Juan 7:28 - Kashibo-Kakataibo Biblia

²⁸ Ësaía canania cuaquin ca Jesusan anuxun Nucën Papa Dios rabiti xubunuxun bana ñuixuni munuma banaquin cacëxa: —Mitsun camina ꞌë ꞌunan, uinuax carana uan quixun camina ꞌunanin. Usa ꞌaínbi cana ꞌëx, ꞌëxbi ucëma ꞌain. Aín banaxa nëtë́timoi asérabi, an xucëx cana uacën. An ꞌë xuá a camina mitsun ꞌunaniman.

Nukën 'Ibu Diosan ain unikama 'inan ain bana

²⁸ Ësaía canania cuaquin ca Jesusan anuxun Nucën Papa Dios rabiti xubunuxun bana ñuixuni munuma banaquin cacëxa: —Mitsun camina 'ë 'unan, uinuax carana uan quixun camina 'unanin. Usa 'aínbi cana 'ëx, 'ëxbi ucëma 'ain. Aín banaxa nëtë́timoi asérabi, an xucëx cana uacën. An 'ë xuá a camina mitsun 'unaniman.

Juan 7:28 Iomraidhean Croise

Jeremías 31:34

Usa ꞌain ka uínsaranbi uínbi bëtsi uni usa ka Nukën ꞌIbu ꞌikë kixun ꞌunámitima ꞌikën, an ꞌunánkë unikama ꞌimainun aín aintsikama ꞌëa ꞌunánun ꞌunánmitëkëinsama ꞌiti ꞌikën, atun ka kamaxunbi uni apanbu ꞌimainun tuáxura kamanbi ka Dios ꞌikë ꞌë ꞌunánkë ꞌiti ꞌikën. ꞌËn kana atun ñu ꞌatima ꞌakëkama mëníoxunkin, atun ꞌuchakëkama a amiribishi sinántëkëntima ꞌain. ꞌËx mitsun ꞌIbu ꞌaish kana asérabi ësai kiakën.

Oseas 4:1

Israel unikaman ka ësai ka Nukën ꞌIbu kia kuati ꞌikën. An ka ënë menu tsókë unikama nishanankë a uisokin kara ꞌati ꞌikë sinánxa, ënë menu ka uni nuibanani tsókë ꞌaíma ꞌianan, bëtsi uni mëëkaskin uisai kara Diosan bana kia abi ꞌunanima.

Oseas 5:4

Bëtsi bëtsi ñua aín ëmanuxun ꞌakë anbi ka Israel unikama aín, Diosmi sinanatëkënun ꞌimiman. Usa ꞌain ka an ꞌakë ñu ꞌatima abi tënëtisama tankin ꞌakë anbi ka aín ꞌIbu Dios sinántisama oia.

Mateo 11:27

Usaquin aín Papa Dios catancëxun ca Jesusan anu ꞌicë unicama amiribishi cacëxa: —ꞌËn Papa Diosan ca camabi aín sinan ꞌë ꞌunánmiaxa. Uinu ꞌicë unínbi ca uisa uni ꞌianan añu ꞌai carana ꞌëx uacën quixun ꞌunanima. ꞌËn Papa Diosan cuni ca ꞌunania. Usaribi oquin ca uinu ꞌicë unínbi, uisa cara Nucën Papa Dios ꞌicë quixun ꞌunanima. Aín Bëchicë, ꞌën cuni cana ꞌunanin, ꞌimainun ca a ꞌën uisaira cara ax ꞌicë quixun ꞌunánmisa tancë unicama anribi ꞌunania.

Mateo 2:23

Galilea menu bëbatancëx ca Nazaret ëmanu tsoti cuancëxa, usai ꞌitioquian an Nucën Papa Dios quicë bana uni ñuixuncë unicaman ñuiasabi oi. A banax ca ësai quia, Jesús ca Nazaretnu ꞌicë uni ꞌicë quixun ca unin caia.

Mateo 26:55

Usaquin catancëxun ca Jesusan axa anu ucë unicama cacëxa: —¿Manë xëtocë ꞌimainun imaxu tëacë tuíanx caramina mëcamacë uni ꞌacësoquin ꞌë binux ucan? Camabi nëtën ꞌën mitsu nëbë́tsi tsóxun, anuxun Nucën Papa Dios rabiti xubunuxun bana ñuiabi camina uisa ꞌixunbi ësoquin ꞌë bicancëma ꞌain.

