Juan 8:29 - Kashibo-Kakataibo Biblia

²⁹ An ꞌë xuá ax ca ꞌëbë ꞌicën. ꞌËn axa cuëëncësabi oquin ꞌacë ꞌicë ca an ꞌëxbi ꞌinun ꞌë ëncëma ꞌicën.

Nukën 'Ibu Diosan ain unikama 'inan ain bana

²⁹ An 'ë xuá ax ca 'ëbë 'icën. 'Ën axa cuëëncësabi oquin 'acë 'icë ca an 'ëxbi 'inun 'ë ëncëma 'icën.

Juan 8:29 Iomraidhean Croise

Isaías 42:1

Ësai ka Nukën ꞌIbu kiakëxa. Ënu ka ꞌën kuëënkësabi okin ꞌati ꞌën kaískë uni ax ꞌikën, ënëx ka ꞌëx a isi ꞌitsaira kuëënkë a ꞌikën, usa ꞌain kana ꞌën bëru ñunshin a ꞌinan, usa ꞌixun ka kamabi menu ꞌikë unikama upíokian ñu ꞌanun ꞌamiti ꞌikën.

Isaías 42:21

Nukën ꞌIbu an ka ax Dios ië́mianankë ꞌixun, aín bana ax ka chaiira ꞌianan kushi ꞌikë kixun ꞌunánmisa tankëxa:

Isaías 42:6

“ꞌËx min ꞌIbu ꞌixun kana ꞌën unimi ꞌinun mi kuëankën, ꞌimainun kana ꞌën mëkënan tuinkësa ꞌixun mi ꞌakinkëxmi, a banamiti ñusa ꞌixunmi, min uni ië́minun mi ꞌimiti ꞌain; ꞌën kana mi uniokën, usa ꞌixun kamina min, ꞌën ꞌa ñukama ñuikin ꞌën unikama kati ꞌain, an ka min tirítan pëkakësa ꞌixun bëtsi menu tsókë unikama asérabi ënkinma upíokin ñu ꞌanun ꞌunánmiti ꞌikën.

Mateo 17:5

Usaquian Pedronën cacëbëtainshi ca acama cuin pëquicësanën tupë́oncëxa. Usocëxun ca Pedro, Jacobo, Juan acaman nëtë cuin mëucüaxa ësai banaia cuacëxa: —Ënëx ca ꞌëx amiira sinani cuëëncë, ꞌën bacë bëchicë ꞌicën. Aín bana ca cuacan.

Mateo 3:15

Cacëxunbi ca Jesusan cacëxa: —Uisai cara Nucën Papa Dios quia, usai cananuna ꞌiti ꞌain. Usa ꞌain camina min ꞌë bërí nashimiti ꞌain. Cacëxun ca Juanën —cana mi ꞌati ꞌain —quixun caxun Jesús nashimiacëxa.

Mateo 3:17

Usai ꞌicëbëtan ca Jesusan naínuaxa banaia cuacëxa, ësai qui: “Ënëx ca ꞌëx amiira sináncë bacë bëchicë ꞌicën. Ami sinani cana chuámarua tani cuëënin”.

Juan 14:31

Usa ꞌaínbi cana camabi unían ꞌëx cana ꞌën Papami sinani quixun ꞌunánun, an ꞌë cacësabi oquin ꞌain. Ënëishi cana mitsu cain. Cuanti ca nirut —quixun ca Jesusan aín ꞌunánmicë unicama cacëxa.

Juan 15:10

Ax quicësabi oi ꞌia ca ꞌën Papa Diosan ënquinma ꞌë nuibatia. Usaribitimi ꞌëx quicësabi oi ꞌia cana ꞌënribi ënquinma mitsu nuibatin.

Juan 16:32

ꞌUnanibi camina bëríbi camáxbi ꞌë ëbiani tsuáquiquiani amami amamitan cuanti ꞌain. Usai camina bëríbi ꞌë ëbiani cuancanin. Mistúxmi ꞌë ëbiani cuancëbëbi cana ꞌëshi ꞌima, Nucën Papa Dios ax ca ꞌëbë ꞌicën.

