Juan 7:48 - Kashibo-Kakataibo Biblia

⁴⁸ Achúshira nun ꞌapúnbi ca axa quicë aín banax ca asérabi ꞌicë quixun sináncëma ꞌicën. Usaribi oquin ca achúshira fariseo unínbi axa quicë banax ca asérabi ꞌicë quixun sináncëma ꞌicën.

Nukën 'Ibu Diosan ain unikama 'inan ain bana

⁴⁸ Achúshira nun 'apúnbi ca axa quicë aín banax ca asérabi 'icë quixun sináncëma 'icën. Usaribi oquin ca achúshira fariseo unínbi axa quicë banax ca asérabi 'icë quixun sináncëma 'icën.

Juan 7:48 Iomraidhean Croise

Mateo 11:25

Catancëxun ca Jesusan Nucën Papa Dios cacëxa: —ꞌËn Papa Dios, mixmi naí ꞌimainun menu ꞌicë ñucaman ꞌIbu ꞌicë cana mi rabin. Ami uni ꞌunánmiti ñu a camina an ñu ꞌunáncë unicama ꞌunánmiquinma an ñu ꞌunáinracëma unicama ꞌunánmian. Usaquinmi ꞌacë cupí cana mi rabin. Usaquin ꞌati camina mix cuëëan.

Lucas 23:13

Usa ꞌain ca Pilatonën, judíos sacerdotenën cushicama ꞌimainun judíos ꞌapucama ꞌimainun unicama camiacëxa.

Juan 12:42

Usa ꞌaínbi ca ꞌitsaira judíos uni ꞌimainun aín ꞌapu raírinënribi Jesús, ax ca Cristo, axa utia atun caíncë, a ꞌicë quixun sináncëxa. Atun nuitu mëu usaquin sinaníbi ca chiquiracëti banama ꞌicën, fariseo unicamami racuëti —atun sapi ca anua judíos unicama timë́ti xubunu nu atsínmitëcëntima ꞌicë —quixun sinani.

Juan 3:1

Fariseo uni achúshi ca Nicodemo caquin anëcë ꞌiacëxa. Ax ca judíos unicaman ꞌapu achúshi ꞌiacëxa.

Juan 7:26

Ca is, camabi unin ismainuan cacëxunbi ca ꞌapucaman uisaquinbi caima. ¿Ënëx ca asérabi Cristo, ax utinu nun caíncë a ꞌicë quixun cara atun ꞌunánx?

Juan 7:49

Usa nun ꞌapucama ꞌain ca ënë unicamax Moisésnëan cuënëo bana ꞌunáncëma cupí ꞌaisama ꞌaish ꞌuchocë ꞌianan uisa oquin cara Nucën Papa Diosan ꞌati ꞌicë usoquin ꞌacë ꞌiti ꞌicën.

Juan 7:50

Usaquian fariseocaman caia cuaquin ca Nicodemo, ax paían bëráma Jesúsnu imë́ cuan, axribi fariseo uni ꞌixun cacëxa:

Hechos 6:7

Usa ꞌain ca amiribi amiribia, Jesús ax ca asérabi Cristo ꞌicë quixun Jerusalénuxun cuacocancëbë, ami sinani Nucën Papa Diosnan ꞌi unicamax ꞌitsacëxa. Usai ꞌicëbë ca judíos sacerdotecamaribi ꞌitsaxira Jesúsmi catamëacëxa.

1 Corintios 1:20

Sinánñu uni ꞌimainun an quirica ꞌunáncë uni ꞌimainun an ënë menu ꞌicë ñuishi ñuiti ꞌunáncë uni acaman, ñu ꞌunáncë cana ꞌai, quixun sináncë ꞌaínbi ca Nucën Papa Diosan sinan abë sënë́nmaira ꞌicën. Usa ꞌain ca usa unicaman aín sinánsamaira Nucën Papa Diosan sinan ꞌicë quixun isti ꞌicën.

1 Corintios 2:8

Ënë menu ꞌicë ꞌapucaman ca a bana ꞌunánma ꞌicën. A bana ꞌunánxun ca Nucën ꞌIbu Jesús, Diossaribi cushi, a i curúsocënu matásmiama ꞌitsíanxa.