Juan 8:31 - Kashibo-Kakataibo Biblia

³¹ Usa ꞌain ca Jesusan axa aín bana cuati ami sináncë judíos unicama cacëxa: —ꞌËn mitsu cacë bana ënë manuquinma ax quicësabi oquin ꞌai camina asérabi ꞌën uni ꞌiti ꞌain.

Nukën 'Ibu Diosan ain unikama 'inan ain bana

³¹ Usa 'ain ca Jesusan axa aín bana cuati ami sináncë judíos unicama cacëxa: —'Ën mitsu cacë bana ënë manuquinma ax quicësabi oquin 'ai camina asérabi 'ën uni 'iti 'ain.

Juan 8:31 Iomraidhean Croise

Mateo 24:13

Usai ñu ꞌicëbëtanbia ꞌëmi sinánquin ëncëma unicamax ca Nucën Papa Diosan nëtënu ꞌëbë ꞌiti ꞌicën.

Juan 1:47

Cabianquin buáncëxa Natanael aia isi ca Jesús quiacëxa: —U unix ca asérabi Israel uni upí ꞌicën, uni paráncëma ca ux ꞌicën.

Juan 2:2

Usa ꞌain ca Jesúsribi aín ꞌunánmicë unicamabë aribia camicëx cuanx anu ꞌiacëxa.

Juan 6:55

Usa unicama cana ꞌën ënë nëtë cëñúcëbëtan baísquimiti ꞌain. Axa asérabi ꞌëmi catamëcë uni ax ca ꞌën nami picësa ꞌianan ꞌën imi xëacësa ꞌicën. ꞌËn imi ꞌapati ꞌëx bamacë cupí ca usai ꞌiti ꞌicën.

Juan 8:36

Usa ꞌain camina mitsux Nucën Papa Diosan Bëchicë ꞌixun ꞌën ꞌimicëx uínbia uisa ñu ꞌatimabi ꞌamicëma mitsux ꞌiti ꞌain.

Hechos 13:43

Usa ꞌain ca unicamaxa a xubunuax chiquícëbë judíos uni raíri ꞌimainun judíosma ꞌixunbi Nucën Papa Diosan bana sinánquin ax quicësabi oquin ꞌacë, acamax Bernabé ꞌimainun Pablobë cuancëxa. Cuania buánquin ca Pablobëtan Bernabénën ꞌësëquin ësaquin cacëxa: —Nucën Papa Diosan mitsu nuibacëx camina ami manutima ax cuëëncësabi oi ꞌiti ꞌain.

Hechos 14:22

A ëmacamanu ꞌiquiani cuanquin ca axa Jesucristomi catamëcë unicama cushioquin Jesucristomi catamëti ënxunma ꞌanun ꞌësëanan nux Nucën Papa Diosnan ꞌaish cananuna uni itsían bëtsi bëtsi ocë ꞌiti ꞌai quixun cacëxa.

Hechos 26:22

Atúan ꞌë ꞌaisa taniábia Nucën Papa Diosan ꞌë ꞌaquinia ꞌë ꞌacëma ꞌixun cana ꞌën ꞌacësabi oquin uni aín cushibu ꞌimainun cushimacamaribi, Nucën Papa Dios ñuiquin bana ñuixunin. ꞌËn unicama ñuixuncë bana ax ca bëtsima, Moisés ꞌimainun an Nucën Papa Dios quicë bana uni ñuixuncë unicamanribia, usai ca ꞌiti ꞌicë quixun ñuia bana abi ꞌicën.

Romanos 11:22

Usa ꞌain camina ꞌunánti ꞌain, ax upí ꞌixun ca Nucën Papa Diosan unicama nuibaquin upí ꞌimianan axa aín ꞌucha ëni ami catamëcëma uni uisa cara oti ꞌicë usoquin ꞌati ꞌicën. Usa ꞌixun ca mitsúxmi a ëníma ax quicësabi oquin ꞌai, ami catamëtia oquin nuibaquin ꞌaquinia. Usai mitsux ꞌicësabi camina ꞌiti ꞌain. Usai ꞌima camina mitsúxribi judíos unibu ꞌicësaribiti ainanma ꞌiti ꞌain.

Romanos 2:7

Axa —Nucën Papa Diosan ca ꞌë upí isquin abë nëtë́timoi tsónun ꞌimiti ꞌicë —qui cuëëncë uni, an ca ënquinma Nucën Papa Dios cuëëncësabi oquin ñu ꞌaia. Usoquin an ꞌacë uni a ca Nucën Papa Diosan xënibua ꞌaínbi abë ꞌinun ꞌimia.