Juan 17:4

Mi ñuiquin unicama ñuixuanan cana minmi a ꞌanun quixun ënë menu ꞌë xuá ñucamaribi ꞌaquin sënë́on, minmi ꞌë cacësabi oquin.

Juan 4:34

Canania isquin ca Jesusan cacëxa: —An ënë menu ꞌë xuá axa cuëëncësabi oquin ꞌanan an a ꞌanun ꞌë ca, a sënë́onuxun ꞌai cana ꞌëx picësa ꞌain. Usaquin ꞌën ꞌacëx ca ax ꞌën piti ñusa ꞌicën.

Juan 5:30

Ësaquinribi ca Jesusan cacëxa: —ꞌËn cana ꞌënbi sinánquin ñu ꞌaiman. ꞌËn Papan ꞌë cacësabi oquin cana ꞌën, cara castícancë ꞌiti ꞌicën, cara castícancë ꞌitima ꞌicë quixun uni cain. ꞌËx cuëëncësoquin ꞌaquinma cana an ꞌë xuá, axa cuëëncësabi oquin ñu ꞌain. Usa ꞌain ca ꞌën uni cacë banax asábi ꞌicën.

Juan 8:16

Usa ꞌixunbi ꞌën uni ꞌuchoquin cacë ꞌain ca ꞌën Papa, an ꞌë xuá, anribi, usa ca quixun sinania. Usa ꞌain ca ꞌën ꞌuchoquin cacë banax asérabi ꞌiti ꞌicën.

2 Timoteo 4:17

Acaman ëniabia Nucën ꞌIbu Jesucristonën ꞌaquinia ca a ꞌapun ꞌë uisabi ocëma ꞌicën. Usoquin ca ꞌinúan nëëcënëan piisa tancëxbia ñuina abácësaribi oquin, unin ꞌaisa taniabi Nucën ꞌIbu Jesucristonën ꞌë ië́miaxa. Usoquian ië́mitancëxun cushiocëxun cana aín bana ñuitëcëan, judíosma unicamánbia cuanun.

2 Timoteo 4:22

Mibë ꞌixuan Nucën ꞌIbu Jesucristonën mi cushiomainuan Nucën Papa Diosan mibë ꞌicëcamacëñun mi nuibaquin ꞌaquincëx camina bërúanx ꞌiti ꞌain. Ashi, Pablo.

Hebreos 4:15

Jesús an nu Nucën Papa Dios ñucáxuncë, ax ca uni ꞌaish nux ꞌicësaribiti tëmëraíbi ꞌuchama ꞌicën. Usa ꞌixun ca nuribi tëmëranan ñunshin ꞌatimanën ꞌatima ñu ꞌamitisa taniabi nuibaquin nu ꞌaquinti ꞌicën.

Hebreos 7:26

Usa ꞌaían Jesús axira nun sacerdote ꞌiti ca upíira ꞌicën. Nucën Papa Diosan iscëx upíira ꞌixun ñu ꞌatima ꞌacëma ꞌianan ñu ꞌatima ꞌati sináncëma ꞌianan ax upíira sinánñu ꞌaish ca aín Papabë ꞌApuira ꞌicën.

1 Juan 2:1

ꞌËn bëchicësa ꞌicë, cana ñu ꞌatimami ꞌatin rabanan ënë ñucama mitsu cuënëoxunin. Usa ꞌaínbia uinu ꞌicë unix cara ꞌuchaia, a an ñucáxunti ca Nucën Papa Diosbëa ꞌicë Jesucristo, ax ꞌicën. Ax ca uisa ꞌuchañumabi asérabi upíira ꞌicën.

1 Juan 3:22

Nun ax quiásabi oquin ꞌanan, ax cuëëncësabi oquin ꞌaia isquin ca an nun ñucácësabi oquin nu ꞌaxunia.