Juan 8:43 - Kashibo-Kakataibo Biblia

⁴³ ¿Uisa cupí caina mitsun ꞌën cacëxun cuatiman? Mitsúnbi cuaisama tanquin camina ꞌën, bana ñuixuncëxunbi cuatiman.

Nukën 'Ibu Diosan ain unikama 'inan ain bana

⁴³ ¿Uisa cupí caina mitsun 'ën cacëxun cuatiman? Mitsúnbi cuaisama tanquin camina 'ën, bana ñuixuncëxunbi cuatiman.

Juan 8:43 Iomraidhean Croise

Isaías 44:18

A unin ka añu ñubi ꞌunanima ꞌianan kuatima; usa ꞌaish ka bëruñu ꞌaishi bëxuñusa ꞌixun iskamakësa ꞌikën, ꞌimainun ka aín sinánkë a sinánkamakësa ꞌixun asérabi ka ax ꞌikë kikë bana a sinánkin kuatima.

Isaías 6:9

Ësokin kakëxun ka an ꞌë kaxa: “Anu kuanxun kamina ëmanu ꞌikë unikama ësokin kai kuanti ꞌain: ꞌItsokin ñuixunkëxun kuakinbi ka ꞌën bana uisai ki kara kia kixun ꞌunánkantima ꞌikën; ꞌianan ka ꞌitsokin ꞌën ñu ꞌaia iskinbi, uisakin ꞌakin karana usakin ꞌai kixun ꞌunánkantima ꞌikën.

Oseas 14:9

An ñu ꞌunánkë unikama ꞌimainun sinánñu unikama, akaman ka ënë bana kuati ꞌikën: Kamabi ñu Diosan ꞌá ax ka upíokin ꞌá ꞌikën, usa ꞌain ka an ñu ꞌupíshi akë unikaman ax kikësabiokin ꞌaia; usa ꞌaínbi ka ꞌatima sinánñu unikama usakin ñu ꞌaiama Diosan ꞌatima oia.

Miqueas 4:12

ꞌAínbi ka a unikaman uisakin atu ꞌati sinánxun, kara Diosan mëníoxa a ꞌunanima; usa ꞌaínbi ka an atu timëkin trigo bimi nëatankëxun anuxun tákatinu nanxun tákakë usaribiokin, atu timënuxun ꞌaia kixun ꞌunanima.

Mateo 13:15

Atun nuitu mëu ꞌunántisama tanan ca judíos unicaman atun pabitan cuaquinbi uisai quicë cara quixun ꞌunántisama tania. Atun bërúnbi ꞌën ꞌaia isquinbi ca ꞌëx cushiira ꞌaínbi ꞌëmi sinántisama tania. ꞌËmi sinanatia cana atu ꞌën uni ꞌinun ië́mitsian. Usa ꞌaínbi ca ꞌiisama tanxa.

Juan 5:25

Usa ꞌain cana asérabi mitsu cain, ca uti ꞌicën, anúan aín ꞌucha cupí bamacësa ꞌixunbi unicaman ꞌën bana cuati nëtë. ꞌËn bana unin cuati nëtë, a nëtë ca ënëx ꞌicën. Usa ꞌain ca an —asérabi ca aín bana ꞌicë —quixun ꞌë ꞌunánquin ꞌëx quicësabi oquin ñu ꞌacë unicama ax, aín ꞌucha tërë́ncë cupí Nucën Papa Diosnan ꞌaish, nëtë́timoi abë ꞌiti ꞌicën.

Juan 5:43

ꞌËx ꞌën Papan xucëx uá ꞌicëbi camina mitsun ꞌën bana cuaisama tanin. Usa ꞌixunbi camina Nucën Papa Diosan xucëxmabia axbi ucë unin bana cuati ꞌain.

Juan 6:60

Usa ꞌain ca an Jesusan bana ñuia cuacë unicama ꞌaisamaira ꞌain raírinëx quiacëxa: —Axa usai quicë bana ax ca cuaisama ꞌicën. ¿Uin cara a cuati ꞌic?

Juan 7:17

Uinu ꞌicë unin cara Nucën Papa Dios cuëënun ñu ꞌaisa tania, an ca ꞌën carana Nucën Papa Diosan ꞌë sinánmicë bana ñuin, carana ꞌënbi sináncë bana ñui quixun ꞌunánti ꞌicën.

Juan 8:27

Usaía Jesús quiabi ca, Nucën Papa Dios ñui ca quia quixun a unicaman cuama ꞌicën.

Juan 8:33

Cacëxunbi ca cacëxa: —Nux cananuna Abrahamnën rëbúnqui ꞌain, uinu ꞌicë unínbi ca nucën raracama ꞌimainun nucën chaitiocëcamaribi uisa ñubia ꞌanun ꞌamiama ꞌicën, nuribi ca usoquin ꞌamicëma ꞌicën. ¿Usa ꞌain caina uisa ꞌaish mix, uínbi ca uisa ñubi nu ꞌamitima ꞌicë quiax quin?

Juan 8:39

Cacëxun ca atun cacëxa: —Abrahamnëxëshi ca nucën rara ꞌicën. Usoquian cacëxunbi ca Jesusan cacëxa: —Mitsux asérabi Abrahamnën rëbúnqui ꞌixun camina Abrahamnëan ꞌásabi oquin ꞌatsían.

Hechos 7:51

Usaquin caxun ca ësaquinribishi Estebanën cacëxa: —Mitsux camina bana sinanima, nuituñuma ꞌaish pabíñumasa ꞌiá ꞌaish usabi ꞌain, Nucën Papa Dios ꞌunáncëma unisaribi ꞌaish. Camabi nëtë́an Nucën Papa Diosan Bëru Ñumshin Upitan mitsu sinánmicë ꞌitsíanxbi camina an sinánmicë ꞌiisama tanin. Mitsun rara ꞌiásaribiti camina mitsux ꞌin.

Romanos 3:11

An Nucën Papa Diosan bana cuacë uni ca ꞌaíma ꞌicën. Axa Nucën Papa Diosan sinánmicë ꞌiisa tancë uni ca ꞌaíma ꞌicën.