Juan 8:20 - Kashibo-Kakataibo Biblia

²⁰ Usaquin ca Jesusan anuxun Nucën Papa Dios rabiti xubunuxun unicama bana ñuixuancëxa, anu curíqui nanti ñu rapasunuxun. Ñuixuncëxunbi ca anúan unin a biti nëtëa ꞌicëma pain ꞌain, achúshira unínbi biáma ꞌicën.

Nukën 'Ibu Diosan ain unikama 'inan ain bana

²⁰ Usaquin ca Jesusan anuxun Nucën Papa Dios rabiti xubunuxun unicama bana ñuixuancëxa, anu curíqui nanti ñu rapasunuxun. Ñuixuncëxunbi ca anúan unin a biti nëtëa 'icëma pain 'ain, achúshira unínbi biáma 'icën.

Juan 8:20 Iomraidhean Croise

Mateo 26:55

Usaquin catancëxun ca Jesusan axa anu ucë unicama cacëxa: —¿Manë xëtocë ꞌimainun imaxu tëacë tuíanx caramina mëcamacë uni ꞌacësoquin ꞌë binux ucan? Camabi nëtën ꞌën mitsu nëbë́tsi tsóxun, anuxun Nucën Papa Dios rabiti xubunuxun bana ñuiabi camina uisa ꞌixunbi ësoquin ꞌë bicancëma ꞌain.

Mateo 27:6

Judasnëan pubiancë a curíqui bitsi ca judíos unibunën cushicamax canani quiacëxa: —Anun uni itsin ꞌaminun uni cupíocë ꞌaish ca ënë curíquinëx anu curíqui nancë ñu anu nainsama ꞌicën.

Marcos 12:41

Usaquin anuxun Nucën Papa Dios rabiti xubunuxun unicama catancëx ca Jesús anu curíqui nanti ñu ꞌurama ami bësui tsóbuacëxa. Tsóxun ca anu nanti ñu anua unicaman curíqui nania isacëxa. Iscëxun ca ꞌaisamaira curíquiñu unicama an ꞌitsa curíqui nancëxa.

Marcos 12:43

Nancëbëtan cuëncë́xa aia ca Jesusan aín ꞌunánmicë unicama cacëxa: —ꞌItsaira curíquiñu unicaman ca anun ñu maruquian tëxëocë curíqui anu curíqui nanti ñunu ꞌaruaxa. Usa ꞌaínbi ca xanu casunamëcë ënën asérabi cuëënquin ꞌaisa tanquin anúan ñu marutibi ꞌaíma ꞌitánun aín curíquicamaishi ꞌaruaxa. Usa ꞌain cana asérabi mitsu cain, curíquiñu unicaman ꞌacësamaira oquin ca a xanun aín curíqui ꞌinánxa.

Lucas 20:19

An naë bërúancë unicama ñuicëbë ca an Moisésnën cuënëo bana ꞌunáncë unicama ꞌimainun judíos sacerdotecamax atubi ñui isa quia quixun ꞌunani Jesúsmi nishacëxa. Nishquin ꞌatimonuxun biisa tanquinbi ca —ꞌitsa unin ca aín bana cuatia, usa ꞌain ca a unicamax numi nishti ꞌicë —quixun sinani atumi racuë́quin biama ꞌicën.

Lucas 21:1

Usaquin anuxun Nucën Papa Dios rabiti xubunuxun unicama catancëxun anu curíqui nanti ñu ami bësuquin isquin ca Jesusan ñuñu unicaman aín curíqui nania isacëxa.

Juan 10:39

Usaquin cacëxuan biisa tancancëxbi ca anuax cuani nëtë́acëxa.

Juan 2:4

Cacëxun ca Jesusan cacëxa: —¿Uisati caramina ꞌë usaquin cain? Anun ꞌën ñu ꞌati nëtë ca ꞌicëma pain ꞌicën.

Juan 7:14

Usaía quimainun ca anun Nucën Papa Dios rabinux timë́cë nëtëa sënë́ncëma pain ꞌain, Jesusan anuxun Nucën Papa Dios rabiti xubunu atsínxun bana ñuixuancëxa.

Juan 7:30

Usaquian cacëxun sipuanuxun biisa tanquinbi ca anúan a unin biti nëtëa sënë́ncëma pain ꞌain achúshira unínbi biáma ꞌicën.

Juan 7:44

Usaquin sinánquin ca bëtsi bëtsi unin sipuanuxun biisa tanquinbi Jesús biáma ꞌicën.

Juan 7:8

ꞌËx anun anu ꞌiti nëtë ca ꞌicëma pain ꞌicën. Usa ꞌain cana cuaniman. Mitsux ca cuantan.

Juan 8:2

Coon pëcaracëbëa amiribishi anuxun Nucën Papa Dios rabiti xubunu cuancë ca unicaman manaruquin nëpúaracëxa. Usocëxun ca atu nëbë́tsi tsóxun bana ñuixuancëxa.

Juan 8:59

Usaquian cacëxuan judíos unicaman anun ꞌacatsi quixun maxax bicëbëbi ca Jesús uni xanpë́scabiani, anuxun Nucën Papa Dios rabiti xubunuax cuancëxa.