Lucas 10:22

Usaquin aín Papa Dios catancëxun ca Jesusan anu ꞌicë unicama amiribishi cacëxa: —ꞌËn Papa Diosan ca camabi aín sinan ꞌë ꞌunánmiaxa. Uinu ꞌicë unínbi ca uisa uni ꞌianan añu ꞌai carana ꞌëx uacën quixun ꞌunanima. ꞌËn Papa Diosan cuni ca ꞌunania. Usaribi oquin ca uinu ꞌicë unínbi, uisa cara Nucën Papa Dios ꞌicë quixun ꞌunanima. Aín Bëchicë, ꞌën cuni cana ꞌunanin, ꞌimainun ca a ꞌën uisaira cara ax ꞌicë quixun ꞌunánmisa tancë unicama anribi ꞌunania.

Lucas 2:11

Ënë nëtën ca bacë́anxa anuax David bacë́an ëmanuax an camabi uni aín ꞌucha tërë́ncë ꞌaish Nucën Papa Diosnan ꞌinun ië́miti. Ax ca Nucën ꞌIbu Cristo, a ꞌicën.

Lucas 2:39

Usa ꞌain ca Josébëtan Maríanën Nucën ꞌIbu Diosan bana Moisésnën cuënëo ax quicësabi oquin ꞌatancëx Galilea menu cuantëcëni anu atux ꞌicë ëma, Nazaret, anu bëbatëcëancëxa.

Lucas 2:4

Usa ꞌain ca José Galilea menu ꞌicë ëma Nazaret cacë, anuax Belén cacë ëmanu cuancëxa. Belén ax ca Judea menu ꞌicë ëma, anuaxa David bacë́an, a ꞌiacëxa. José, ax David aín rëbúnqui ꞌaish, ca aín anë ꞌai Belénu cuancëxa.

Lucas 2:51

Usa ꞌain ca José ꞌimainun Maríabë Jesús Nazaretnu cuantëcëancëxa. Cuanx anuax caniquin ca aín ꞌunan papa ꞌimainun aín tita quicësabi oquin ñu ꞌacëxa. Usaía canimainun ca Maríanën Jerusalénuaxa Jesús ꞌicëcama a manuquinma sináncëxa.

Juan 1:46

Felipenën cacëxun ca Natanaelnën cacëxa: —¿Nazaret ëmanu cara ñu ꞌunáncë uni ꞌiti ꞌic? Cacëxun ca Felipenën cacëxa: —Usa ca mi isnun ca ꞌëbë cuani ut.

Juan 10:36

¿Nucën Papa Diosan ënë menu uni ꞌinun ꞌë xuá ꞌaínbi caramina mitsun uisa ꞌixun, aín Bëchicë cana ꞌai qui cana Nucën Papa Dios ñui ꞌatimati banai quixun ꞌë cain?

Juan 12:49

ꞌËx cana ꞌënbi sinánx banaiman. ꞌËn Papa, an ꞌë xuá, an ca uisai carana banati ꞌain, uisoquin carana uni ꞌunánmiti ꞌai quixun ꞌë caxa.

Juan 14:10

¿ꞌËx cana Nucën Papa Diosbë ꞌain, Nucën Papa Dios ax ca ꞌëbë ꞌicë quixun caramina sinaniman? ꞌËn mi cacë bana ënëx ca ꞌënbi sinani quicë banama ꞌicën. Ax ꞌëbë ꞌixun ca Nucën Papa Diosan ax cuëëncë ñu ꞌanun ꞌë ꞌamia.

Juan 14:31

Usa ꞌaínbi cana camabi unían ꞌëx cana ꞌën Papami sinani quixun ꞌunánun, an ꞌë cacësabi oquin ꞌain. Ënëishi cana mitsu cain. Cuanti ca nirut —quixun ca Jesusan aín ꞌunánmicë unicama cacëxa.

Juan 16:3

Uisa nëtë́nbi Nucën Papa Dios ꞌimainun ꞌëribi ꞌunáncëma ꞌixun ca usoquin mitsu ꞌati ꞌicën.

