Juan 7:4 - Kashibo-Kakataibo Biblia

⁴ Camabi unían a ꞌunánti cuëënquin ca unin unë́xun ñu ꞌaima. Usa ꞌain camina ami ꞌacë ñucamaribi Jerusalénu timë́cë unicaman isnun ꞌai cuanti ꞌain.

Nukën 'Ibu Diosan ain unikama 'inan ain bana

⁴ Camabi unían a 'unánti cuëënquin ca unin unë́xun ñu 'aima. Usa 'ain camina ami 'acë ñucamaribi Jerusalénu timë́cë unicaman isnun 'ai cuanti 'ain.

Juan 7:4 Iomraidhean Croise

1 Reyes 22:13

Kakëbë axribi ukin ka axa Micaías kai kuankë uni an ësakin kakëxa: —Kamabi an Diosan bana ñuikë unikamax ka bëtsix kikësa kikësaribiti banakin ꞌapu upíokin kaxa. Usa ꞌain kamina minribi atun kakësaribiti añu kara ꞌati ꞌikë ꞌapu kai kiti ꞌain.

Mateo 23:5

Añu ñu cara ꞌaia a ꞌaquin ca unicaman axira isa upí ꞌicë quixun sinánquinsa unin a rabinun quixun ꞌaia. ꞌAnan ca bëtsi unisama isa ax ꞌicë quixuan camabi unin isnun quixun chupa aín cuëbí chooquin cuëcápuncë pañuia. Pañuanan ca cuënëo bana aín bëmánanu ꞌanan aín pëñan mëmiu tëcërëcaia, a unicamax ca a bana cuacë ꞌicë quixuan unin sinánun quixun.

Mateo 4:6

Buánrutancëxun ca cacëxa: —Diosan bana cuënëo ca ësai quia: An ca aín ángelcama mi bërúanmia. Bërúancëxmi maxáxmi tachacaxma ꞌinun ca aín mëcënan biquin mi bacáruti ꞌicën. Usa ꞌain ca mix asérabi Diosan Bëchicë ꞌaish ënuax nuánquianx menu nipacëtan.

Mateo 6:16

Mitsux Nucën Papa Diosbë upiti bananuxun piima camina an uni paráncë uníxa ꞌicësaribiti ꞌitima ꞌain. A unicamax ca —Nucën Papa Diosmi sinánquin picëma ꞌaish ca upí uni ꞌicë —quixuan raíri unin sinánun quiax picëma ꞌianan masá nuitucësa ꞌia. Usai ꞌia uni raírinën a rabiabi ca Nucën Papa Diosan a upí isima.

Mateo 6:5

Mitsux Nucën Papa Diosbë banai camina an uni paráncë unicama ꞌicësa oi ꞌitima ꞌain. Atux ca unían a isnun quiax anua judíos unicama timë́ti xubunuax ꞌianan anun niti bai cuëbí anuaxribi Nucën Papa Diosbë banaia. Asérabi cana mitsu cain, a unicamaxa usai Nucën Papa Diosbë banaia iscë unicaman —ax ca upí uni ꞌicë —quixun sinánquin rabia. Usaquin rabiabi ca Nucën Papa Diosan a upí isima.

Lucas 6:45

Iisaribi ca uni ꞌicën. Aín nuitu upí ꞌain ca uni upí ñu ñui upiti banaia. Usa ꞌaínbi ca raíri unix aín nuitu upíma ꞌain, upíma ñu ñui ꞌatimati banaia. Unix ca aín nuitu mëúa sináncësaribi oi aín cuëbitan banaia.

Juan 18:20

Ñucácëxun ca Jesusan cacëxa: —ꞌËn cana camabi unían cuamainun, anua judíos unicama timë́cë xubucamanuxun ñuixuanan anuxun Nucën Papa Dios rabiti xubu anua judíos unicama timë́cë, anuxunribi unë́quinma unicama bana ñuixuan.

Juan 7:3

aín xucë́antun Jesús cacëxa: —Ënuax ca Judea nëtënu cuantan, anuxunmi ñu ꞌaia an min bana cuacë unicaman isnun.

Juan 7:5

Aín xucën ꞌibu ꞌixunbi aín bana cuaisama tanquin ca usaquin cacëxa.