Juan 8:39 - Kashibo-Kakataibo Biblia

³⁹ Cacëxun ca atun cacëxa: —Abrahamnëxëshi ca nucën rara ꞌicën. Usoquian cacëxunbi ca Jesusan cacëxa: —Mitsux asérabi Abrahamnën rëbúnqui ꞌixun camina Abrahamnëan ꞌásabi oquin ꞌatsían.

Nukën 'Ibu Diosan ain unikama 'inan ain bana

³⁹ Cacëxun ca atun cacëxa: —Abrahamnëxëshi ca nucën rara 'icën. Usoquian cacëxunbi ca Jesusan cacëxa: —Mitsux asérabi Abrahamnën rëbúnqui 'ixun camina Abrahamnëan 'ásabi oquin 'atsían.

Juan 8:39 Iomraidhean Croise

Mateo 3:9

—Nux Abrahamnën rëbúnqui ꞌaish cananuna Nucën Papa Diosan iscëx upí ꞌai —quixun sinánxunma ca ꞌacan. Asérabi cana mitsu cain, ꞌaisa tanquin ca Nucën Papa Diosan ënë maxáxbi bëtsi oquin Abrahamnën rëbúnqui ꞌimiti ꞌicën.

Mateo 5:45

Usaquin ꞌacë ꞌaish camina asérabi mitsun Papa Dios axa naínu ꞌicë an sináncësabi oquin sináncë ꞌain. An ca camabi uni, upí uni ꞌimainun upíma uni aribia pëcanun bari urumianan camabi unin ñu ꞌapácë chabónun ꞌuíribi ꞌibúmia. Usaribi oquin camina camabi uniribi nuibaquin ꞌaquinti ꞌain.

Juan 8:33

Cacëxunbi ca cacëxa: —Nux cananuna Abrahamnën rëbúnqui ꞌain, uinu ꞌicë unínbi ca nucën raracama ꞌimainun nucën chaitiocëcamaribi uisa ñubia ꞌanun ꞌamiama ꞌicën, nuribi ca usoquin ꞌamicëma ꞌicën. ¿Usa ꞌain caina uisa ꞌaish mix, uínbi ca uisa ñubi nu ꞌamitima ꞌicë quiax quin?

Juan 8:37

Abrahamnën rëbúnqui camina ꞌai quixun cana ꞌën mitsu ꞌunan. Usaquin ꞌën mitsu ꞌunáncë ꞌaíshbi camina ꞌën bana cuaisama tani ꞌë ꞌacatsi quiax ꞌëmi ꞌësë́nanin.

Juan 8:43

¿Uisa cupí caina mitsun ꞌën cacëxun cuatiman? Mitsúnbi cuaisama tanquin camina ꞌën, bana ñuixuncëxunbi cuatiman.

Juan 8:56

Mitsun rara Abrahamnëx ca ꞌëx aia isti sinani cuëëancëxa. Usai ca ꞌëx aia isi cuëëinra cuëëancëxa.

Romanos 4:12

Judíos unicamax Abraham ꞌiásaribiti ꞌunántioracacë ꞌaíshbi ca axa Abraham ꞌiásaribiti Nucën Papa Diosmi catamëcëcama axëshi asérabi Abrahamnën rëbúnqui ꞌicën.

Romanos 4:16

Usa ꞌain ca Nucën Papa Diosan Abraham ꞌimainun aín rëbúnquicamaxa atun ñu ꞌacë cupíma ami catamëtíshi asérabi ainan ꞌiti mëníocëxa. Judíos unibu, an atun cuati bana quicësabi oquin ꞌacë, a unicamaishima, uicamax cara Abraham ꞌicësaribiti Nucën Papa Diosmi catamëtia, a camabi ca Nucën Papa Diosan ainan ꞌinun ꞌimia. Usa uni ꞌaish cananuna nucamaxribi Abrahamnën rëbúnquisa ꞌain.

Romanos 9:7

Nucën Papa Diosan ca Abraham cacëxa: “Min bëchicë Isaac aín rëbúnquishi ca asérabi min rëbúnqui ꞌaish ꞌën unibu ꞌiti ꞌicë” quixun. —Min bëchicë itsi aín rëbúnquicamax ca ꞌën unibu ꞌiti ꞌicë —quixun ca Nucën Papa Diosan Abraham cáma ꞌicën. “Isaacnën rëbúnquinëxëshi ca ꞌënan ꞌiti ꞌicë” quixun ca cacëxa.

Gálatas 3:29

Mitsux Cristonan ꞌaish camina axa ꞌiásaribiti Nucën Papa Diosmi catamëcë ꞌaish Abrahamnën rëbúnqui ꞌain. Usa ꞌaish camina Nucën Papa Diosan aín rëbúnqui ñuiquin Abraham cásabi oi aín uni ꞌain.

Gálatas 3:7

Usa ꞌain camina mitsun ꞌunánti ꞌain, an ax quicësabi oquin ca Nucën Papa Diosan ꞌaia quixun sinani ami catamëcë unicamax ca axa ꞌiásaribiti Nucën Papa Diosmi catamëcë ꞌaish Abrahamnën rëbúnqui ꞌia.