, Beelzebú, an ꞌamicëxuinshi ca ënë unin ñunshin ꞌatima chiquinia.

Mateo 12:31

Usa ꞌain cana mitsu cain, Nucën Papa Diosan ca unin ꞌatima ñu ꞌacë camabi tërë́nti ꞌicën, amia ꞌatimati banacëribi. Usa ꞌaínbi ca axa aín Bëru Ñunshin Upí ñui ꞌatimati banacë uni, a Nucën Papa Diosan aín ꞌucha tërënima.

Mateo 15:7

Mitsux camina cëmë ꞌain. Isaíasnëan mitsu ñuiquin cuënëo bana ca ësai quia:

Juan 1:19

Usa ꞌain ca Jerusalénu ꞌicë judíos unicaman ax caraisa ui ꞌicë quixuan Juan ñucátanun, sacerdotecamacëñun levita unicama xuacëxa.

Juan 10:20

Sinani ca ꞌitsa uni —ñunshin ꞌatimañu ca a uni ꞌicën, ca ñunshíanxa. ¿Uisa cupí caramina aín bana cuatin? —quiacëxa.

Juan 13:13

Mitsun camina ꞌëx isana mitsun ꞌIbu ꞌianan an mitsu ꞌunánmicë a ꞌai quixun ꞌë cain. Asérabi cana ꞌëx usa ꞌain.

Juan 4:9

Cacëxun ca a xanun cacëxa: —¿Uisati caramina mix judío uni ꞌixunbi ꞌëx samaritana xanu ꞌicëbi ꞌunpax ꞌinánun quixun ꞌë cain?, judíos unicamax samaritano unicamabë nuibanancë ꞌaínmabi.

Juan 7:20

Cacëxun ca judíos unicaman cacëxa: —Mix camina ñunshin ꞌatimañu ꞌain. ¿Uix cara mi ꞌacatsi quin?

Juan 8:22

Cacëx ca judíos unicama quiacëxa: —Anu ꞌëx cuanti, anu camina cuantima ꞌai quiax ca quia. ¿Usa ꞌaish cara axbi bamati ꞌic?

Juan 8:52

Quixuan cacëxun ca judíos unicaman Jesús cacëxa: —Bërí cananuna upí oquin ꞌunanin, mix camina ñunshin ꞌatimañu ꞌai quixun. Abraham ꞌimainun an Nucën Papa Dios quicë bana uni ñuixuncë unicamaxribi ca bamacëxa. Usa ꞌaínbi camina mix quin, an min bana cuacë unix isa xënibua ꞌaínbi ꞌiti ꞌicë quiax.

Romanos 15:3

Usaribi ca Cristo ꞌiacëxa. Ax cuëëncësa oi ꞌiti sinanima ca aín Papa Dios cuëëncësabi oíshi ꞌiacëxa. Nucën Papa Diosan bana quicësa oía aín Papabë banai Jesucristo ësai quicë ax ca asérabi ꞌicën: “Mimia ꞌatimati banaa usaribiti ca unicama ꞌëmiribi ꞌatimati banaxa”.

Hebreos 13:13

Usa ꞌain cananuna Jesús, axa ëma ꞌuracëox ꞌuchañuira uni ꞌicësari bama, a nuxnu ainan ꞌicëa uni itsin tëmëramianan ꞌusáncëxunbi, ainan ꞌiti ëntima ꞌain.

Santiago 2:19

Min camina Nucën Papa Dios ax ca achúshishi ꞌicë quixun sinanin. Usaquin sinánti ca asábi ꞌicën. Usaquinmi sináncë ꞌaínbi ca ñunshin ꞌatimacamanribi —usa ca —quixun ꞌunani ami racuëtan bamai bërëruia.