Juan 17:25

Papan, upíira sinánñu camina ꞌain. Usa ꞌicëbi ca an min bana cuacëma unicaman mi ꞌunanima. ꞌAínbi cana ꞌën mi ꞌunan, an ꞌën bana cuacë unicamanribi ca asérabi camina min ꞌë xuacë quixun ꞌunania.

Juan 17:3

Ui unin cara mixëshimi asérabi Dios ꞌicë, mi ꞌunánan minmi ënë menu unun xuá, ꞌë ꞌunáncë, a unicamaxëshi ca xënibua ꞌaínbi minan ꞌaish mibë ꞌiti ꞌicën.

Juan 3:2

Usa ꞌixun ca anu ñantan cuanxun Jesús cacëxa: —Unían mix camina cushiira ꞌai quixun ꞌunánun camina uinu ꞌicë unínbia ꞌacëma ñu ꞌain. Nucën Papa Diosa abëma ꞌain ca uinu ꞌicë unínbi minmi ꞌacësoquin ñu ꞌatima ꞌicën. Usa ꞌain cananuna ꞌunan, Nucën Papa Diosan ca minmi nu ꞌunánminun ënë menu mi xuacëxa quixun.

Juan 3:33

Usa ꞌaínbi ca axa aín bana cuati ami catamëcë uni, an —Nucën Papa Diosan banax ca asérabi ꞌicë —quixun sinánan —ca usa ꞌicë —quixun unicama ñuixunia.

Juan 5:32

Usa ꞌaínbi ca axa ꞌë ñui quicë ax Nucën Papa Dios ꞌicën. ꞌË ñuia quicë bana ax ca asérabi ꞌicë quixun cana ꞌunanin.

Juan 5:43

ꞌËx ꞌën Papan xucëx uá ꞌicëbi camina mitsun ꞌën bana cuaisama tanin. Usa ꞌixunbi camina Nucën Papa Diosan xucëxmabia axbi ucë unin bana cuati ꞌain.

Juan 6:42

quicancëxa: —¿Josénën bëchicë, Jesús, ama cara ënëx ꞌic? Nun cananuna aín tita ꞌimainun aín papa ꞌunan. ¿Uisacatsi cara —ꞌëx cana naínuax uan —quiax quin?

Juan 7:14

Usaía quimainun ca anun Nucën Papa Dios rabinux timë́cë nëtëa sënë́ncëma pain ꞌain, Jesusan anuxun Nucën Papa Dios rabiti xubunu atsínxun bana ñuixuancëxa.

Juan 8:14

Cacëxun ca Jesusan cacëxa: —ꞌËxbi ꞌëx cana usa ꞌai quicëxbi ca ꞌën banax asérabi ꞌicën. Uinuax carana uan, uinu carana cuani quixun cana ꞌën ꞌunanin. ꞌËn ꞌunáncë ꞌaínbi camina mitsun, uinuax carana ꞌëx uan, uinu carana cuani quixun ꞌunaniman.

Juan 8:16

Usa ꞌixunbi ꞌën uni ꞌuchoquin cacë ꞌain ca ꞌën Papa, an ꞌë xuá, anribi, usa ca quixun sinania. Usa ꞌain ca ꞌën ꞌuchoquin cacë banax asérabi ꞌiti ꞌicën.

Juan 8:19

Usaquian Jesusan cacëxun ca fariseo unin cacëxa: —¿Uinu cara min Papa ꞌic? Cacëxun ca Jesusan cacëxa: —Mitsun camina ꞌunaniman, ui carana ꞌëx ꞌai quixun. ꞌËn Paparibi camina ꞌunaniman. Asérabi ui carana ꞌai quixun ꞌë ꞌunánquin camina ꞌën Paparibi ꞌunántsian.

Juan 8:26

ꞌItsa ñu ñuiquin cana mitsu cacëma pain ꞌain, uisa ñu ꞌai caramina ꞌuchai quixunmi ꞌunánun. Caquinma cana an ꞌë xuá axa quicë banax asérabi ꞌain, an ꞌë cacëxun ꞌën cuacë, ashi ënë nëtënu ꞌicë unicama ñuixunin.

Juan 8:42

Usaquian cacëxun ca Jesusan cacëxa: —Nucën Papa Diosnuax cana ꞌëx ënë menu uacën. ꞌËx cana ꞌëxbi uáma ꞌain, an ca ënu unun ꞌë xuacëxa. Usa ꞌain camina mitsux asérabi Nucën Papa Diosnan ꞌaish ꞌëmi sinántsian.