Colosenses 1:23

Usa ꞌinuxun camina camabi nëtën Cristomishi catamëcë ꞌixun sinánbëquinquinma ainan ꞌaíshmi aín nëtënu abë ꞌiti ashi manuquinma sinánti ꞌain. Usai ꞌi ca uni asérabi Nucën Papa Diosnan ꞌicë quixunmi cuacë bana ca camabi menuxunribi ñuicania. ꞌËnribi cana unicama a bana ñuixunin.

1 Timoteo 2:15

Usa ꞌaínbi ca uinu ꞌicë xanun cara tuáñu ꞌianan Jesucristomi catamëcë ꞌixun, bëtsibë nuibananquin upí sinánñu ꞌixun ꞌatima ñu sinánquinma, tuáñu xanúan ꞌati ñucama upí oquin ꞌaia, a xanux Nucën Papa Diosan upí oquin ꞌaquincë ꞌiti ꞌicën.

1 Timoteo 4:16

Amanu amanua sinanima camina a bana quicësabi oi ꞌianan a banaxa quicësabi oquin uni bana ñuixunti ꞌain. Usaquin ꞌaími mix ië́cë ꞌimainun ca an mínmi a bana ñuixuncëxun cuacë unicamaxribi Nucën Papa Diosnan ꞌinux ië́cë ꞌiti ꞌicën.

2 Timoteo 3:14

Usa ꞌaínbi camina a ëníma mínmi ꞌunáncë bana quicësabi oi ꞌiti ꞌain. —Asérabi ca —quixun sinánquin camina a bana ꞌunan. Uicaman cara mi ꞌunánmiaxa quixun camina ꞌunanin.

Hebreos 3:14

Anun nux aín nëtënu ꞌiti nëtë sënë́ntamainun cananuna ami catamëtabatínu ꞌiásabi ꞌi ami catamëti ꞌain. Usai ꞌi cananuna camabi nëtën Cristobë ꞌain.

Hebreos 8:9

A banax ca judíos unicama Egipto menua buánquin uisai cara atux ꞌiti ꞌicë quixun ꞌën Moisés cá banasama ꞌiti ꞌicën. Judíos unicama ꞌaquinsa tanquinbi cana atúan ꞌën bana cuaquin ꞌën cacësabi oquin ꞌacëma cupí atu ëancën.

Santiago 1:25

Usa ꞌaínbi ca an a bana cuaquin manuquinma sináncë uni, ax a bana quicësabi oquin ënquinma ꞌacë ꞌaish chuámarua tani cuëënti ꞌicën. A banax ca anúnu upí ꞌianan, ñunshin ꞌatima cuëëncësa oi ꞌima Nucën Papa Dios cuëëncësabi oi ꞌinux ië́ti a ꞌicën.

1 Juan 2:19

An Cristo ꞌatimaquin ñuicë unicama nubë ꞌixunbi ca nu ëanxa, asérabi nun ꞌacësaribi oquin Jesucristo sináncëma ꞌixun. Nux ꞌicësaribiti asérabi Jesucristomi sináncë ꞌaish ca nubë bërúcë ꞌitsíanxa. Usa ꞌain ca atúan nu ëncë cupí camaxunbi ꞌunánti ꞌicën, nubëa ax timë́cë unicamax ca camáxira asérabi nux ꞌicësaribiti Jesucristomi sináncëma ꞌiaxa quixun.

1 Juan 2:24

Usa ꞌain camina Jesucristomi catamëtabaquinmi cua a bana manuquinma upí oquin sinánti ꞌain. A bana asérabi sináncë ꞌaish camina abë upí ꞌaish ënima camabi nëtën aín Bëchicë ꞌianan Nucën Papa Diosbëribi ꞌiti ꞌain.

2 Juan 1:9

Ui unin cara Cristonën bana quicësabi oquin ꞌaquinma ax cuëëncësa oquinshi ꞌaia abëma ca Nucën Papa Dios ꞌicën. Usa ꞌaínbi ca axa Cristonën bana quicësabi oi ꞌicë uni abë cuni Nucën Papa Dios ꞌimainun aín Bëchicë Jesucristo ꞌicën.

1 Samuel 12:14

Bërí kamina mitsun añu ꞌanun kara Nukën ꞌIbun mitsu kaia a ꞌanan ashi rabikin ax kikësabiokin ꞌakin aín bana kikë sama oi kamina ꞌitëkënkantima ꞌain, usai ꞌima kamina mikamax an mitsu ꞌakinkë ꞌapu abëbi Nukën ꞌIbu kikësabi ꞌoíshi ꞌikanti ꞌain, usai ꞌikëbë ka mitsun ꞌakë ñukamaxribi upí ꞌiti ꞌikën.