Juan 7:31 - Kashibo-Kakataibo Biblia

³¹ Judíos unin ꞌapucaman ami nishquin Jesús biisa tancëbëbi ca ꞌaisamaira unix ami sinani quiacëxa: —¿Ënë unían unin ꞌacëma ñu ꞌacësamaira oquin cara axa utinu nun caíncë, Cristo, ax uquin ꞌati ꞌic?

Nukën 'Ibu Diosan ain unikama 'inan ain bana

³¹ Judíos unin 'apucaman ami nishquin Jesús biisa tancëbëbi ca 'aisamaira unix ami sinani quiacëxa: —¿Ënë unían unin 'acëma ñu 'acësamaira oquin cara axa utinu nun caíncë, Cristo, ax uquin 'ati 'ic?

Juan 7:31 Iomraidhean Croise

Mateo 12:23

Jesusan usoia isi ca anu ꞌicë unicamax ratuti sináncasmai canancëxa: —¿Ënë unix cara asérabi Davitan rëbúnqui, axa uti nun caíncë, a ꞌic?

Lucas 8:13

Maparañu me bëxbánua ñu bëru nipacëcë usaribi ca raíri uni ꞌicën. A unicaman ca Nucën Papa Diosan bana cuati cuëënquin —a bana quicësabi oi cana ꞌiti ꞌai —quixun aín nuitunën sinania. Sinánquinbi ca maparañu menu nipacëcë ñu bëru tapun ꞌitsañuma usaribi ꞌixun, Nucën Papa Diosan bana ꞌacë cupí ami cuaianan ami nishquin unin ꞌatimocëxun, tënëquinma a bana manuquin ënia.

Juan 11:45

Usoquian ꞌaia isquin ca axa Maríabë cuancë judíos unicaman, Jesús ca asérabi Nucën Papa Diosnuaxa uá ꞌicë quixun sináncëxa.

Juan 12:42

Usa ꞌaínbi ca ꞌitsaira judíos uni ꞌimainun aín ꞌapu raírinënribi Jesús, ax ca Cristo, axa utia atun caíncë, a ꞌicë quixun sináncëxa. Atun nuitu mëu usaquin sinaníbi ca chiquiracëti banama ꞌicën, fariseo unicamami racuëti —atun sapi ca anua judíos unicama timë́ti xubunu nu atsínmitëcëntima ꞌicë —quixun sinani.

Juan 2:11

Usoquin ca Jesusan Galilea menu ꞌicë ëma, Caná, anuxun aín sinanëinshi ꞌatabaquin uni itsin ꞌacëma ñu ꞌacëxa, uni itsin cushisamaira ca aín cushi ꞌicë quixuan unicaman ꞌunánun. Usaquian ñu ꞌaia isi ca aín ꞌunánmicë unicama ami catamëacëxa.

Juan 3:2

Usa ꞌixun ca anu ñantan cuanxun Jesús cacëxa: —Unían mix camina cushiira ꞌai quixun ꞌunánun camina uinu ꞌicë unínbia ꞌacëma ñu ꞌain. Nucën Papa Diosa abëma ꞌain ca uinu ꞌicë unínbi minmi ꞌacësoquin ñu ꞌatima ꞌicën. Usa ꞌain cananuna ꞌunan, Nucën Papa Diosan ca minmi nu ꞌunánminun ënë menu mi xuacëxa quixun.

Juan 4:29

—ꞌËbë banaquin ca achúshi unin ꞌëx usai ꞌicëcama ñuiquin ꞌë caxa. Ënëx sapi ca asérabi Cristo ꞌicën, ca isi ut.

Juan 4:39

Usai Jesús aín ꞌunánmicë unicamabë banamainuan a xanun cuanxun —a unin ca ꞌëx usai ꞌicëcama ñuiquin ꞌë caxa —quixun cacëx ca a ëmanu ꞌicë samaritano uni ꞌitsáxira —Jesús ax ca Nucën Papa Diosnuax ucë ꞌicë —quixun sinani Jesúsmi sináncëxa.

Juan 6:2

Cuancëbë ca an uni itsían ꞌacëma ñu ꞌanan uni ꞌinsíncë pëxcuia iscë unicama Jesús nuibiani cuancëxa.

Juan 7:26

Ca is, camabi unin ismainuan cacëxunbi ca ꞌapucaman uisaquinbi caima. ¿Ënëx ca asérabi Cristo, ax utinu nun caíncë a ꞌicë quixun cara atun ꞌunánx?

Juan 9:16

Quixuan cacëx ca fariseo uni raírinëx quiacëxa: —A unin ca anun ñu mëëtima nëtën ñu ꞌaia. Usa ꞌaish ca Nucën Papa Diosnuaxa ucë uni ꞌitima ꞌicën. Quiáxa quicëbë ca raíri quiacëxa: —¿An ñu ꞌatima ꞌacë unin cara ësaquin uni itsían ꞌacëma ñu ꞌati ꞌic? Usari ca bëtsi bëtsi oquin sinani atúxbi quiacëxa.

Hechos 8:13

Usaía ꞌicëbë ca Simónribi a bana cuaxun, asérabi ca ax ꞌicë quixun sinani nashimicë ꞌaish Felipebë niacëxa. Abë nitsi ca Felipenëan uni itsin ꞌacëma ñu ꞌaia isi ratuti sináncasmacëxa.

Santiago 2:26

Cananuna ꞌunanin, bamatancëx ca bëru ñunshínñuma ꞌaish uni aín nami ñancáishi ꞌicën. Usaribi ca uni ax isa Jesucristomi catamëtia quiquinbi uni itsi nuibaquin ꞌaquincëma ꞌaish, aín banax ñancáishi ꞌicën.