Juan 9:29

Nun cananuna ꞌunan, Moisésbë ca Nucën Papa Dios banacëxa. Usa ꞌixunbi cananuna uinuax cara a uni uaxa quixun ꞌunaniman.

Hechos 17:23

ꞌËx ënë ëmanu ꞌicë bain niquin cana anuxunmi mitsun dioscama rabicë ꞌitsa isan. Isanan cana anuxun mitsun dios rabiquinmi anu ñu nanti ñu achúshinumi ësaquin cuënëocë isan: “Ënëx ca anuxun nun ꞌunáncëma dios rabiti a ꞌicën”. ꞌUnánxunmabimi rabicancë dios a cana ꞌën mitsu ñuixunin.

Romanos 1:28

Usa unicama ca ami sinántisama tania Nucën Papa Diosan aín sinan upíma ꞌixun ꞌatima ñuira ꞌanun quixun ëanxa.

Romanos 3:4

Ca usama ꞌicën. Uníxa aín quicësa oquin ꞌananbi cëmëti ꞌaínbi ca Nucën Papa Diosainshi asérabi camabi ax quiásabi oquin ꞌaia. Usa ꞌain ca Nucën Papa Dios ñui aín bana cuënëo ësai quia: Camabi unin ca ꞌunánti ꞌicën, min bana ca asérabi upí ꞌicë quixun. Asábi cara quixun ꞌunántisa tanquin isquinbi ca min ꞌacë ñu asábiira isquin unin —mix camina upí ꞌai —quixun ꞌunánti ꞌicën.

2 Corintios 1:18

Usama cananuna nux ꞌain. Nucën Papa Diosan ca ꞌunania, nux —cananuna cuanti ꞌai —quiquin cananuna —asérabi cananuna cuanti ꞌai —quixun sinan.

2 Corintios 4:6

Nucën Papa Dios axa bëráma, “Bëánquibucë ca pëquiti ꞌicë” quiá, anbi ca Cristonëan nun nuitu mëúxun nu chuámashi tani cuëënquinu uisaira upí cara Nucën Papa Dios ꞌicë quixun ꞌunánun ꞌimiaxa.

Tito 1:2

Usa ꞌixun cana ainan ꞌaish ca uni xënibua ꞌaínbi aín nëtënu abë ꞌiti ꞌicë quixun unicama ꞌunánmin. Ax asérabi cëmëma ꞌaish ca Nucën Papa Dios bëráma, me ꞌimainun camabi ñu uniosama pain ꞌaíshbi, ësai ca ꞌën unicama ꞌën nëtënu ꞌëbë ꞌiti ꞌicë quiax quiacëxa.

Hebreos 6:18

Usa ꞌain cananuna an ca ax quicësabi oquin ꞌaia quixun ꞌunánan, axa —sinanatëcëntimoquin cana mitsu cai —quicë cupí ca an asérabi usoquin ꞌati ꞌicë quixun ꞌunanin. Usaquin ꞌunánquin cananuna ꞌunanin, nun nu an nu ꞌaquinun ñucácë ꞌixun ca nu asérabi ꞌaquinti ꞌicë quixun. ꞌUnánan cananuna ami catamëquin —aín bana quicësabi oi cana asérabi ainan ꞌaish aín nëtënu abë ꞌiti ꞌai —quixun ꞌunanin.

1 Juan 5:10

Axa aín Bëchicëmi catamëcë uni, an ca Nucën Papa Diosan ꞌunánmicëxun asérabi ꞌunania, Jesucristo ax ca asérabi aín Bëchicë ꞌicë quixun. Usa ꞌaínbi ca an Nucën Papa Diosan bana ca asérabi ꞌicë quixun sináncëma uni, ax —Nucën Papa Dios ca cëmë ꞌicë —quicësa ꞌicën, an aín Bëchicë ñui quicë bana ca asérabima ꞌicë quixun sináncë cupí.

1 Samuel 2:12

Elínën bëchikë kamax ka sacerdote ꞌaíshbi ñu ꞌatima ꞌakë ꞌaish ꞌatima sinánñubu ꞌiakëxa, usa ꞌixun ka Nukën ꞌIbun kuëënkësama okin ñu ꞌakëxa,