Juan 8:15 - Kashibo-Kakataibo Biblia

¹⁵ Unin sináncësa oquinshi sinánquin camina mitsun bëtsi ꞌuchoin, ꞌaínbi cana ꞌën uni ꞌuchoiman.

Nukën 'Ibu Diosan ain unikama 'inan ain bana

¹⁵ Unin sináncësa oquinshi sinánquin camina mitsun bëtsi 'uchoin, 'aínbi cana 'ën uni 'uchoiman.

Juan 8:15 Iomraidhean Croise

Amós 5:7

¡Mitsun kamina bëtsin ꞌatima okë unikama upíokin ꞌakinkëma ꞌain ꞌianan kamina ꞌakinsa ꞌikëbi ꞌakinkëma ꞌain!

Amós 6:12

¿Caballokamax kara xaxun pobu anun abáti ꞌik? Ka ꞌitima ꞌikën. ¿Parúmpapax kara me ꞌakësaribi okin tukapakin buinaisa ꞌik? Ka ꞌaisama ꞌikën, ꞌaínbi kamina mitsun upíokin ñu ꞌati ꞌikëbi muka ro ꞌakësokin ꞌakan ¡usakin ꞌakin kamina upíokin asérabi bëtsi ꞌatima onux këmëi banatima ꞌain!

Habacuc 1:4

Ax kikësokin ꞌati min bana ax kikësokin ka ꞌakanima, an bana mëníokë ꞌapukaman ka ꞌatimokinshi ñu ꞌaia, an ñu ꞌatima ꞌakë unikaman ka an ñu ꞌatima ꞌakëma uni an ka kuëënkësa okinshi ꞌaia, ꞌimainun ka ꞌupiokin ꞌakinma ꞌatima ñuishi upisa kixun ꞌaia.

Lucas 12:14

Cacëxun ca Jesusan cacëxa: —Usai ca mibë min xucën ꞌiti ꞌicë quixun cana ꞌën mëníotima ꞌain. Ax ca ꞌën ꞌatima ꞌicën.

Juan 12:47

Uinu ꞌicë unin cara ꞌën bana cuaquinbi ꞌëx quicësabi oquin ꞌaima, a uni cana ꞌën ꞌuchoiman. ꞌËx cana ënë nëtënu ꞌicë uni ꞌuchoi uáma ꞌain. Atúxa Nucën Papa Diosnan ꞌinux ië́nun cana uacën.

Juan 18:36

Cacëxun ca Jesusan cacëxa: —Ënë nëtënu ꞌicë ꞌapu ꞌinux cana uáma ꞌain. ꞌËx ënë nëtënu ꞌicë ꞌapu ꞌain ca judíos unicaman ꞌë bitima cupí ꞌën unicama atubë ꞌacanantsianxa. Usa ꞌain cana ënë nëtënu ꞌicë ꞌapu ꞌinux uáma ꞌain.

Juan 3:17

Nucën Papa Diosan ca aín Bëchicë an ënë menu ꞌicë unicama aín ꞌucha cupí ꞌuchonun xuáma ꞌicën. Ama, ënë menu ꞌicë unicama aín ꞌucha tërë́nquin ainan ꞌinun ië́minun quixun ca xuacëxa.

Juan 7:24

Bëtsi unían ñu ꞌaia isi camina bënëtishi —an ca ñu ꞌatima ꞌaia —quiax quitima ꞌain. Usai ꞌiquinma camina munu upí oquin sinánquin ꞌunánti ꞌain, usoquin ꞌati cara asábi ꞌicë, cara asábima ꞌicë quixun.

Juan 8:11

Cacëxun ca xanun cacëxa: —Achúshi unínbi ca ꞌë maxaxan ꞌacëma ꞌicën. Usaquian cacëxun ca Jesusan cacëxa: —Ënribi cana mi ꞌuchoiman. Ca cuantan. Cuantancëxun camina amiribishi ñu ꞌatima ꞌatëcëntima ꞌain.

Romanos 2:1

Mitsúnmi uni itsi ꞌuchocëbëtanbi ca uni raírinën ꞌunánti ꞌicën, mitsun camina usa ñu ꞌati ca ꞌucha ꞌicë quixun ꞌunanin. Usa ꞌain camina minribi usa ñu ꞌatancëx —ꞌunánxunma cana ꞌa —quitima ꞌain.

1 Corintios 2:15

Usa ꞌain ca Nucën Papa Diosan Bëru Ñunshin Upitan sinánmicë uni an, unin ꞌacë ñucama ꞌimainun aín banacama, asérabi cara upí ꞌicë quixun ꞌunania. Usa ꞌaínbi ca uni itsin, a unin Nucën Papa Diosan Bëru Ñunshin Upitan sinánmicëxun ꞌacë ñu cara asérabi an sinánmicëxun ꞌacë ꞌicë quixun ꞌunanima, Nucën Papa Diosan Bëru Ñunshin Upitan sinánmicëma ꞌixun.

2 Corintios 5:16

Bëráma uni isquin, ax ca unishi ꞌicë quixun sinan ꞌixunbi cananuna bërí, uisa uni cara, —axribi ca Jesucristonan ꞌiti ꞌicë —quixun sinanin. Usaribi oquin —Cristo ax ca unishi ꞌicë quixun sinan ꞌixunbi cananuna bërí Cristo ax ca asérabi Nucën Papa Diosan Bëchicë, an nu ainan ꞌinun ië́micë, a ꞌicë quixun ꞌunanin.

Santiago 2:4

Usoquin ꞌaquin camina camabi uni sënën nuibaquinma ꞌatima sinánñu ꞌixun raírishi nuibanan raíri uni ꞌatimoin.

1 Samuel 16:7

ꞌAínbi ka Nukën ꞌIbun kakëxa: “Uisa kara kixun ñachanan kamina uiti chaxkë́ kara kixun istima ꞌain, ꞌëx kana ax ꞌiti kuëëniman. ꞌËx kana unin iskë ñu ñui kikëma ꞌain; unin ka uisa kara bëtsi uni ꞌikë kixun isia, usa ꞌaínbi kana ꞌën uisakin kara unin sinania a ꞌunanin.”