Juan 8:21 - Kashibo-Kakataibo Biblia

²¹ Jesusan ca amiribishi unicama cacëxa: —ꞌËx cana cuantëcënin. Cuancë bariquinbi camina mitsun ꞌë mëraiman. Mëraima camina ꞌuchañu ꞌaish usabi bamati ꞌain. Anu ꞌëx cuanti anu camina cuantima ꞌain.

Nukën 'Ibu Diosan ain unikama 'inan ain bana

²¹ Jesusan ca amiribishi unicama cacëxa: —'Ëx cana cuantëcënin. Cuancë bariquinbi camina mitsun 'ë mëraiman. Mëraima camina 'uchañu 'aish usabi bamati 'ain. Anu 'ëx cuanti anu camina cuantima 'ain.

Juan 8:21 Iomraidhean Croise

1 Reyes 18:10

ꞌËx kana asérabi ka usa ꞌikë kiax manútimoi min Diosan kuamainun kin uinu ꞌikë menubi kara mi baritanun uni xuaxa; xukëxa aia ka miisa mërakëma ꞌikë kia asérabi kara mi mërakëmaira ꞌikë kixun a xukë uni ñuimiaxa.

Isaías 65:20

ꞌAnu ka tuá bërí bakënkë nëtë ꞌitsama ꞌaínshi bamakë a ꞌaíma ꞌiti ꞌikën, ꞌianan ka uni apankama axribia anúan ñuti nëtë ꞌikë ꞌaímabia ñukë a ꞌaíma ꞌiti ꞌikën. Uix kara cien baritia ꞌain ñuia ax ka bëná ꞌaísha ꞌikë ꞌiti ꞌikën, usa ꞌaínbi ka axa cien baritia tsóamabi bamakë ax usai ꞌi ñukë ax ka Dios kuëënkë ꞌikë ꞌiti ꞌikën.

Mateo 23:39

ꞌËn cana mitsu cain, mitsun camina utëcënia isquin —Nucën ꞌIbu Diosan xucë́xa ucë bërí aia. A ca camabi unin rabiti ꞌicë —quiax quiquin ꞌë rabiti ꞌain. A nëtë utámainun camina ꞌë istëcëntima ꞌain.

Mateo 25:41

Usaquin catancëxun cana axa ꞌën mëmiu ꞌicë unicama cati ꞌain: Mitsux ꞌën unibuma ꞌaish ca ꞌë ꞌura cuantan. Cuanx ca manë tsi anua aín ꞌapubë ñunshin ꞌatimacama ꞌinun mënío anu ꞌitan.

Mateo 25:46

Usaquin ꞌën cacëx ca acamax anuxuan xënibua ꞌaínbi tëmërati anu cuanti ꞌicën. Cuancëbë ca ꞌën unicamax Nucën Papa Diosan nëtënu xënibua ꞌaínbi ꞌëbë ꞌi cuanti ꞌicën.

Juan 12:33

Ësoquin ca uisai ꞌiax cara bamati ꞌicë quixun cacëxa.

Juan 12:35

Cacëxunbi ca Jesusan, ꞌëmi camina sinánti ꞌai quixun caquin ësaquin catëcëancëxa: —ꞌItsama nëtë́inshi ca an mitsu upí oquin sinánmiti, ax mitsubë ꞌiti ꞌicën. Usa ꞌain camina ax cuancëma pan ꞌain, an mitsu ꞌunánmicësabi oi ꞌiti ꞌain, ax cuancëbëmi usabi ꞌinun. A an ꞌunánmicëma uni, an ca uisai cara ꞌiti ꞌicë quixun ꞌunanima.

Juan 13:33

Xënibutíma cana bënëtishi mitsubë ꞌiti ꞌain. Mitsubë ꞌitancëx cuancë camina ꞌë barinuxun ꞌain. Usa ꞌain cana ꞌën judíos unicama cacësabi oquin bërí mitsuribi cain, anu ꞌëx cuancë anu camina mitsux cuantima ꞌain.

Juan 7:34

Uinu carana ꞌëx cuani, anu camina mitsux cuantima ꞌain. Usa ꞌain camina bariquinbi cuania ꞌë mëratima ꞌain.

Juan 7:36

¿Uisai quicë cara an ësaquin nu cacë bana ënëx ꞌic: “Uinu carana ꞌëx cuani, anu camina mitsux cuantima ꞌain. Usa ꞌixun camina bariquinbi cuania ꞌë mëratima ꞌain”?

Juan 8:24

Mitsun, ui carana ꞌëx ꞌai quixun ꞌunani ꞌëmi sináncëma ꞌaish camina ꞌuchañu ꞌaish usabi bamati ꞌain. Usaquin sinánquin cana —ꞌuchañu ꞌaish camina usabi bamati ꞌai —quixun mitsu can.

Efesios 2:1

Mitsun ñu ꞌatima ꞌacë cupí ainanma ꞌaíshmi uni bamacësa ꞌicëbi ca Nucën Papa Diosan mitsu xënibua ꞌaínbi abë ꞌinun ainan ꞌimiaxa.