Juan 8:14 - Kashibo-Kakataibo Biblia

¹⁴ Cacëxun ca Jesusan cacëxa: —ꞌËxbi ꞌëx cana usa ꞌai quicëxbi ca ꞌën banax asérabi ꞌicën. Uinuax carana uan, uinu carana cuani quixun cana ꞌën ꞌunanin. ꞌËn ꞌunáncë ꞌaínbi camina mitsun, uinuax carana ꞌëx uan, uinu carana cuani quixun ꞌunaniman.

Nukën 'Ibu Diosan ain unikama 'inan ain bana

¹⁴ Cacëxun ca Jesusan cacëxa: —'Ëxbi 'ëx cana usa 'ai quicëxbi ca 'ën banax asérabi 'icën. Uinuax carana uan, uinu carana cuani quixun cana 'ën 'unanin. 'Ën 'unáncë 'aínbi camina mitsun, uinuax carana 'ëx uan, uinu carana cuani quixun 'unaniman.

Juan 8:14 Iomraidhean Croise

Proverbios 8:7

ꞌËn mitsu kati bana ax ka asérabi ꞌëx kikë ꞌikën, ꞌëx kana këmëi banati kuëëniman.

Números 12:3

Moisés ax ka upí sinan ñu ꞌaish nishananti sinánkëma uni ënë menu ꞌiakëxa.

Juan 10:36

¿Nucën Papa Diosan ënë menu uni ꞌinun ꞌë xuá ꞌaínbi caramina mitsun uisa ꞌixun, aín Bëchicë cana ꞌai qui cana Nucën Papa Dios ñui ꞌatimati banai quixun ꞌë cain?

Juan 13:3

Piquin ca —ꞌën Papan camabi ñu ꞌibuamianan ënë nëtënu xuá ꞌaish cana anuribi cuantëcënti ꞌai —quixun sináncëxa.

Juan 14:10

¿ꞌËx cana Nucën Papa Diosbë ꞌain, Nucën Papa Dios ax ca ꞌëbë ꞌicë quixun caramina sinaniman? ꞌËn mi cacë bana ënëx ca ꞌënbi sinani quicë banama ꞌicën. Ax ꞌëbë ꞌixun ca Nucën Papa Diosan ax cuëëncë ñu ꞌanun ꞌë ꞌamia.

Juan 16:28

Nucën Papanuax cana ënë nëtënu uacën. Uá ꞌaíshbi cana ënë nëtënuax amiribishi Nucën Papabë ꞌi cuantëcënin.

Juan 18:37

Cacëxun ca Pilátonën catëcëancëxa: —¿Usa ꞌain caramina asërabi ꞌapu ꞌain? Quixuan cacëxun ca Jesusan cacëxa: —ꞌËx cana ꞌapu ꞌain, min ꞌë cacësabi oi. Usai ꞌinux cana ënë nëtënu uacën, Nucën Papa Diosan sináncë ñucama ñuiquin camabi uni canux. Uicaman cara uisaira cara a bana ꞌicë quixun ꞌunántisa tania, an ca ꞌën bana cuatia.

Juan 5:31

ꞌËxbi, usa cana ꞌëx ꞌai quiax quia ca unin ꞌën bana ca asérabi ꞌicë quixun ꞌunántima ꞌicën.

Juan 8:42

Usaquian cacëxun ca Jesusan cacëxa: —Nucën Papa Diosnuax cana ꞌëx ënë menu uacën. ꞌËx cana ꞌëxbi uáma ꞌain, an ca ënu unun ꞌë xuacëxa. Usa ꞌain camina mitsux asérabi Nucën Papa Diosnan ꞌaish ꞌëmi sinántsian.

2 Corintios 11:31

ꞌËn mi cacë ax ca cëmëma ꞌicë quixun ca Nucën Papa Diosan ꞌunania. Ax ca Nucën ꞌIbu Jesucristo aín Dios ꞌaish aín Paparibi ꞌicën, a ca camabi unin nëtë́timoquin rabiti ꞌicën.

2 Corintios 12:11

Mitsúnmi ꞌë rabicëma cupí cana sinánñuma uni banacësari rabiacan. Mitsúxira ꞌë rabi upiti banatisa ꞌixunbi camina —Pablosamaira ꞌaish ca an Pablo ñuicë unicama ënëx Nucën Papa Diosan uni ꞌicë —quixun sinánan ꞌën bana isa ñancáishi ꞌicë quixun sinánquin a unicaman mitsu ñuixuncë bana cuacanin. Usaquinmi mitsun sináncëbëbi cana ꞌëx a unicama meuma ꞌain, ꞌënbi ꞌaquinma, Nucën Papa Diosan aín cushin ꞌamicëxuinshi ꞌën ꞌacë cupí.

2 Corintios 12:19

Nun usaquin mitsu cacëxun oquin mitsun nu nuibanun quixun isanuna ësaquin mitsu cai quixun sapi camina sináncanin. ꞌAíshbi ca usama ꞌicën. ꞌËn nuibacë xucë́antu, cana mitsu cain, ami catamëti ax quicësabi oíshi ꞌinun cananuna Cristo cuëëncësabi oquin mitsu ꞌaquinsa tanquinshi ënë ñucama mitsu ñuixuan. Asérabi ca usa ꞌicë quixun ca Nucën Papa Diosan ꞌunania.

Apocalipsis 1:5

An uisaira cara Nucën Papa Dios ꞌicë quixun uni ꞌunánmicë, Jesucristonënribia nuibaquin ꞌaquincëxmi mitsux chuámarua ꞌiti cana cuëënin. Ax utëcëncëbë aín unicamaxribi bama ꞌaíshbi baísquinun, ca ax pain bamatancëx baísquiacëxa. Ax ca ënë nëtënu ꞌicë ꞌapucaman ꞌapu a ꞌicën. An ca nu nuibanan nun ꞌucha cupí aín imi ꞌapati bama ꞌixun nun ꞌuchacama tërë́anan,

Apocalipsis 3:14

Usaquin catancëxun ca ësaquinribi cuënëonun Jesusan ꞌë caxa: —Axa Laodiceanuax ꞌëmi catamëcë unicama an Nucën Papa Diosan bana ñuixuncë, a buánminuxun camina ësoquin cuënëoti ꞌain: Ax upíira upí ꞌixuan uisa cara Nucën Papa Dios ꞌicë quixun paránquinma uni ꞌunánmicë, an Nucën Papa Diosbëtan camabi ñu unio, an ca ësaquin mi caia: