Juan 7:7 - Kashibo-Kakataibo Biblia

⁷ Axa Nucën Papa Diosmi sináncëma unix ca mitsumi nishima, ꞌëmi cuni ca nishia. ꞌËn —ñu ꞌatima camina ꞌai —quixun cacë cupí ca atux ꞌëmi nishia.

Nukën 'Ibu Diosan ain unikama 'inan ain bana

⁷ Axa Nucën Papa Diosmi sináncëma unix ca mitsumi nishima, 'ëmi cuni ca nishia. 'Ën —ñu 'atima camina 'ai —quixun cacë cupí ca atux 'ëmi nishia.

Juan 7:7 Iomraidhean Croise

1 Reyes 21:20

Usokin katanua kakëx ka Elías kuankëxa. Kuanxun ka anua uvas ꞌapákë naë anua mërakëxun ami Ahabnën Elías nishkin kakëxa: —¿Mix ꞌëbë nishanankë uni ꞌaíshbi kaina ꞌë baribëtsini uax ꞌëbë mëranan? Kakëxun ka Elíasnën kakëxa: —Mibë bananuxun mi bari kana uan, min kamina Diosan upí iskëma ñuishi ꞌain.

1 Reyes 22:8

Kixun kakëxun ka Israel kaman ꞌapun Josafat kakëxa: —Anu ka achúshi aribi uisai kara Nukën ꞌIbu kia ñukátisa ꞌikën. Ax ka Micaías Imlá aín bakë bëchikë ꞌikën. ꞌAínbi kana ꞌën a uni istisama tanin an ka uínsaranbi upí bana kakinma, ꞌatima bana ishi ñuikin ꞌë kaia. Kakëxunbi ka Josafatnën kakëxa: —Usai kamina banatima ꞌain.

Proverbios 8:36

usa ꞌaínbi ka uix kara ꞌën kakëxun kuaisama tani ꞌuchaia a unix ka uisa ñu kara ꞌiti ꞌikë kixun ꞌunánimabi tsóti ꞌikën; ¡uikaman kara ꞌën kakëxun ꞌën bana kuaisamatania an ka aín bamati baria!

Isaías 49:7

Nukën ꞌIbu an nu bitëkënkë, Israel unikaman Dios upíira ax ka ësai kia, ami sinánkima manukë ëmakama bëtsi ëmanu ꞌikë unikama ami nishkin timakë, unikama ax ꞌapu ꞌixun ñu mëëmia a unikama ñui ka ësai Dios kiaxa: “Uínsaran kara ꞌapukama ꞌimainun aín kushikama mi isia anun ka nirukianx rantipuruni mi tanain tsóbuti ꞌikën, ꞌëx Israel unikaman Dios upíira ꞌixun kana ꞌën mitsu kaisa ꞌixun ꞌëx kikë usabi okin ꞌati ꞌain.”

Jeremías 20:8

ꞌËx banakëtibi kana bënë́kinshi ñu ꞌatima ꞌati ꞌimainun ñu masóti a ñui banain; usai kikin min bana ñuia ka ënkinmaira ꞌë ꞌichati ꞌëmi kuaikania, ꞌën mix kikë bana ñuikëbë.

Malaquías 3:5

Ësai ka Dios kamabi kushiñuira ax kia: ꞌËx kana uisa ñukama kaina mitsun ꞌa kixun isi uti ꞌain. Isanan kana anuxuinshi an ñunshinan ꞌamikëxun ñu ꞌati sinánkë, an aín xanumabi bëtsi unin xanu aín nami ꞌakë, axa këmëi usai ka ñu ꞌiti ꞌikë kiax kikë ꞌimainun tëmixunbi an ñu mëëmikë unikama kupíokëma ꞌimainun, raëmëkë xanukamakëñun ꞌibuñumakë tuákama ꞌianan an bëtsi menu tsókë unikama ꞌatima okë ꞌimainun, an ꞌëmi rakuënkin ꞌëx kikësabiokin ꞌakëma akamaribi kana ꞌatima oti ꞌain.

Lucas 6:26

Unicaman mitsu rabicëxbi camina masá nuituti ꞌain. Camina ꞌunánti ꞌain, usaribi oquin ca atun raracaman an Nucën Papa Diosan bana isa quixun uni paránquin bana ñuixuncë unicama rabiacëxa.

Juan 17:14

ꞌËn cana ënëcama min ꞌë sinánmicë bana upí, ashi ñuixunquin ꞌunánmia. ꞌAínbi ca an ënë bana cuacëma unicamax atumi nishia, ꞌëx ꞌicësaribitia atux ënë nëtënu ꞌicë ñuishi sináncëma ꞌain.

Juan 3:19

Axa ami sináncëma unicamax ca aín ꞌucha cupí Nucën Papa Diosan castícantishi ꞌicën, atúan an aín sinan upíira ꞌixun uni upí ꞌimiti ax uánbi ami catamëisama tanquin ꞌatima ñu ꞌatishi cuëëncë cupí.

Romanos 8:7

An ënë nëtënu ꞌicë ñuishi sináncë uni an ca Nucën Papa Dios cuëëncësabi oi ꞌiti sinanima. Usa ꞌixun ca asérabi aín bana ꞌunáncëma ꞌaish ami nishcësa ꞌixun añu ñu cara ꞌaisa tania a ñu ꞌaia. Usaquin ꞌaquin ca Nucën Papa Diosan bana cuaisama tanan a bana quicësabi oquin ꞌaima.

Gálatas 4:16

¿ꞌËn mitsu asérabi cacë bana sinánquin caramina ꞌëx cana mitsumi nishi quixun sinanin? Usama ca.

Santiago 4:4

Nucën Papa Diosmi manúxunmi mitsun cuëëncësa oquinshi ꞌaia cana ësaquin mitsu cain: ¿Mitsun caramina ꞌunaniman, ënë menu ꞌicë ñuishi sináncë ꞌaish ca uni Nucën Papa Diosbë upíma ꞌicë quixun? Uinu ꞌicë unin cara ënë menu ꞌicë ñuishi sinania ax ca ainanma ꞌaish Nucën Papa Diosmi nishcësa ꞌicën.

1 Juan 4:5

A unicamax ca ënë menu ꞌicë ñuishi sináncë ꞌaish a ñuishi ñui banaia. Usa ꞌicë ca asaribi unicaman aín bana cuatia.